Popular Bible Verses from DIEMA 3

Share

Bota Modimo ka pelo ka moka; o se ke wa ithekga ka go fo re: Ke ne tlhaloganyo. Ditseleng tša gago tšohle tseba yena; ke mo yena a tlogo go thulela tsela.

O se ke wa itshema yo bohlale. Boifa Morena; ila sebe.

Loba Morena ka khumo ya gago, le ka dithakangwaga tša puno ya gago ka moka. Mme dišego tšago di tlo tlala lehumo, dinkgo tša fofoma mananose a morara.

A lerato le therešo di se go tlogele. Di apare bokapheta molaleng; di tloke pelong boka tlapeng.

Ngwanaka! Se nyatše tsholo ya Morena; o se tsote kotlo ya gagwe. Gobane Morena o otla moratwa wa gagwe, bjalo ka tatagomotho ge a otla morwagwe moratwa.

Ngwanaka! Se lebale thuto yaka. Pelo ya gago a e lote ditaelo tša ka. Gobane di tlo go tlišetša bontši bja matšatši, le nywaga ya bophelo, le tetlego.

Lehlogonolo le ne khwetšabohlale, motlelwaketemogo. Mošabo wa bohlale o phala wa lehumo; bo ruiša motho tše di fetišago o phala wa lehumo; bo ruiša motho tše di fetišago tshipi e khwibidu. Bohlale bo feta le pheta ya thaga; le talama tša gago tšohle ga di bofihlele.

Yo a swanetšwego ke tše botse o se mo hlokiše tšona, ge atla sa gago se kgona go di dira.

Bohlale, Morena o theile fase lohle ka bjona; o thekgile magodimo ka yona tlhaloganyo.