HOSEA 3
3
Isiraele o tlo ba a sokologa
1Morena o boletše le nna a re: Boela o rate mosadi e a bego a ratwa ke monna wa gagwe, mme a ya a dira bootswa, boka Morena a ratile Isiraele, bona ba lebišitše difahlogo go medimo e šele, ba kganyoga dinkgwanyana tša morara.
2Nna ka mo reka ka disilifera tše lesome le metšo e mehlano, le ka mokotla wa mabele le seripa sa mokotla wa mabele. 3Ka bolela le yena ka re: Dula o fetše matšatši a mantši o na le nna, o lese bootswa o sa tsebe monna: le nna ke tlo dula le wena ka mokgwa woo. 4Gobane Baisiraele ba tlo dula lebaka le letelele ba se ne kgoši, ba se ne sedimo, ba se ne kokwane, le ge e le mphamodimo le dipheku. 5E tlo ba gona Baisiraele ba tlogo boa ba nyaka Morena Modimo wa bona, le Dafida kgoši ya bona; ba tlo tla go Morena ba mmoifa, ba tlela tše botse tša gagwe mehleng ya mafelelo.
Currently Selected:
HOSEA 3: NSO51
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1986. Used with permission. All rights reserved.