A Matiye Sõng 18

Tigung kamb ne taaba - Pipi soab la bʋgo?

(Mk 9,33-37; Lk 9,46-48)

1 # Lk 22,24. Karen-biisa waa n kolga a Zezi n sok-ba: «Arzãn Rĩunga pʋgẽ, ãnda n lʋɩt a taab taoore?» 2B boola bi-bilfu n yals-a sʋka n yeele: 3#Mk 10,15; Lk 18,17. «Sɩd-sɩda, y sã n ka põd n lebg yãase, y kõn tõog n kẽ Arzãn Rĩunga pʋg ye. 4Sẽn na n lʋɩ-a a taab taoor Arzãn Rĩunga pʋgẽ, yaa sẽn na n lebg-a bi-bilfu wa ad-a.

To kʋɩɩbgo

5Ned ninga sẽn na n ges bi-bilf wa bi-kãnga yelle mam yĩnga, yaa mam meng yell la a ges yã. 6Ned ninga me sẽn na n kɩt tɩ kom-bõonesã maan wẽnga, ad-y sãoo ne a soaba, tɩ b bao kugri wa neguug kugri, bõeensa sẽn gilgd ne kugr ning n werd zoma, n loe nin-kãng yubla, n tus-a n lub mogrẽ, tɩ kooma rɩ-a. 7M yãbd dũni rãmba, b sẽn kʋɩɩbd taab yĩnga! M mi tɩ kʋɩɩbg ka tõe n ka zĩnd ye la m yãbd ned ninga sẽn ya-a kʋɩɩbda.

8 # Mt 5,30. F nug bɩ naoor sã n lubd foo yell pʋgẽ, bɩ f fiuug-a n lob yɩɩga; fo sã n ya nug fiungu bɩ kar fiungu n paam vɩɩm, são b sẽn na n lob-f ne nus a yi bɩ ne nao a yi, bugum sẽn ka kiid pʋgẽ. 9#Mt 5,29. Sã n yaa f nif n lubd foom yel-wẽnd pʋgẽ, kɩdg-a n lob yɩɩga, tɩ f sã n ya ni-feoogo n kẽ vɩɩm zĩigẽ, são f sẽn na n lʋɩ ne f nin a yiibu bugum sẽn ka kiid pʋgẽ.

10Da sak-y n paoog bi-bilfu ba a ye tɩ m yet-y lame tɩ arzãnẽ, b malɛk rãmb yɛsa wakat buud fãa, m Ba wã taoore. [ 11#Lk 19,10. Ned Biiga waa n fãaga sẽn da menem-ba.]

Pe-yãang sẽn menem yelbũndi

12Yãmb yamẽ, ned na n maana a wãna, a sã n tar pe-yãans koabga t'a ye wa menem? A kõn bas piswɛ la a wɛ wã tãnga zugu la a saa n gẽes sẽn menem-a wã sɩda? 13A sã n yãend-a, m yet-y lame t'a sũur na tos kaam a poorẽ n yɩɩd piswɛ wã sẽn ka menem-ba. 14Woto me, y Ba ninga sẽn be arzãnẽ ka rat tɩ kom-bãmba nin-yend menem ye.

Taab saglgo

15 # Lk 17,3. F to sã n beege, babs-a, la yẽnda, a ye, taoore, wilg-a a kongre. A sã n kelg foom, f manega a yelle. 16#Yao 19,15. A sã n ka reege, bɩ f bao nin-yend bɩ neb a yiibu n paase tɩ yella kʋʋb paam neb a yiib bɩ neb a tãab kaseto. 17A sã n zãgs b kelgre bɩ f togs Tigungu. A sã n zãgs Tigungu kelgre, bɩ f ges-a marsã wa bu-zẽnd la fadg rɛɛsda.

18 # Mt 16,19; Zã 20,23. Sɩdem sɩdem, y sẽn loe bũmb ning fãa tẽng zug, bõn-kãng loee yĩngri me. Y sẽn lok bũmb ning fãa tẽng zug, loka yĩngri me.

Lagem-y taab n pʋʋse

19M le togsd-y lame tɩ sɩd-sɩda, neb a yiibu, yãmb sʋka, sẽn na n naag taaba, tẽng zugu ka, n kos bũmb ning fãa, m Ba sẽn be arzãna na kõ-ba. 20Neb a yiib bɩ a tãab sã n tigim taaba, mam yĩnga, mam meng bee b sʋka.»

Sugr kũuni

21A Piyɛr kolgame n yeel a Zezi: «M to sã n beeg-ma, naoor a wãn la ya tɩlɛ tɩ kõ-a sugri? M na yaa n ta naoor a yopoe bɩ?» 22#Lk 17,3-4. T'a Zezi na n leoke: «M pa yet tɩ naoor a yopoe bal ye, yaa naoor pisopoe la a yopoe.

Samd sẽn ka tõe n yao yelbũndi

23Ad-y Arzãn Rĩung wẽnda dĩm sẽn tʋlg t'a sõgen-kamb wa, t'a pʋg a arzɛk nao. 24Gɛɛlga sẽn sɩnge, b waa ne ned a ye sẽn tar dĩma samde, la samda yaa sãnem gil sẽn ta neb tus piig zɩɩbo. 25A sẽn da ka tar n na n yao yĩnga, dĩma yeelame tɩ b koos yẽ ne a pag la a kamba la a sẽn tar fãa, tɩ samda tõog n yao. 26Sõgna wa-la a zu-soaba taoore n vabende, n yeel-a: ‹Bas-y tɩ yɩ bilf tɩ m na bao n yao fãa.› 27A zu-soaba zoe-la a nimbãanega n bas-a, n tol kiis a samda zãnga. 28Nin-kãng yiime n seg a tũud-n-taag a ye sẽn da tar samde; Yẽ samda zemsa neb koab zɩɩbo.#18,28 Zɩɩbo: Pipi sõgna samd yɩɩda a yiib soaba rẽnna naoor tus a wɛ la kobs-wɛ. A soga a kokoɛ wã n wẽoogdẽ, n na n sãr-a la a yetẽ: ‹Wa ne f sẽn tog n kõ maama gilli.› 29T'a tũud-n-taaga me yĩgimd a taoore n yeel-a: ‹Bas tɩ yɩ bilfu, tɩ m na bao n yao.› 30A zãgsame n kɩt tɩ b kẽes-a roogo, n gũud t'a yao samda zãnga. 31Dẽ la tũud-n-taas a taaba sũur sãam wʋsgo tɩ b tɩ togs b zu-soaba rao kãng manesma. 32Tɩ zu-soaba na n bool-a n yeel-a: ‹Sõgen yoogo, fo sẽn da tog n yao bũmb ningã, m basa fãa taale, f sẽn kosa yĩnga. 33Mam sẽn zoe fo nimbãanega, fo me ra tõee lame n zoe f tũud-n-taaga nimbãanega.› 34Zu-soaba sũur puuga wʋsgo la a kɩtame tɩ b yõk-a n kɩs kambõe naaba tɩ b nams-a tɩ samda wa yao zãnga. 35Yaa woto la m Ba sẽn be arzãna na n maan ne yã, yãmb me sã n ka kõt y taab sugri ne pʋ-peelem.»

Currently Selected:

A Matiye Sõng 18: SSDC98

Highlight

Copy

Compare