Salmo 53
53
Salmo 53
Para sa direktor ng mga mang-aawit: Isa itong maskil ni David ayon sa mahalat#53:0 Pamagat. mahalat: Maaaring ito ay isang terminolohiyang pangmusika..
1“Walang Diyos!”
Iyan ang sinasabi ng mga hangal
sa kanilang sarili.
Masasama sila at kasuklam-suklam
ang kanilang mga gawa.
Ni isa ay walang gumagawa ng mabuti.
2Mula sa langit, tinitingnan ng Diyos
ang lahat ng tao,
kung may nakakaunawa ng katotohanan
at naghahanap sa kanya.
3Ngunit ang lahat ay naligaw ng landas
at pare-parehong nabulok ang pagkatao.
Wala kahit isa man ang gumagawa ng mabuti.
4Kailan kaya matututo
ang masasamang tao?
Sinasamantala nila
ang aking mga kababayan
para sa kanilang pansariling kapakanan.
At hindi sila nananalangin sa Diyos.
5Ngunit manginginig sila sa takot,
kahit sa mga bagay na hindi dapat katakutan.
Sapagkat ikakalat ng Diyos
ang mga buto ng mga sumasalakay sa inyo.
Malalagay sila sa kahihiyan,
dahil itinakwil sila ng Panginoon.
6Sanaʼy dumating na ang Tagapagligtas
ng Israel mula sa Zion!
Magsasaya ang mga Israelita,
ang mga mamamayan ng Diyos,
kapag naibalik na niya
ang kanilang kasaganaan.
Currently Selected:
Salmo 53: ASD
Highlight
Copy
Compare
Share
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
Mga Awit 53
53
Ang Kasamaan ng Tao (Awit 14)
Isang Maskil ni David, upang awitin ng Punong Mang-aawit; sa saliw ng Mahalath.#MAHALATH: Maaaring ang kahulugan ng salitang ito'y “mga plauta”
1Sinabi#Ro. 3:10-12. ng hangal
sa kanyang sarili, “Wala namang Diyos!”
Wala nang matuwid
lahat nang gawain nila'y pawang buktot.
2Magmula sa langit
ang Diyos nagmamasid sa kanyang nilalang,
kung mayro'ng marunong
at tapat sa kanya na nananambahan.
3Ngunit kahit isa
ni isang mabuti ay walang nakita,
lahat ay lumayo
at naging masama, lahat sa kanila.
4Ang tanong ng Diyos
“Sila ba'y mangmang at walang kaalaman?
Ayaw manalangin,
kaya't bayan ko'y pinagnanakawan.”
5Subalit darating
ang di pa nadaranas nilang pagkatakot,
pagkat ang kalansay
ng mga kaaway, ikakalat ng Diyos,
sila'y itatakwil,
magagapi sila nang lubos na lubos.
6Ang aking dalangi'y
dumating sa Israel ang iyong pagliligtas
na mula sa Zion!
Kung ang bayan ng Diyos ay muling umunlad,
ang angkan ni Jacob,
bayan ng Israel, lubos na magagalak!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2005 Philippine Bible Society