Salmo 61
61
Salmo 61
Para sa direktor ng mga mang-aawit: Awit na isinulat ni David na sinasaliwan ng instrumentong may kuwerdas.
1O Diyos, pakinggan nʼyo ang aking panawagan.
Dinggin nʼyo ang aking dalangin.
2Mula sa dulo ng mundo,
akoʼy tumatawag sa inyo
dahil nawalan na ako ng pag-asa.
Dalhin ninyo ako sa lugar na ligtas sa panganib,#61:2 sa lugar na ligtas sa panganib: Sa literal, sa bato na mas mataas kaysa sa akin.
3dahil kayo ang aking kanlungan,
tulad kayo ng isang toreng matibay
na pananggalang
laban sa kaaway.
4Hayaan po ninyong akoʼy manatili
sa inyong Templo, magpakailanman.
Kayo ang aking kanlungan,
akoʼy inyong iniingatan.
5Dahil napakinggan ninyo, O Diyos,
ang aking mga pangako
at binigyan nʼyo ako ng mga bagay
na ibinibigay nʼyo sa mga may takot sa inyo.
6Pahabain nʼyo ang buhay ng hari
at paghariin nʼyo siya sa mahabang panahon
sa pamamagitan ng kanyang mga lahi.
7Sanaʼy maghari siya magpakailanman
na kasama ninyo, O Diyos.
Ingatan ninyo siya
dahil sa inyong pag-ibig at katapatan.
8At akoʼy palaging aawit
ng papuri sa inyo,
at tutuparin kong lagi
ang aking mga pangako sa inyo.
Currently Selected:
Salmo 61: ASD
Highlight
Copy
Compare
Share
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
Mga Awit 61
61
Panalangin Upang Ingatan ng Diyos
Katha ni David upang awitin ng Punong Mang-aawit: sa saliw ng mga instrumentong may kuwerdas.
1Dinggin mo, O Diyos, ang aking dalangin;
inyo pong pakinggan, ang aking hinaing!
2Tumatawag ako dahilan sa lumbay,
sapagkat malayo ako sa tahanan.
Iligtas mo ako, ako ay ingatan,
3pagkat ikaw, O Diyos, ang aking kanlungan,
matibay na muog laban sa kaaway.
4Sa inyo pong tolda, ako ay payagan na doon tumira habang nabubuhay;
sa lilim ng iyong bagwis na malakas, ingatan mo ako nang gayo'y maligtas. (Selah)#4 SELAH: Tingnan ang Awit 3:2.
5Lahat kong pangako, O Diyos, iyong alam
at abâ mong lingkod, tunay na binigyan ng mga pamana na iyong inilaan sa nagpaparangal sa iyong pangalan.
6Ang buhay ng hari sana'y pahabain;
bayaang ang buhay niya'y patagalin!
7Paghahari niya sa iyong harapan, sana'y magpatuloy habang nabubuhay;
kaya naman siya ay iyong lukuban ng iyong pag-ibig na walang kapantay.
8At kung magkagayon, kita'y aawitan,
ako'y maghahandog sa iyo araw-araw.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2005 Philippine Bible Society