Salmo 73
73
Ikatlong Aklat
Salmo 73–89
Salmo 73
Awit na isinulat ni Asaf.
1Tunay na mabuti ang Diyos sa Israel,
lalo na sa mga taong may malilinis na puso.
2Ngunit akoʼy muntik nang bumagsak;
ang mga paa koʼy muntik nang madulas.
3Sapagkat kinainggitan ko ang mga mayayabang,
nang nakita ko ang pag-unlad
ng mga masasama.
4Hindi sila dumaranas ng pagdurusa;
silaʼy malulusog at masisigla.
5Ang mga pagdurusang karaniwang
nararanasan ng tao
sa mundong ibabaw ay di nila naranasan.
Hindi sila dumaranas ng hirap,
di tulad ng kanilang kapwa.
6Kaya ipinapakita nila ang kanilang kayabangan at kalupitan.#73:6 ipinapakita … kalupitan: Sa literal, nagsusuot sila ng kuwintas ng kayabangan at damit ng kalupitan.
7Ang kanilang puso ay puno ng kasamaan,
at ang laging iniisip ay paggawa ng masama.
8Kinukutya nila at pinagsasabihan
ng masama ang iba.
Mayayabang sila at nagbabantang mananakit.
9Nagsasalita sila ng masama
laban sa Diyos at sa kanilang kapwa.
10Kaya ang mga mamamayan ng Diyos
ay lumilingon sa kanila
at pinaniniwalaan ang kanilang
mga sinasabi.
11Sinasabi nila, “Paano malalaman ng Diyos?
Walang alam ang Kataas-taasang Diyos.”
12Ganito ang buhay ng masasamâ:
wala nang problema, yumayaman pa.
13Bakit ganoon?
Wala bang kabuluhan
ang malinis kong pamumuhay
at paglayo sa kasalanan?
14Nagdurusa ako buong araw.
Bawat umaga akoʼy inyong pinarurusahan.
15Kung sasabihin ko rin ang sinabi nila,
para na rin akong nagtraydor
sa inyong mga mamamayan.
16Kaya sinikap kong unawain
ang mga bagay na ito,
pero napakahirap.
17Ngunit nang pumunta ako
sa inyong santuwaryo,
doon ko naunawaan ang kahihinatnan ng masama.
18Tunay na inilalagay nʼyo sila
sa madulas na daan,
at ibinabagsak sa kapahamakan.
19Bigla silang mapapahamak;
mamamatay silang lahat
at nakakatakot ang kanilang kahahantungan.
20Para silang isang panaginip
na sa pagsapit ng umaga ay wala na,
O Panginoon.
Makakalimutan na sila
kapag silaʼy pinarusahan nʼyo na.
21Nang nasaktan ang aking damdamin
at nagtanim ako ng sama ng loob,
22para akong naging hayop
sa inyong paningin,
mangmang at hindi nakakaunawa.
23Ngunit patuloy akong lumapit sa inyo
at akoʼy inakay nʼyo.
24Ang inyong mga payo
ang nagsisilbing gabay ko,
at akoʼy dadalhin ninyo
sa marangal na hantungan.
25Walang sinuman sa langit
ang kailangan ko
kundi kayo lamang.
At walang anuman sa mundo
ang hinahangad ko
maliban sa inyo.
26Manghina man ang aking
katawan at isipan,
kayo, O Diyos, ang aking kalakasan.
Kayo lang ang kailangan ko
magpakailanman.
27Ang mga taong lumalayo sa inyo
ay tiyak na mapapahamak.
Ang mga nagtaksil sa inyo
ay lilipuling lahat.
28Ngunit ako, minabuti kong
maging malapit sa Diyos.
Kayo, O Makapangyarihang Panginoon,
ang pinili kong kanlungan,
upang maihayag ko ang lahat
ng inyong mga ginawa.
Currently Selected:
Salmo 73: ASD
Highlight
Copy
Compare
Share
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
Mga Awit 73
73
IKATLONG AKLAT
(Mga Awit 73—89)
Ang Katarungan ng Diyos
Awit ni Asaf.
1Kay buti ng Diyos sa taong matuwid,
sa lahat ng taong ang puso'y malinis.
2Ngunit ang sarili'y halos bumagsak,
sa paghakbang ko'y muntik nang madulas!
3Sa taong mayabang, ako'y naiinggit nga,
at sa biglang yaman ng mga masama.
4Ni hindi nagdanas ng anumang hirap,
sila'y masisigla't katawa'y malakas.
5Di tulad ng ibang naghirap nang labis,
di nila dinanas ang buhay na gipit.
6Ang pagmamalaki ay kinukuwintas,
at ang dinaramit nila'y pandarahas.
7Ang tibok ng puso'y pawang kasamaan,
at masasama rin ang nasa isipan;
8mga ibang tao'y pinagtatawanan, ang yayabang nila,
ang layon sa buhay ay ang pang-aapi sa kapwa nilalang.
9Diyos mang nasa langit ay tinutungayaw,
labis kung mag-utos sa mga nilalang;
10kaya sumusunod pati lingkod ng Diyos,
anumang sabihi'y paniwalang lubos.
11Ang sabi, “Ang Diyos walang nalalaman,
walang malay yaong Kataas-taasan.”
12Ang mga masama'y ito ang kagaya,
di na kinukulang ay naghahanap pa.
13Samantalang ako, malinis ang palad,
hindi nagkasala't lubos na nag-ingat, at aking natamo'y kabiguang lahat.
14Diyos, pinagtiis mo ako ng hirap,
sa tuwing umaga'y parusa ang gawad.
15Kung ang mga ito'y aking sasabihin,
sa mga lingkod mo, ako'y magtataksil;
16kaya't sinikap kong ito'y saliksikin,
mahirap-hirap mang ito'y unawain.
17Gayunman, sa templo'y doon ko natuklas,
na ang masasama ay mapapahamak;
18dinala mo sila sa dakong madulas,
upang malubos na, kanilang pagbagsak;
19walang abug-abog sila ay nawasak,
kakila-kilabot yaong naging wakas!
20Parang panaginip nang ako'y magising,
pati anyo nila'y nalimutan na rin.
21Nang ang aking isip hindi mapalagay,
at ang damdamin ko'y labis na nasaktan,
22di ko maunawa, para akong tanga,
sa iyong harapa'y hayop ang kagaya.
23Gayon pa ma'y sinasamahan mo ako,
sa aking paglakad ay inaakay mo.
24Ang mga payo mo'y umakay sa akin,
marangal na ako'y iyong tatanggapin.
25Sino pa sa langit, kundi ikaw lamang,
at maging sa lupa'y, aking kailangan?
26Puso ko't kaluluwa kung nanghihina man,
ang Diyos ang lakas kong tanging kailangan.
27Yaong hihiwalay sa iyo'y mamamatay,
at ang nagtataksil wawasaking tunay.
28Ngunit sa sarili, tanging hangarin ko, sa piling ng Diyos manatili ako!
Sa piling ng Panginoong Yahweh, ako'y mapanatag,
ang kanyang ginawa'y aking ihahayag.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2005 Philippine Bible Society