Habakuk Kete tënë na ndö ti Mbeti ti Habakuk
Kete tënë na ndö ti Mbeti ti Habakuk
Na ya ti mbeti so, e yeke wara tënë so wayanga-Nzapa Habakuk na Nzapa atene na popo ti ala. Li ti Habakuk aga kirikiri ndali ti aye ti ngangu so azo ayeke sara na amba ti ala nga na sarango ye na lege ti ndia pepe so ayeke na ya ti kodro ni. Nilaa lo dema tere ti lo na Nzapa. Na pekoni, Nzapa akiri tënë na lo, atene, fade ni yeke tokua azo ti Babilone ti ga ti pika azo ti Juda. Me Habakuk atene na *KOTA GBIA atene, azo ti Babilone ayeke sioni mingi ahon azo ti Juda. Tongaso Nzapa atene, fade a yeke pika nga azo ti Babilone.
Nzapa atene biani na Habakuk so mbeni lâ, fade azo ayeke sara ye alingbi na ndia ti lo:
“Ye so mo baa na ya ti mbeni ye tongana bango-li so ayeke si na ngoi so alingbi, ngoi ni ayeke ga nduru nduru; tënë ni ayeke mvene pepe. Me tongana ye ni angba ti ninga, mo ku ni, ngbanga ti so nyen na nyen kue, ye ni ayeke si tongana ngoi ni alingbi. Su tënë ni tongaso: ‘Zo so baba ahon ndö ti lo, fade lo yeke kui; me fade zo ti mbirimbiri ayeke na fini na lege ti batango tënë ti yanga ti Nzapa.’ ”
(2.3-4)
Akota ye so ayeke na ya ti mbeti so:
- Habakuk adema tere ti lo si Nzapa akiri tënë na lo 1.1–2.6
- Azo so ayeke sara sioni, fade ala yeke wara ye ti peko ti sioni ti ala 2.6-20
- Habakuk ayeke gonda Nzapa 3.1-19
Currently Selected:
Habakuk Kete tënë na ndö ti Mbeti ti Habakuk: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010