Salmo 57

Para sa direktor ng mga mang-aawit: Awit na isinulat ni David noong tinakasan niya si Saul at siyaʼy nagtago sa kuweba. Inaawit sa tono ng awiting, “Huwag Sirain.”

1Kahabagan ninyo ako, O Diyos,

mahabag kayo sa akin.

Sapagkat sa inyo ako kumukubli.

Akoʼy kukubli sa ilalim ng inyong mga pakpak,

hanggang sa ang panganib ay lumipas.

2Sa Kataas-taasang Diyos akoʼy tumatawag,

sa kanya na nagsasagawa ng layunin sa aking buhay.

3Mula sa langit akoʼy kanyang tutulungan at ililigtas.

Inilalagay nʼya sa kahihiyan

ang mga kaaway ko.

Ipapakita nʼya ang kanyang pag-ibig at katapatan.

4Napapaligiran ako ng mga kaaway,

parang mga leong handang lumapa ng tao.

Ang mga ngipin nilaʼy parang sibat at pana,

mga dilaʼy kasintalim ng espada.

5O Diyos, ipakita nʼyo ang inyong kapangyarihan sa kalangitan

at ang inyong kaluwalhatian sa buong mundo.

6Nabagabag ako dahil naglagay ng bitag

ang aking mga kaaway.

Naghukay rin sila sa aking dadaanan,

ngunit sila rin ang nahulog dito.

7O Diyos, lubos akong nagtitiwala sa inyo.

Aawit ako ng mga papuri para sa inyo.

8Gigising ako ng maaga

at ihahanda ko ang aking sarili

at ang aking instrumentong may mga kuwerdas

upang magpuri sa inyo.

9Panginoon, pupurihin ko kayo sa gitna ng mga mamamayan.

At sa gitna ng mga bansa, ikaw ay aking aawitan.

10Dahil ang pag-ibig nʼyo at katapatan

ay hindi mapantayan

at lampas pa sa kalangitan.

11O Diyos, ipakita nʼyo ang inyong kapangyarihan

sa buong kalangitan at sa buong mundo.

Currently Selected:

Salmo 57: ASD

Highlight

Copy

Compare

Want to have your highlights saved across all your devices? Sign up or sign in

Biblica® Open Ang Salita ng Diyos™

‌‌

Biblica® Open Tagalog Contemporary Bible™

‌‌

Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.

Ginamit nang may pahintulot.

‌‌

“Biblica” is a trademark registered in the United States Patent and Trademark Office by Biblica, Inc.

Used with permission.

Learn More About Ang Salita ng Diyos

Mga Awit 57

Panalangin Upang Tulungan ng Diyos

Katha#1 Sam. 22:1; 24:3. ni David upang awitin ng Punong Mang-aawit: ayon sa tono ng “Huwag Mong Sirain”. Isang Miktam,#MIKTAM: Tingnan ang Awit 16. nang si David ay tumakas kay Saul sa kuweba.

1Mahabag ka, O aking Diyos, ikaw sana ay mahabag;

sa iyo ako lumalapit upang ako ay maligtas,

pagkat aking nasumpungan sa lilim ng iyong pakpak,

ligtas ako sa panganib hanggang ito ay lumipas.

2Yaong aking tinatawag, ang Diyos na Kataas-taasan,

ang Diyos na nagbibigay ng lahat kong kailangan.

3Magmula sa kalangitan, diringgin ang aking hibik,

ang lahat ng kaaway ko'y lubos niyang magagapi;

ang tapat niyang pagmamahal at matatag na pag-ibig, ihahayag ito ng Diyos, sa aki'y di ikakait. (Selah)#3 SELAH: Tingnan ang Awit 3:2.

4Kasama ko'y mga leon, kapiling ko sa paghimlay,

mabangis na mga hayop na sisila sa sinuman;

parang sibat at palaso yaong ngipin nilang taglay,

matulis ang mga dila na animo'y mga sundang.

5Purihin ka nawa, O Diyos, sa rurok ng kalangitan;

dito naman sa daigdig ay ang iyong karangalan!

6Nadarama ng sarili, lagi na lang pagdurusa;

hinuhuli ng kaaway; masilo ako, nais nila,

ngunit sila ang nahulog sa bitag na inihanda. (Selah)#6 SELAH: Tingnan ang Awit 3:2.

7Panatag na ako, O Diyos, ako ngayo'y matatag,

purihin ka at awitan, ng awiting masisigla.

8Gumising ka, kaluluwa, gumising ka't purihin siya!

Gumising ka't tugtugin mo yaong lumang lira't alpa;

tumugtog ka at hintayin ang liwayway ng umaga.

9Sa gitna ng mga bansa, kita'y pasasalamatan;

Yahweh, ika'y pupurihin sa gitna ng iyong bayan.

10Pag-ibig mong walang maliw ay abot sa kalangitan,

nadarama sa itaas ang lubos mong katapatan.