Salmo 140
140
Salmo 140
Para sa direktor ng mga mang-aawit: Awit na isinulat ni David.
1 Panginoon, iligtas nʼyo ako sa mga taong masama at malupit.
2Nagpaplano sila ng masama
at palaging pinag-aaway ang mga tao.
3Ang kanilang mga dila
ay parang mga makamandag na ahas;
at ang kanilang mga salita
ay parang kamandag ng ahas.
4 Panginoon, ingatan nʼyo ako sa masasama at malulupit
na mga taong nagpaplanong akoʼy ipahamak.
5Ang mga hambog ay naglagay
ng mga bitag para sa akin;
naglagay sila ng lambat sa aking dinadaanan upang ako ay hulihin.
6 Panginoon, kayo ang aking Diyos.
Dinggin nʼyo Panginoon ang pagsamo ko sa inyo.
7O Makapangyarihang Panginoon,
kayo ang aking makapangyarihang Tagapagligtas;
iniingatan nʼyo ako sa panahon ng digmaan.
8 Panginoon, huwag nʼyong ipagkaloob sa masama
ang kanilang mga hinahangad.
Huwag nʼyong payagang silaʼy magtagumpay sa kanilang mga plano,
baka silaʼy magmalaki.
9Mangyari sana ang masasamang plano
ng aking mga kaaway
na nakapaligid sa akin sa sarili nila.
10Mabagsakan sana sila ng mga nagniningas na baga,
at ihulog sana sila sa hukay nang hindi na sila makabangon pa.
11Madali sanang mawala sa lupa
ang mga taong nagpaparatang ng mali
laban sa kanilang kapwa.
Dumating sana ang salot sa mga taong malupit upang lipulin sila.
12 Panginoon, alam kong iniingatan nʼyo ang karapatan ng mga dukha,
at binibigyan nʼyo ng katarungan ang mga nangangailangan.
13Tiyak na pupurihin kayo ng mga matuwid
at sa piling nʼyo silaʼy mananahan.
Currently Selected:
Salmo 140: ASD
Highlight
Copy
Compare
Share
Want to have your highlights saved across all your devices? Sign up or sign in
Biblica® Open Ang Salita ng Diyos™
Karapatang-sipi © 2009, 2011, 2014, 2025 ng Biblica, Inc.
Biblica® Open Tagalog Contemporary Bible™
Copyright © 2009, 2011, 2014, 2025 by Biblica, Inc.
Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.
Ginamit nang may pahintulot.
“Biblica” is a trademark registered in the United States Patent and Trademark Office by Biblica, Inc.
Used with permission.
Mga Awit 140
140
Panalangin Upang Ingatan ng Diyos
Isang Awit na katha ni David upang awitin ng Punong Mang-aawit.
1Sa mga masama ako ay iligtas,
iligtas mo, Yahweh, sa mga marahas;
2sila'y nagpaplano at kanilang hangad
palaging mag-away, magkagulo lahat.
3Mabagsik#Ro. 3:13. ang dila na tulad ng ahas,
tulad ng ulupong, taglay na kamandag. (Selah)#3 SELAH: Tingnan ang Awit 3:2.
4Sa mga masama ako ay iligtas;
iligtas mo, Yahweh, sa mga marahas,
na ang nilalayon ako ay ibagsak.
5Taong mga hambog, ang gusto sa akin,
ako ay masilo, sa bitag hulihin,
sa bitag na umang sa aking landasin. (Selah)#5 SELAH: Tingnan ang Awit 3:2.
6Sabi ko kay Yahweh, “Ikaw ang aking Diyos.”
Kaya ako'y dinggin sa aking pagdulog.
7Panginoong Yahweh, na Tagapagligtas,
nang ako'y lusubin, ikaw ang nag-ingat.
8Taong masasama, sa kanilang hangad
ay iyong hadlangan, biguin mo agad. (Selah)#8 SELAH: Tingnan ang Awit 3:2.
9Ang mga kaaway, huwag pagtagumpayin,
pagdusahin sila sa banta sa akin,
10Bagsakan mo sila ng apoy na baga,
itapon sa hukay nang di makaalsa.
11At ang mga taong gawai'y mangutya, huwag pagtagumpayin sa kanilang nasa;
ang marahas nama'y bayaang mapuksa.
12Batid ko, O Yahweh, iyong papanigan ang mga mahirap, upang isanggalang,
at pananatilihin ang katarungan.
13Ang mga matuwid magpupuring tunay,
ika'y pupurihi't sa iyo mananahan!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2005 Philippine Bible Society