1 Mbai 9
9
1A diko wungo ti azo ti Israel kue si a su ni na ya ti mbeti ti agbia ti Israel na lege ti asewa ti ala.
Azo ti Jérusalem
A gbu azo ti Juda ague na ala na Babilone, ngbanga ti so ala ke Nzapa. 2Akozo zo so akiri na ya ti gbata ti ala ti kiri ti mu aye so ayeke lani ti ala ayeke asenge zo ti Israel, awayango-sandaga, azo ti mara ti Lévi na azo ti kua ti kota da ti Nzapa.
3 Azo so aga ti sara kodro na Jérusalem ayeke azo ti mara ti Juda, ti Benjamin, ti Efraim na ti Manase.
4Na popo ti azo ti mara ti Juda so aga, Utai ayeke daa. Utai ayeke molenge ti Amihud; Amihud ayeke molenge ti Omri; Omri ayeke molenge ti Imri; Imri ayeke molenge ti Bani; Bani ayeke molenge ti Peres; Peres ayeke molenge ti Juda. 5Na popo ti azo ti kete mara ti Shela, Asaya na amolenge ti lo ayeke daa. Asaya ayeke kozo molenge ti ya ti sewa ti lo. 6Na popo ti azo ti kete mara ti Zera, Yeuel ayeke daa. Wungo ti azo ti Juda so kue aga ti sara kodro na Jérusalem ayeke 690.
7Na popo ti azo ti mara ti Benjamin, Salu ayeke daa; Salu ayeke molenge ti Meshulam, Meshulam ayeke molenge ti Hodavia, Hodavia ayeke molenge ti Hasenua; 8Ibneya ayeke nga daa. Ibneya ayeke molenge ti Yeroam, Yeroam ayeke molenge ti Ela, Ela ayeke molenge ti Uzi, Uzi ayeke molenge ti Mikri; Meshulam ayeke nga daa. Meshulam ayeke molenge ti Shefatia, Shefatia ayeke molenge ti Reuel si Reuel ayeke molenge ti Ibnia. 9Ala kue ayeke amakonzi ti asewa ti ala oko oko kue. Na lege ti molongo ti dungo ala, wungo ti azo ti mara ti Benjamin so asara kodro na Jérusalem ayeke 956.
10Na popo ti awayango-sandaga, ala so akiri ti sara kodro na Jérusalem ayeke so: Yedaya, Yoyarib, Yakin, 11na Azaria, molenge ti Hilkia, Hilkia ayeke molenge ti Meshulam, Meshulam ayeke molenge ti Sadok, Sadok ayeke molenge ti Merayot, Merayot ayeke molenge ti Ahitub, Ahitub ayeke makonzi ti kota da ti Nzapa; 12Adaya ayeke nga daa. Adaya ayeke molenge ti Yeroam, Yeroam ayeke molenge ti Pashehur, Pashehur ayeke molenge ti Malkia; Masai ayeke nga daa. Masai ayeke molenge ti Adiel, Adiel ayeke molenge ti Yazera, Yazera ayeke molenge ti Meshulam, Meshulam ayeke molenge ti Meshilemit, Meshilemit ayeke molenge ti Imer. 13Wungo ti awayango-sandaga na amakonzi ti asewa ti ala kue ayeke 1 760. Ala kue ayeke akota zo so ayeke baa lege ti kua ti kota da ti Nzapa.
14Na popo ti azo ti mara ti Lévi, ala so akiri ti sara kodro na Jérusalem ayeke so: Shemaya, molenge ti Hashub, Hashub ayeke molenge ti Azrikam, Azrikam ayeke molenge ti Hashabia. Hashabia ayeke zo ti kete mara ti Merari. 15Ambeni zo ni ayeke Bakbakar, Heresh, Galal na Matania. Matania ayeke molenge ti Mika, Mika ayeke molenge ti Zikri, Zikri ayeke molenge ti Asaf. 16Mbeni zo ni ayeke Obadia, Obadia ayeke molenge ti Shemaya, Shemaya ayeke molenge ti Galal, Galal ayeke molenge ti Yedutun; Berekia ayeke nga daa. Berekia ayeke molenge ti Asaf, Asaf ayeke molenge ti Elkana; Elkana alango na ya ti akete kodro so ayeke na tere ti gbata ti Netofa.
17Ala so ayeke bata yanga ti kota da ti Nzapa ayeke Shalum, Akub, Talmon, Ahiman na a-ita ti ala. Shalum laa ayeke na li ti azo ni. 18*Ahale ti ala laa angba ti sara kua na yanga ti gbagba so abaa ndo na mbage so lâ ayeke londo daa ngbii asi laso, so ti tene yanga ti gbagba ti gbia. Akotara ti ala laa ayeke ando azo ti batango yanga ti bâbâ ti azo ti mara ti Lévi. 19Shalum ayeke molenge ti Kore, Kore ayeke molenge ti Abiasaf, Abiasaf ayeke molenge ti Kore. Shalum na ambeni zo ti ya ti sewa ti Kore ayeke bata yanga ti da ti bongo, ndo so laa *KOTA GBIA ayeke duti daa. Akotara ti ala ayeke ando azo ti batango yanga ti bâbâ ti KOTA GBIA. 20Pinas, molenge ti Elazar ayeke ando makonzi ti ala, ngbanga ti so KOTA GBIA ayeke na lo. 21Zakarii, molenge ti Meshelemia ayeke nga mbeni zo ti batango yanga ti da ti bongo so KOTA GBIA na azo ti lo ayeke wara tere daa.
22Wungo ti ala so kue a soro ala titene ala ga azo ti batango ayanga ti gbagba ayeke 212. A su iri ti ala na mbeti na ya ti akete kodro ti ala. David na wayanga-Nzapa Samuel laa azia akotara ti ala na kua ni so. 23Ala na ahale ti ala angba ti sara kua ti batango yanga ti kota da ti Nzapa, so ti tene da ti bongo so KOTA GBIA ayeke duti daa.
24A zia azo ti batango ayanga ti gbagba ni na mbage osio kue: na To, na Do, na Mbongo nga na Banga. 25Ambeni ita ti ala so angba na ya ti akete kodro ti ala, ala yeke ga ngoi na ngoi ti sara kua ti batango yanga ti gbagba na ya ti yenga oko oko. 26Me ambeni makonzi osio ti azo ti batango ayanga ti gbagba ni angba ti ala lakue na ndo ti kua ni. Kua ti azo ti mara ti Lévi ayeke ti baa ndo na ndö ti akubu nga na ndö ti amosoro ti kota da ti Nzapa. 27Ala yeke lango nduru na kota da ti Nzapa, ngbanga ti so ala laa ayeke baa ndo na ndö ni si lakue na ndaperere, ala yeke zi ayanga ti da ni.
28Ambeni na popo ti ala, kua ti ala ayeke ti baa ndo na ndö ti agbakuru ti vorongo na Nzapa. Ala yeke diko ni lakue na ndembe so ala yeke sigigi na ni ti sara na kua wala ala yeke kiri na ni ti bata ni. 29Ambeni zo ni ayeke baa ndo na ndö ti asembe, aye so a zia nde ndali ti Nzapa, farini, vin, mafuta, dukani na yombo. 30Me awayango-sandaga laa ayeke leke yombo titene afun nzoni.
31Mbeni zo ti mara ti Lévi oko so iri ti lo ayeke Matitia ayeke sara ti lo agatoo ti mungo na *sandaga na Nzapa. Lo yeke kozo molenge ti Shalum, zo ti kete mara ti Kore. 32Kua ti ambeni zo ti mara ti Kehat ayeke ti lekengo amapa so a yeke mu na Nzapa lakue na *lango ti wungo tere.
33Amakonzi ti asewa ti azo ti mara ti Lévi so ayeke baa ndo na ndö ti hengo bia, ala yeke lango na ya ti ada so a sara ni ndali ti ala. Ala yeke sara mbeni kua nde pepe, ngbanga ti so ala yeke sara kua ti ala bi na lâ.
34So ayeke amakonzi ti asewa ti azo ti mara ti Lévi, akota zo na li ti asewa ti ala na lege ti molongo ti dungo ala laa. Ala yeke lango na Jérusalem.
Sewa ti Saul
(8.29-38)
35Yeiel laa asara si gbata ti Gabaon abaa gigi, lo yeke lango gi na ya ti gbata ni. Iri ti wali ti lo ayeke Maaka. 36Kozo molenge ti lo ayeke Abdon; ambeni ita ti Abdon ayeke Sur, Kish, Baal, Ner, Nadab, 37Gedor, Ahio, Zakarii na Miklot. 38Miklot adu Shimam. Ala kue asara kodro na Jérusalem, nduru na a-ita ti ala.
39Ner adu Kish, Kish adu Saul, Saul adu Jonatan, Malkishua, Abinadab na Ishebaal. 40Molenge ti Jonatan ayeke Meribaal. Meribaal adu Mika. 41Amolenge ti Mika ayeke Piton, Melek na Tarea. 42Ahaz adu Yara, Yara adu Alemet, Azmavet na Zimri. Zimri adu Mosa, 43Mosa adu Binea. Refaya ayeke molenge ti Binea, Elasa ayeke molenge ti Refaya si Asel ayeke molenge ti Elasa. 44Asel adu amolenge-koli omene: Azrikam, Bokru, Ismael, Shearia, Obadia na Hanan.
Currently Selected:
1 Mbai 9: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010