Salmo 58
58
Salmo 58
Para sa direktor ng mga mang-aawit: Awit na isinulat ni David na inaawit sa tono ng awiting, “Huwag Sirain”.
1Kayong mga pinuno, matuwid ba
ang paghatol ninyo sa mga tao?
2Hindi! Dahil paggawa ng masama
ang laging iniisip ninyo
at namiminsala kayo sa iba
saanman kayo naroroon.
3Ang masasama ay lumalayo sa Diyos
at mula nang isilang ay nagsisinungaling na.
4Para silang mga ahas na makamandag.
Parang kobrang tinakpan ang tainga,
5hindi nakikinig sa tinig ng mahuhusay
na tagapagpaamo niya.
6O Panginoong Diyos, basagin nʼyo po ang kanilang mga ngipin
na parang pangil ng mga leon!
7Mawala sana silang tulad ng tubig na natutuyo
at gawin mo ring walang silbi
ang kanilang mga palaso.
8Maging tulad sana sila ng kuhol
na parang natutunaw habang gumagapang,
o ng sanggol na patay nang ipinanganak,
na hindi pa nakakita ng liwanag.
9Mabilis silang tatangayin ng Diyos,
maging ang mga nabubuhay pa,
mabilis pa sa pag-init ng palayok na inaapuyan ng malakas.
10Magagalak ang mga matuwid
kapag nakita na nilang pinaghigantihan
ng Diyos ang masasama,
at dumanak na ang kanilang dugo.#58:10 at dumanak na ang kanilang dugo: Sa literal, hinugasan niya ang kanyang paa sa dugo ng masama.
11At sasabihin ng mga tao, “Tunay ngang
may gantimpala ang matutuwid
at mayroong Diyos na humahatol sa mundo.”
Currently Selected:
Salmo 58: ASD
Highlight
Copy
Compare
Share
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
Mga Awit 58
58
Panalangin Para Parusahan ng Diyos ang Masasama
Katha ni David upang awitin ng Punong Mang-aawit: ayon sa tono ng “Huwag Mong Sirain”. Isang Miktam.#MIKTAM: Tingnan ang Awit 16.
1Tama ba ang hatol ng mga pinuno?
Ang hatol ba ninyo'y pantay at totoo?
2Hindi! pagkat ang inyong binabalangkas
pawang karahasa't gawaing di tama.
3Iyang masasama sa mula't mula pa,
mula sa pagsilang ay sinungaling na.
4Sila'y makamandag, ahas ang kaparis,
katulad ay kobrang ang tainga ay may takip;
5itong mga tawak at salamangkero,
di niya dinirinig, hindi pansin ito.
6Bungiin ang ngipin nila, O Panginoon,
alisin ang pangil niyong mga leon.
7Itapon mo silang katulad ng tubig,
sa daa'y duruging parang mga yagit.
8Parang mga susô, sa dumi magwakas,
batang di nabuhay sa sangmaliwanag.
9Puputulin silang hindi nila batid,
itatapon ng Diyos sa tindi ng galit;
bagaman buháy pa'y iyon na ang sinapit.
10Ang mga matuwid nama'y magagalak kung ang masasama'y parusahang ganap;
pagkakita nila sa dugong dumanak, hindi mangingiming doon na tumahak.
11Saka sasabihin ng mga nilalang, “Ang mga matuwid ay gantimpalaan;
tunay ngang may Diyos, na hukom ng lahat!”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2005 Philippine Bible Society