Salmo 62
62
Salmo 62
Para kay Jedutun, ang direktor ng mga mang-aawit: Awit na isinulat ni David.
1Sa Diyos lang ako may kapahingahan;
Ang kaligtasan koʼy nagmumula sa kanya.
2Siya lang ang aking batong kanlungan
at kaligtasan.
Siya ang aking tanggulan,
kaya ligtas ako sa kapahamakan.
3Kayong mga kaaway ko,
hanggang kailan kayo sasalakay
upang akoʼy patayin?
Tulad koʼy pader
na malapit nang magiba
at bakod na malapit nang matumba.
4Gusto lamang ninyong maalis ako
sa aking mataas na katungkulan.
Tuwang-tuwa kayo sa pagsisinungaling.
Kunwariʼy pinupuri ninyo ako
ngunit sa puso ninyoʼy isinusumpa ako.
5Sa Diyos ko lang matatamo
ang kapahingahan
dahil binibigyan niya ako ng pag-asa.
6Siya lang ang aking batong kanlungan
at kaligtasan.
Siya ang aking tanggulan
kaya ligtas ako sa kapahamakan.
7Nasa Diyos ang aking kaligtasan
at karangalan.
Siya ang matibay kong batong kanlungan.
Siya ang nag-iingat sa akin.
8Kayong mga mamamayan ng Diyos,
magtiwala kayo sa kanya
sa lahat ng oras!
Sabihin sa kanya ang lahat
ng inyong suliranin,
dahil siya ang ating kanlungan.
9Ang tao, dakila man o mangmang
ay hindi mapagkakatiwalaan.
Pareho lang silang walang kabuluhan.
Magaan pa sila kaysa sa hangin
kapag tinimbang.
10Huwag kayong umasa sa perang nakuha
sa pangingikil at pagnanakaw.
Dumami man ang inyong kayamanan,
huwag ninyo itong mahalin.
11Hindi lang isang beses kong narinig
na sinabi ng Diyos na nasa kanya
ang kapangyarihan
12at tapat ang kanyang pag-ibig.
Tiyak na gagantimpalaan ng Panginoon
ang tao ayon sa kanyang mga ginawa.
Currently Selected:
Salmo 62: ASD
Highlight
Copy
Compare
Share
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
Mga Awit 62
62
Pagtitiwala sa Pag-iingat ng Diyos
Katha ni David upang awitin ng Punong Mang-aawit na si Jeduthun.
1Tanging sa Diyos lamang ako ay aasa;
ang kaligtasa'y nagbubuhat sa kanya.
2Tanging siya lamang ang tagapagligtas,
tagapagtanggol ko at aking kalasag;
akin ang tagumpay sa lahat ng oras!
3Hanggang kailan ba ninyo lulupigin ang sinuman na nais ninyong patayin?
Tulad ng isang pader siya'y ibagsak gaya ng bakod siya'y mawawasak.
4Nais lamang ninyong siya ay siraan, sa inyong adhikang ibaba ang dangal;
ang magsinungaling, inyong kasiyahan.
Pangungusap ninyo, kunwa'y pagpapala,
subalit sa puso'y inyong sinusumpa. (Selah)#4 SELAH: Tingnan ang Awit 3:2.
5Tanging sa Diyos lang ako umaasa;
ang aking pag-asa'y tanging nasa kanya.
6Tanging siya lamang ang tagapagligtas,
tagapagtanggol ko at aking kalasag;
akin ang tagumpay sa lahat ng oras!
7Ang kaligtasan ko't aking karangalan ay buhat sa Diyos, nasa kanya lamang.
Siya'y malakas kong tagapagsanggalang,
matibay na muog na aking kanlungan.
8Mga kababayan, sa lahat ng oras magtiwala sa Diyos; sa kanya ilagak
ang inyong pasaning ngayo'y dinaranas;
siya ang kublihang may dulot na lunas. (Selah)#8 SELAH: Tingnan ang Awit 3:2.
9Ang taong nilalang ay katulad lamang
ng ating hiningang madaling mapatid.
Pagsamahin mo ma't dalhin sa timbangan,
katumbas na bigat ay hininga lamang.
10Huwag kang magtiwala sa gawang marahas,
ni sa panghaharang, umasang uunlad;
kahit umunlad pa ang iyong kabuhayan
ang lahat ng ito'y di dapat asahan.
11Hindi na miminsang aking napakinggan
na taglay ng Diyos ang kapangyarihan,
12at#Job 34:11; Jer. 17:10; Mt. 16:27; Ro. 2:6; Pah. 2:23. di magbabago kanyang pagmamahal.
Ayon sa ginawa ng sinumang tao, doon nababatay ang gantimpala mo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2005 Philippine Bible Society