Kawikaan 8

Ang Panawagan ng Karunungan

1Ang karunungan at pang-unawa

ay katulad ng taong nangangaral.

2Tumatayo siya sa matataas na lugar

sa tabi ng daan, sa mga kanto,

3sa mga pintuan ng lungsod

at mga daanan.

Nangangaral siya nang malakas,

4“Kayong mga tao sa buong mundo,

pakinggan ninyo ang panawagan ko.

5Kayong mga walang alam,

magkaroon kayo ng karunungan.

Kayong mga mangmang

magkaroon kayo ng pang-unawa.

6Makinig kayo sa sasabihin ko,

sasambitin ko ang mga bagay

na wasto at mahusay.

7Ang sinasabi ko

ay pawang katotohanan lamang;

sa nagsasalita ng masama

ako ay nasusuklam.

8Pawang matuwid ang sinasabi ko;

hindi ako nagsasalita ng kasinungalingan

o pandaraya.

9Ang lahat ng sinasabi ko

ay malinaw at pawang tama

sa taong may pang-unawa.

10Pahalagahan ninyo ang karunungan

at ang pagtutuwid ko

sa inyong ugali

kaysa sa pilak at ginto.

11Sapagkat higit na mahalaga

ang karunungan kaysa

sa mamahaling hiyas

at hindi ito matutumbasan

ng mga bagay na hinahangad mo.

12“Ako ang karunungan

at alam ko kung paano unawain

ang tama at mali,

at alam ko rin kung paano

magpasya nang tama.

13Ang may takot sa Panginoon

ay lumalayo sa kasamaan.

Namumuhi ako sa kapalaluan, kayabangan,

pagsisinungaling at masamang pag-uugali.

14Magaling akong magpayo

at may sapat na kaalaman.

May pang-unawa at kapangyarihan.

15Sa pamamagitan ko

nakakapamuno ang mga hari

at ang mga pinunoʼy nakagagawa

ng mga tamang batas.

16Sa pamamagitan ko

makakapamuno ang mga tagapamahala

at mga opisyal;

ang lahat na namumuno nang matuwid.#8:16 mga opisyal … matuwid: Sa Septuagint at ibang tekstong Hebreo, mga pinuno na namumuno sa mundo.

17Minamahal ko ang mga nagmamahal sa akin;

makikita ako ng mga naghahanap sa akin.

18Makapagbibigay ako ng kayamanan, karangalan,

kaunlaran at tagumpay na magtatagal.

19Ang maibibigay ko ay higit pa

sa purong ginto at pilak.

20Sinusunod ko ang tama at matuwid.

21Bibigyan ko ng kayamanan

ang nagmamahal sa akin;

pupunuin ko ang lalagyan nila

ng kayamanan.

22“Bilang una sa kanyang mga gawa,

nilikha ako ng Panginoon

bago pa man ang lahat.

23Akoʼy nilikha niya

noong unang panahon,

sa pasimula, nang ang mundo ay nabuo.

24Noong wala pang karagatan,

ako ay isinilang

noong wala pang mga bukal

na nag-uumapaw sa tubig,

25bago pa maitatag ang mga kabundukan

bago ang mga kaburulan,

ako ay isinilang,

26bago pa ginawa ng Diyos ang mundo

maging ang kabukiran,

o ang alabok sa lupa.

27Naroon na ako nang likhain niya ang langit,

maging nang likhain niya

ang tagpuan ng langit at ng lupa.

28Naroon din ako nang likhain niya

ang mga ulap,

nang palabasin niya ang tubig

sa mga bukal mula sa kailaliman,

29nang ilagay niya ang hangganan

ng mga dagat

upang hindi ito umapaw,

at nang ilagay niya

ang mga pundasyon ng mundo.

30Akoʼy nasa tabi niya bilang arkitekto.

Ako ang kanyang kasiyahan sa araw-araw,

at palagi rin akong masaya

sa piling niya.

31Natutuwa ako sa mundong nilikha niya

at sa mga taong inilagay niya dito.

32“Kaya ngayon mga anak, pakinggan ninyo ako.

Mapalad ang mga sumusunod

sa pamamaraan ko.

33Pakinggan ninyo ang mga pagtutuwid ko

sa inyong pag-uugali

upang maging marunong kayo,

at huwag ninyo itong kalilimutan.

34Mapalad ang taong palaging sa akin

nakatuon ang isip

at naghihintay upang makinig sa akin.

35Sapagkat ang taong makakasumpong sa akin

ay magkakaroon ng buhay,

at pagpapalain siya ng Panginoon.

36Ngunit ang taong

hindi makakasumpong sa akin

ay ipinapahamak ang kanyang sarili.

Ang mga galit sa akin

ay naghahanap ng kamatayan.”

Currently Selected:

Kawikaan 8: ASD

Highlight

Copy

Compare

Want to have your highlights saved across all your devices? Sign up or sign in

Biblica® Open Ang Salita ng Diyos™

‌‌

Biblica® Open Tagalog Contemporary Bible™

‌‌

Ang “Biblica” ay ang tatak-pangkalakal na nakarehistro sa Biblica, Inc. sa United States Patent at Trademark Office.

Ginamit nang may pahintulot.

‌‌

“Biblica” is a trademark registered in the United States Patent and Trademark Office by Biblica, Inc.

Used with permission.

Learn More About Ang Salita ng Diyos

Mga Kawikaan 8

Papuri sa Karunungan

1Hindi#Kaw. 1:20-21. mo ba naririnig ang tawag ng karunungan,

at ang tinig ng unawa'y hindi pa ba napakinggan?

2Nasa dako siyang mataas,

sa tagpuan ng mga landas;

3nasa mga pintuan siya, sa may harap nitong bayan,

nakatindig sa pagpasok at ito ang kanyang sigaw:

4“Kayo'y tinatawagan ko, tao ng sandaigdigan,

para nga sa lahat itong aking panawagan.

5Kayong walang nalalaman ay mag-aral na maingat,

at kayong mga mangmang, pang-unawa ay ibukas.

6Salita ko ay pakinggan pagkat ito'y mahalaga,

bumubukal sa labi ko ay salitang magaganda.

7Pawang katotohanan itong aking bibigkasin,

at ako ay nasusuklam sa lahat ng sinungaling.

8Itong sasabihin ko ay pawang matuwid,

lahat ay totoo, wala akong pinilipit.

9Ito ay maliwanag sa kanya na may unawa,

at sa marurunong ito ay pawang tama.

10Payo ko'y pahalagahan nang higit pa sa pilak,

at ang dunong, sa ginto ay huwag sanang itutumbas.

11“Pagkat#Ecc. 24:1-22. akong karunungan ay mahigit pa sa hiyas,

anumang kayamanan ay hindi maitutumbas.

12Ako ay nagbibigay ng talas ng kaisipan,

itinuturo ko ang landas ng hinaho't karunungan.

13Ang paggalang at pagsunod kay Yahweh ay naglalayo sa kasamaan.

Ako ay namumuhi sa lahat ng kalikuan,

sa salitang baluktot, at sa diwang kayabangan.

14Mayroon akong lakas at taglay na kakayahan,

ganoon din naman, unawa't kapangyarihan.

15Dahil sa akin, ang hari'y nakapamamahala,

nagagawa ng mga pinuno ang utos na siyang tama.

16Talino ng punong-bayan ay sa akin nagmumula,

at ako rin ang dahilan, dangal nila't pagdakila.

17Mahal ko silang lahat na sa aki'y nagmamahal,

kapag hinanap ako nang masikap, tiyak na masusumpungan.

18Ang yaman at karangalan ay aking tinataglay,

kayamanang walang maliw, kasaganaan sa buhay.

19Ang bunga ko ay higit pa sa gintong dinalisay,

mataas pa kaysa pilak ang halagang tinataglay.

20Ang landas kong dinaraanan, ay daan ng katuwiran,

ang aking tinatahak, ay landas ng katarungan.

21Ang sa aki'y nagmamahal binibigyan ko ng yaman,

aking pinupuno ang kanilang mga sisidlan.

22“Sa#Ecc. 1:4, 9; Pah. 3:14. lahat ng nilikha ni Yahweh, ako ang siyang una,

noong una pang panahon ako ay nalikha na.

23Matagal nang panahon nang anyuan niya ako,

bago pa nalikha at naanyo itong mundo.

24Wala pa ang mga dagat nang ako'y lumitaw,

wala pa ang mga bukal ng tubig na malilinaw.

25Wala pa ang mga burol, ganoon din ang mga bundok,

nang ako ay isilang dito sa sansinukob.

26Ako muna ang nilikha bago ang lupa at bukid,

nauna pa sa alabok, at sa lupang daigdig.

27Nang#Kar. 9:9; Ecc. 24:3-6. likhain ang mga langit, ako ay naroroon na,

maging nang ang hangganan ng langit at lupa'y italaga.

28Naroon na rin ako nang ang ulap ay ilagay,

at nang kanyang palitawin ang bukal sa kalaliman.

29Nang ilagay niya ang hangganan nitong dagat,

nang ang patibayan ng mundo ay ilagay at itatag,

30ako'y lagi niyang kasama at katulong sa gawain,

ako ay ligaya niya at sa akin siya'y aliw.

31Ako ay nagdiwang, nang daigdig ay matapos,

dahil sa sangkatauhan, ligaya ko ay nalubos.

32“At#Ecc. 14:20-27. ngayon, aking anak, ako nga ay pakinggan,

sundin ang payo ko't liligaya ang iyong buhay.

33Upang maging matalino, ang turo ko ay dinggin mo,

huwag mong pababayaan ni lalayuan ito.

34Mapalad ang taong sa akin ay nakikinig,

sa akin ay nag-aabang at palaging nakatitig.

35Pagkat ang makasumpong sa akin ay nakasumpong ng buhay,

at ang kalooban ni Yahweh ay kanyang nakakamtan.

36Ngunit ang di makasumpong sa akin, sarili ang sinasaktan,

ang napopoot sa akin, iniibig ay kamatayan.”

Currently Selected:

Highlight

Copy

Compare

Want to have your highlights saved across all your devices? Sign up or sign in

Learn More About Magandang Balita Bible (Revised)