1 Mbai 20
20
Yoab amu gbata ti Raba
(2 Sam 11.1; 12.26-31)
1Na tongo nda ti ngu, na ngoi so agbia ayeke gue ka ti tiri bira, Yoab amu aturugu kue si lo gue, lo buba sese ti azo ti mara ti Amon. Na pekoni, lo ga lo ngoro Raba, li-kodro ni ti mu ni na bira. Me David angba ti lo na Jérusalem.
Yoab ahon azo ti gbata ti Raba na bira, lo buba gbata ni kue. 2 David azi kpoto so ayeke na li ti nzapa ti azo ti Amon so iri ti lo ayeke Milkom. Azo abaa so a leke kpoto ni na lôro so nengo ni alingbi na kilo baleota si mbeni têne ti ngangu ngere ayeke na tere ni. A zia têne ni na tere ti kpoto ti gbia David. Aye so lo gbu na peko ti bira na ya ti gbata ni si lo gue na ni ayeke mingi. 3David amu azo ti gbata ni ague na ala; lo mu na ala angangu kua ti sarango ni. Ambeni ayeke suru akeke, ambeni ayeke de tere ti atêne, ambeni ayeke de akeke. David asara mara ti ye tongaso na azo ti agbata ti azo ti Amon kue. Na pekoni, David na aturugu ti lo kue akiri na Jérusalem.
Bira na azo ti Filistii
(2 Sam 21.18-22)
4Na pekoni, bira akiri alondo na popo ti azo ti Israel na azo ti Filistii na kodro ti Gezer. Lani Sibkai, zo ti mara ti Husha afâ Sipai, mbeni *hale ti Refa. Azo ti Filistii ati na gbe ti azo ti Israel. 5Mbeni bira akiri alondo na popo ti azo ti Israel na azo ti Filistii. Elanan, molenge ti Yair afâ Lami, ita ti Goliat, zo ti kodro ti Gat. Keke ti likongo ti lo akono tongana keke ti masini ti awasarango-bongo. 6Mbeni bira akiri alondo na kodro ti Gat. Mbeni yongoro koli ayeke kâ, ali ti maboko ti lo ayeke omene, omene, ali ti gere ti lo ayeke nga omene, omene; wungo ni kue ayeke baleuse na osio. Lo yeke mbeni hale ti Harafa. 7Lo gi yanga ti azo ti Israel. Tongaso, Jonatan, molenge ti Shama afâ lo. Shama ayeke ita ti David.
8Aturugu ti gbata ti Gat so ayeke ahale ti Harafa. David na aturugu ti lo afâ ala.
Currently Selected:
1 Mbai 20: MNF2010
Highlight
Share
Copy
Want to have your highlights saved across all your devices? Sign up or sign in
© La Société Biblique de Centrafrique 2010