Исаија 59
59
Осуда на социјалните неправди
1 #
50,2
Ете, раката на Господ не се скусила, та да не може да спасува, и увото Негово не отврднало, та да не може да слуша. 2#50,1; 57,17; 5 Мојс 31,17-18; Ер 5,25Но беззаконијата ваши ве разделија од вашиот Бог, и гревовите ваши прават да го сокрива лицето Свое од вас, за да не слуша. 3#1,15; Пс 5,10; Јов 27,4; Изреки 6,17Зашто рацете ваши се осквернети со крв, а прстите ваши – со беззаконие; устата ваша говори лага, јазикот ваш искажува неправда. 4#Пс 7,14; Јов 15,35Никој не го крева гласот за правда, и никој не се застапува за вистина: се надеваат на суетното и говорат лага, зачнуваат зло и раѓаат беззаконие; 5#14,29; Пс 57,2-9; Јов 8,14; Мт 3,7несат змиски јајца и ткаат пајажина; кој ќе ги изеде јајцата нивни – умира, ако, пак, ги скрши – отровна змија ќе исползи – од нив. 6Пајажините нивни не ги бива за облека, нема да се покријат со изработката своја; делата нивни се дела неправедни, а насилството е во рацете нивни. 7#51,19; Пс 13,3; Изреки 1,16; Рим 3,15-17Нозете нивни трчаат кон зло, брзаат да пролеваат невина крв; мислите нивни – се мисли нечесни; по патеките нивни – опустошување и погибел. 8#48,22; 57,21; Изреки 2,15; 10,9; Лк 1,79Тие не го знаат патот на мирот и на патеките нивни нема правда; патиштата им се искривени, и никој, кој оди по нив, не знае за мир.
Народот ги исповеда своите гревови
9 #
Ер 8,15; Амос 5,18-20; Јов 30,26; Јн 8,12 Затоа е и далеку од нас справедливоста, правдата не стигнува до нас: чекаме видело, а тоа темнина, – светлина, а одиме во мрак. 10#5 Мојс 28,29; Ер 13,16; Соф 1,17; Јов 5,14; 12,25; Плач 3,6Го пипкаме ѕидот како слепи, одиме со пипкање како без очи; на пладне се сопнуваме како во мрак, меѓу живите сме како мртви. 11#38,14; Ер 8,15; Наум 2,7Сите рикаме како мечки и стенкаме како гулаби, чекаме суд, а него го нема, – спасение, но тоа е далеку од нас. 12#Ер 7,9; 14,7; Ос 5,5; Пс 50,4; Јов 16,8Зашто престапите наши пред Тебе се многубројни, гревовите наши сведочат против нас; со нас се престапите наши, беззаконијата наши ги знаеме. 13#Ер 7,8Ние изневеривме и се одрековме од Господ и отстапивме од нашиот Бог; говоревме клевета и насилство, зачнувавме и раѓавме од срцата наши лажливи зборови. 14#Амос 3,10; Пс 54,10-11И справедливоста отстапи назад, а правдата застана далеку; зашто вистината се сопна на плоштадот, чесноста не можеше да влезе.
Господ ќе го избави Својот народ
15 #
Јов 1,1.8; 2,3 И исчезна вистината, а кој се оддалечува од злото, се изложува на ограбување. И Господ го виде тоа; и на очите не Му беше мило што нема правда. 16#40,10; 51,5; 63,5; Ер 4,25; Пс 63,4И виде дека немаше човек, се чудеше дека немаше застапник; тогаш Неговата рака Му помогна и правдата Негова Го поддржа. 17#61,10; Мудр 5,17-23; Ефес 6,14-17; 1 Сол 5,8И ја облече врз Себе правдата како оклоп, а на главата Своја го стави шлемот на спасението; и се облече во кошула на одмазда како во облека, се покри со ревност како со наметка. 18#66,6; 5 Мојс 32,43; Наум 1,2Според делата, според делата ќе им даде Тој на противниците Свои – со јарост, на непријателите Свои – со одмазда, на островите ќе им го даде заслуженото. 19#24,14-15; 45,6; Мал 1,11; Пс 101,15И ќе се уплашат на запад од името на Господ, на исток – од славата Негова. Ако непријателот надојде како река, – духот на Господ ќе го истера. 20#41,14; Зах 9,9; Рим 11,26И ќе дојде Искупителот за Сион и за синовите Јаковови, кои се одвратиле од нечесноста, вели Господ. 21#51,16; 2 Цар 23,2; Ер 1,9; Рим 11,27И еве го заветот Мој со нив, вели Господ: Духот Мој, Кој е врз тебе, и зборовите Мои, што ги вложив во устата твоја, нема да излезат од устата твоја, од устата на потомството твое и од устата на потомците на твоето потомство, вели Господ, отсега и довека.
Currently Selected:
Исаија 59: MK2006D
Highlight
Share
Copy
Want to have your highlights saved across all your devices? Sign up or sign in
© Библиско Здружение на Р. Македонија 2006
© Bible Society of the Republic of Macedonia 2006