Joël Kete tënë na ndö ti Mbeti ti Joël
Kete tënë na ndö ti Mbeti ti Joël
Wayanga-Nzapa Joël abaa agbadola na ya ti mbeni ye tongana bango-li; agbadola ni amu ndö ti sese ni kue. Ala yeke tongana aturugu so aga ti buba kodro. Fango ngbanga ti Nzapa laa ayeke ga so! Nzapa airi azo ti lo ti kiri na mbage ti lo, lo mu zendo ti zi ala na maboko ti wato, ti sara nga tufa na ndö ti ala. Fade Nzapa ayeke fa ngangu ti lo na le ti azo ti mara nde, me lo yeke na popo ti azo ti lo, lo yeke sara si azo ti lo ni ayeke mai maingo. Na mbeni lango, fade lo yeke tokua yingo ti lo na ndö ti azo kue.
Mbeni mama-tënë ti Mbeti ti Joël ayeke “lango ti *KOTA GBIA”. Lango ni ayeke duti ande lango ti fango ngbanga ti Nzapa.
“Tongaso gba ti azo, gba ti azo ayeke ga na popo-hoto ti fango ngbanga. Lango ti KOTA GBIA aga nduru awe; lango ti gango ti lo na popo-hoto ni. Le ti lâ na ti nze avuko pitipiti si atongoro akiri aza pepe. Ti londo na hoto ti Sion, KOTA GBIA atoto tongana bamara; ti londo na Jérusalem, lo dekongo ngangu. Tongaso nduzu na sese ayingi ngangu. Me KOTA GBIA ayeke tongana ndo so azo ti lo ayeke bata tere ti ala daa, ndo so azo ti Israel ayeke kpe daa ti bata tere ti ala”.
(4.14-16)
Akota ye so ayeke na ya ti mbeti so:
- Agbadola amu ya ti kodro kue 1.1-20
- KOTA GBIA airi azo ti lo titene ala zia ngbene lege ti sarango ye ti ala 2.1-17
- Fade KOTA GBIA ayeke sara tufa na ndö ti azo ti lo 2.18–3.5
- Fade KOTA GBIA ayeke pika azo ti mara nde 4
Currently Selected:
Joël Kete tënë na ndö ti Mbeti ti Joël: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010