DIEMA 3
3
Bohlalehlale ke go boifa Modimo
1Ngwanaka! Se lebale thuto yaka. Pelo ya gago a e lote ditaelo tša ka. 2Gobane di tlo go tlišetša bontši bja matšatši, le nywaga ya bophelo, le tetlego. 3A lerato le therešo di se go tlogele. Di apare bokapheta molaleng; di tloke pelong boka tlapeng. 4Ke mo o tlogo hwetša mahlo a Modimo le a batho a go lebeletše ka lerato le ka botho.
5Bota Modimo ka pelo ka moka; o se ke wa ithekga ka go fo re: Ke ne tlhaloganyo. 6Ditseleng tša gago tšohle tseba yena; ke mo yena a tlogo go thulela tsela. 7O se ke wa itshema yo bohlale. Boifa Morena; ila sebe. 8Ke mo o tlogo ba le mmele o thabago, wa iphsina mo dithong tša gago. 9Loba Morena ka khumo ya gago, le ka dithakangwaga tša puno ya gago ka moka. 10Mme dišego tšago di tlo tlala lehumo, dinkgo tša fofoma mananose a morara.
11Ngwanaka! Se nyatše tsholo ya Morena; o se tsote kotlo ya gagwe. 12Gobane Morena o otla moratwa wa gagwe, bjalo ka tatagomotho ge a otla morwagwe moratwa. 13Lehlogonolo le ne khwetšabohlale, motlelwaketemogo. 14Mošabo wa bohlale o phala wa lehumo; bo ruiša motho tše di fetišago o phala wa lehumo; bo ruiša motho tše di fetišago tshipi e khwibidu. 15Bohlale bo feta le pheta ya thaga; le talama tša gago tšohle ga di bofihlele. 16Bo swere bolelele bja bophelo ka atla sa le letona; ka sa ntsogošo bo swere khumo le kgodišo. 17Tsela tša bjona ke tselathategi; mme yohle mebila ya bjona ke ya kagišo. 18Bohlale ke sehlare sa bophelo sa ba bo swerego; wa swara wa tiiša, o tlo ba wa mahlatse. 19Bohlale, Morena o theile fase lohle ka bjona; o thekgile magodimo ka yona tlhaloganyo. 20O thutše madiba ka tsebo ya gagwe, maru a rothiša phoka.
21Ngwanaka! Bohlale a bo se go širogele; ipolokele tlhaloganyo le pelokeledi. 22Ke tšona di phedišago moya waago, di go apeša pheta molaleng, 23wa tlo tsebo swara tsela yago o iketlile; leoto la gago le ka se ke la kgopja. 24Ge o robetše, o ka se tširuge; o tlo robala wa natefelwa ke boroko. 25O se šie go ka welwa ke tše di tšhošago, le mohla go tlago kotsi ya go senya ba babe. 26Gobane o bota Morena; yena o efoša oto lago moreo.
27Yo a swanetšwego ke tše botse o se mo hlokiše tšona, ge atla sa gago se kgona go di dira. 28Se bolele le wa geno wa re: Tloga bjale; o boe ke go nee ka moswana etšwe o na naso. 29Wa geno o se mo logele maano, mola a agile nago a thabile. 30O se fo thoma ntwa le motho a sa ka a go dira sebe. 31Wa megabaru o se mo kganyoge; o se itlhaolele tsela go tša gagwe tsela. 32Gobane Morena o hlaswa sehlola, o kwana le baloki. 33Lapa la yo mobe, Morena o tlo le hlolela kotsi; o tlo šegofatša motse wa yo bolo. 34Bakweri, a lebana nabo, o a kwera; ba boleta o a ekelela. 35Babohlale, bohwa bja bona ke tlotlo; bogolo bja mašilo ke go kwerwa.
Currently Selected:
DIEMA 3: NSO51
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1986. Used with permission. All rights reserved.