Osée 14
14
1Fade azo ti Samarii ayeke wara ye
ti peko ti sioni so ala sara,
ngbanga ti so ala tomboka na tere ti Nzapa.
Fade ala yeke kui na ya ti bira,
a yeke nika amolenge ti ala so angba ti nyon me,
a yeke suru ya ti amama ti ngo.”
Azo ti Israel akiri na Nzapa
2 Israel, kiri na *KOTA GBIA Nzapa ti mo,
ngbanga ti so sioni ti mo asara si mo ti.
3Ala kiri na KOTA GBIA si ala tene na lo atënë so:
“Sioni so kue e sara so, zi tënë ni na li ti e.
Yamba e na nzoni be!
E ye ti ya na mo atënë ti yanga ti e,
ahon titene e ya na mo *sandaga ti akoli-bagara.
4Asirii alingbi ti soo e na kuâ pepe.
Fade e yeke kiri ti ko na ndö ti mbarata ti bira pepe;
ayanda so e sara na maboko ti e so,
e yeke kiri ti iri ala ‘Nzapa ti e’ pepe.
Gi mo Nzapa oko laa, mo yeke baa mawa ti nyindu.”
5KOTA GBIA atene:
“Fade mbi yeke zi nzara ti kengo mbi
so ayeke na be ti ala so;
mbi yeke ye ala na be ti mbi kue,
ngbanga ti so ngonzo ti mbi akai
na tere ti ala awe.
6Mbi yeke ga tongana ngu ti pere
ndali ti Israel,
lo yeke ga pendere tongana kongo ti ngonda,
agunda ti lo ayeke li sese
tongana gunda ti akeke ti Liban.
7Lo yeke ga tongana keke
so amaboko ni agbara tere,
pendere ti lo ayeke duti
tongana ti keke ti olive,
fion ti lo ayeke duti
tongana nzoni fion ti keke ti Liban.
8Azo ti mbi ayeke kiri ti duti na gbe ti de ti lo,
ala yeke kiri ti lu ale ti *ble,
ala yeke mai tongana keke ti vinye;
sango ti ala ayeke mu ndo kue
tongana ti pendere vin ti Liban.
9Efraim, nyen laa ayeke kiri
ti bongbi mbi na anzapa nde nyen?
Mbi laa mbi yeke ma sambela ti mo
si mbi yeke baa ndo na ndö ti mo.
Mbi, mbi yeke tongana keke ti sipre
so akugbe ni angba lakue fini ni.
Mbi laa mbi yeke sara titene ale ti kobe ti mo adu.”
10Zo so ayeke na ndara,
fade lo yeke hinga nda ti atënë so;
zo so ahinga ndo, fade lo yeke ma ya ni.
Biani, alege ti KOTA GBIA ayeke mbirimbiri;
fade azo ti mbirimbiri ayeke tambula daa,
me azo ti ngangu li ayeke ti daa.
Currently Selected:
Osée 14: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010
