Salmo 52
52
Salmo 52
Para sa direktor ng mga mang-aawit: Isa itong maskil ni David Isinulat niya ito pagkatapos pumunta ni Doeg na taga-Edom kay Saul para sabihin na si David ay pumunta sa bahay ni Ahimelec.
1Ikaw na taong matapang,
bakit mo ipinagyayabang
ang iyong kasamaan?
Hindi baʼt ang Diyos
ay palaging mabuti sa iyo?
2Sa pagbabalak mo ng masama laban sa iba,
kasintalim ng pang-ahit ang iyong dila,
at lagi kang nagsisinungaling.
3Minamahal mo ang kasamaan
kaysa sa kabutihan,
at mas nais mong magsinungaling
kaysa magsabi ng katotohanan.
4Taong sinungaling,
ang gusto moʼy makapanakit ng iba
sa pamamagitan ng iyong pananalita.
5Ngunit dudurugin ka ng Diyos nang tuluyan.
Dadakpin ka at kakaladkarin palabas ng bahay;
bubunutin ka mula rito sa mundo ng mga buháy.
6Makikita ito ng mga matuwid
at magtataka sila.
Pagtatawanan ka nila at sasabihing,
7“Tingnan ninyo ang taong
hindi nanalig sa Diyos
bilang matibay niyang kanlungan.
Sa halip, nagtiwala lang
sa kanyang masaganang kayamanan,
at patindi nang patindi
ang kanyang kasamaan.”
8Ngunit akoʼy tulad ng punong olibo
na yumayabong sa loob
ng bahay ng Diyos.
Nagtitiwala ako sa kanyang pag-ibig, magpakailanman.
9Pasasalamatan ko kayo magpakailanman
dahil sa mga ginawa ninyo.
At sa harapan ng mga matatapat sa inyo,
ipapahayag ko ang kabutihan ninyo.
Currently Selected:
Salmo 52: ASD
Highlight
Copy
Compare
Share
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
Mga Awit 52
52
Ang Hatol at Habag ng Diyos
Maskil#MASKIL: Tingnan ang Awit 32. #1 Sam. 22:9-10. ni David, upang awitin ng Punong Mang-aawit, nang si Doeg na isang Edomita ay nagpunta at magsumbong kay Saul na, “Si David ay nagpunta sa bahay ni Ahimelec”.
1O taong malakas, bakit ka nagyabang
sa gawa mong mali?
Pag-ibig ng Diyos ang mamamalagi.
2Balak mo'y wasakin
ang iba, ng iyong matalim na dila
ng pagsisinungaling.
3Higit na matindi
ang iyong pag-ibig sa gawang masama,
higit na nais mo'y
kasinungalingan kaysa gawang tama. (Selah)#3 SELAH: Tingnan ang Awit 3:2.
4Taong sinungaling
ang iba'y gusto mong saktan sa salita.
5Kaya't wawasaki't
aal'sin ka ng Diyos sa loob ng tolda,
sa mundo ng buháy aalisin ka niya. (Selah)#5 SELAH: Tingnan ang Awit 3:2.
6Ito'y makikita
ng mga matuwid, matatakot sila,
at ang sasabihing pawang nagtatawa:
7“Masdan mo ang taong
sa Diyos di sumampalataya,
sa taglay niyang yaman nanangan
at nagpakalakas sa kanyang kasamaan.”
8Kahoy na olibo
sa tabi ng templo, ang aking katulad;
nagtiwala ako
sa pag-ibig ng Diyos na di kumukupas.
9Di ako titigil
ng pasasalamat sa iyong ginawa,
ang kabutihan mo'y
ipahahayag ko, kasama ng madla.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2005 Philippine Bible Society