Salmo 59
59
Salmo 59
Para sa direktor ng mga mang-aawit: Awit na isinulat ni David noong nagpadala ng tao si Saul sa bahay niya upang manmanan siya at patayin. Inaawit sa tono ng awiting, “Huwag Sirain”.
1O Diyos, iligtas nʼyo ako sa aking mga kaaway.
At sa mga kumakalaban sa akin, ako ay inyong ingatan.
2Iligtas nʼyo ako sa masasama at sa mga mamamatay-tao.
3 Panginoon, tingnan nʼyo!
Inaabangan nila ako upang patayin,
kahit na wala akong nagawang kasalanan sa kanila.
4-5Wala akong nagawang kasalanan,
ngunit handa silang salakayin ako.
Sige na po, Panginoong Diyos ng mga Hukbo,
Diyos ng Israel.
Tingnan nʼyo na ang nangyayari;
tulungan nʼyo ako!
Kumilos na kayo, at parusahan nʼyo
ang mga bansang hindi sumasampalataya sa inyo.
Huwag nʼyong kahabagan
ang mga taksil na iyon.
6Tuwing gabi ay pabalik-balik sa lungsod ang aking mga kaaway;
para silang mga asong umaalulong
habang silaʼy naglilibot sa bayan.
7Pakinggan nʼyo ang kanilang pananalita;
kasinsakit ng tusok ng espada.
At sinasabi pa nila,
“Wala namang nakakarinig sa atin.”
8Ngunit, pinagtatawanan nʼyo lang sila Panginoon.
Kinukutya nʼyo ang mga taong
hindi sumasampalataya sa inyo.
9O Diyos ikaw ang aking kalakasan.
Maghihintay ako sa inyo
dahil ikaw ang aking tagapagtanggol,
10at Diyos na nagmamahal sa akin.
Manguna ka sa akin at ipakita mo sa akin
ang pagbagsak ng aking mga kaaway.
11Ngunit huwag nʼyo silang patayin agad
upang hindi makalimutan ng aking mga kababayan
kung paano nʼyo pinarurusahan
ang inyong mga kaaway.
O Panginoon na aming pananggalang,
iligaw nʼyo at ibagsak ang aking mga kaaway
sa pamamagitan ng inyong kapangyarihan.
12Silaʼy nagkakasala sa kanilang mga labi
sapagkat masasama ang kanilang sinasabi.
Mahuli sana sila sa kanilang kayabangan,
pagmumura at kasinungalingan.
13Sa inyong galit, lipulin nʼyo sila
hanggang sa silaʼy maglaho.
Sa gayoʼy malalaman ng buong mundo
na kayo, O Diyos, ang naghahari sa Israel.
14Tuwing gabi ay pabalik-balik
sa lungsod ang aking mga kaaway;
para silang mga asong umaalulong
habang silaʼy naglilibot sa bayan.
15Silaʼy naglilibot para humanap ng pagkain
at umaalulong kapag hindi nabusog.
16Ngunit ako ay aawit
tungkol sa inyong kapangyarihan.
Tuwing umaga, akoʼy aawit
nang may kagalakan
tungkol sa inyong pag-ibig.
Sapagkat kayo ang aking kanlungan
sa oras ng kagipitan.
17O Diyos, kayo ang aking kalakasan.
Aawit ako ng mga papuri sa inyo,
dahil kayo ang aking kanlungan
at Diyos na sa akin ay nagmamahal.
Currently Selected:
Salmo 59: ASD
Highlight
Copy
Compare
Share
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
Mga Awit 59
59
Panalangin Upang Ingatan ng Diyos
Katha#1 Sam. 19:11. ni David upang awitin ng Punong Mang-aawit: ayon sa tono ng “Huwag Mong Sirain”. Isang Miktam,#MIKTAM: Tingnan ang Awit 16. nang pamanmanan ni Saul ang kanyang bahay upang siya'y mapatay.
1Sa aking kaaway,
iligtas mo ako, O aking Diyos;
ingatan mo ako kapag sila'y lumusob.
2Sa masamang tao,
ako ay iligtas, at sa pumapatay
agawin mo ako at iyong ingatan.
3Sila'y nag-aabang,
pagmasdan mo yaong taong mababagsik;
nagtipo't ang layon ako ay iligpit.
Ang dahilan nito,
di dahil sa ako'y may pagkakamali,
4o may pagkukulang na ako ang sanhi;
O Diyos, masdan sila at nagdudumali.
5Tulungan mo ako,
Yahweh, Makapangyarihang Diyos.
Ikaw ang magmasid, O Diyos ng Israel!
Ikaw ay gumising,
at ang mga bansa'y iyong parusahan;
yaong mga taksil, huwag mong kahabagan. (Selah)#5 SELAH: Tingnan ang Awit 3:2.
6Pagdating ng gabi,
sila'y nagbabalik sa loob ng lunsod;
asong kumakahol ang nakakatulad
habang naglilibot.
7Dinggin ang salita't
parang mga tabak ang dila ng bibig!
Ngunit nagtatanong:
“Sa amin ay sino ang makikinig?”
8Ngunit ikaw, Yahweh,
tinatawanan mo't iyong kinukutya;
gayon ang gawa mo sa may salang bansa.
9Ikaw, Panginoon,
ang aking Diyos, aking kalakasan;
ikaw ang muog ko at aking kanlungan.
10Ako'y minamahal,
mahal ako ng Diyos, ako'y lalapitan
upang ipamalas ang kanyang paglupig sa mga kaaway.
11Huwag mong papatayin,
nang di malimutan ng iyong mga lingkod.
Sa taglay mong lakas pangalatin sila at iyong isabog;
ikaw ang sanggalang, Yahweh, aming Diyos.
12Sa kanilang labi'y
pawang kasamaan ang namumutawi;
sa pagmamataas, ang aking dalangin, sila ay mahuli,
pagkat sinungaling at sa pangungutya, sila'y nawiwili.
13Wasakin mong lubos,
dahil sa iyong galit, ganap mong wasakin;
dito malalaman
ng lahat, na ika'y hari ng Israel,
at sa sansinukob ikaw ang hari din. (Selah)#13 SELAH: Tingnan ang Awit 3:2.
14Pagdating ng gabi,
sila'y nagbabalik sa loob ng lunsod;
asong kumakahol ang nakakatulad
habang naglilibot.
15Animo'y lagalag,
lakad lang nang lakad, pagkain ang hanap;
hindi masiyahan, kapag ang nakuha nila'y hindi sapat.
16Ngunit aawit ako,
pagkat ang taglay mo'y pambihirang lakas,
sa tuwing umaga ang aawitin ko'y pag-ibig mong wagas;
pagkat ika'y muog, sa buhay kong ito,
at aking kanlungan kapag lugmok ako.
17Pupurihin kita,
tagapagtanggol ko at aking kanlungan,
Diyos kong mapagmahal.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2005 Philippine Bible Society