A Matiye Sõng 17

A Zezi pukda b Wẽndlem

(Mk 9,2-9; Lk 9,28-36)

1Dasem a yoob sẽn maane, a Zezi peega a Piyɛr, a Zak, la a yao, a Zã, bãmb b naasa bala; b zãaga ne zãma wã, tãn-wok zugu. 2#2P 1,17-18. La a Zezi tedga bãmb nifẽ: b nenga ra yãgda wa wĩntoogo, tɩ b fut pɩnda. 3La a Moyiiz ne a Eli waa n sõsda ne-ba. 4A Piyɛr zẽka a koɛɛg n yeele: «Soaala, tõnd sẽn be ka wã yaa-d-la noogo, y sã n data m na ti rot a tãabo, n kõ yãmb a yembre, a Moiz a ye, a Eli me a ye.» 5#Bs 22,2; Yao 18,15; Yɩ 2,7; Iz 42,1; Mt 3,17; 12,18; Mk 1,11; Lk 3,22. A Piyɛr pa yãee n gom n sɛ la sawad-pɛɛlg sẽn waa n bui-ba, tɩ koɛɛg zĩnd sawadga pʋga n moone: «Nin-kãnga yaa m Bi-nongre, m yam kẽ-b la zãnga, kelg-y-ba.» 6Karen-biisa sẽn wʋm goama la b sẽn lʋɩ b yãnvabga n digd dabeem. 7A Zezi kolgame n sɩɩs-ba n yeel-ba: «Yik-y la y bas rabeem!» 8Karen-biisa puka b nini, b pa le yãend neda to n paas a Zezi ye.

9B sẽn waa n sigd tẽn-nabrẽ, a Zezi kõ-b-la noor kãngã: «Da gom-y likr kãnga yelle tɩ Ned Biiga nan pa vʋʋg ye.» 10#Ml 3,23. Karen-biisa sok-b lame: «Bõe marsã la sẽn karen-ba-n-sikã yet t'a Eli n na n deng wa?» 11Tɩ b yeele: «N-ye, a Eli na n deng n wa, n wa lebs bũmb fãa a zĩigẽ. 12#Mt 11,14. La m yet-y lame, a Eli zoe n waame la neba pa bãng tɩ yaa yẽ ye, n zã-a wa b sẽn date. Dẽ n so tɩ Ned Biiga me na n yãe toogo.» 13Karen-biisa wʋmame marsã tɩ yaa Zã ning sẽn da kõta sooba yell la b gom yã.

Kisenkiir sãoogre

14B sẽn leb zãma wã sʋka la nin-yend sẽn kolg n yĩgimd b taoore n yeel-ba: 15«Soaala, zoe-y m biiga nimbãanega t'a bẽeda kisenkiiri la yaa toogo. Naoor wʋsgo, a lʋɩta bugmẽ, n lʋɩt koomẽ. 16M tall-a lame n wa y karen-biisa nengẽ la b pa tõog t'a sãoog ye.» 17T'a Zezi yeel: «Wẽn-kɩɩsdb la nin-yaals buudu, m na n paa ne yãmb n ta wakat bʋgo? Tall-y bãadã n wa ka!» 18A Zezi tãsa Sʋtãana la a yiime n bas biigã tɩ laafi wẽneg n wa.

19Karen-biisa kolga a Zezi la nebã sẽn waa n looge, b sok-b lame tɩ yaa bõe yĩng la bãmb pa tõog n dig Sʋtãana n yiisi. 20#Mt 21,21; Mk 11,23; 1Ko 13,2. Tɩ b na n leoke: «Ya y tẽebã sẽn ya bilfra yĩnga; sɩd-sɩda m yet-y lame tɩ yãmb tẽeba bedrem sã n ta seneve biiga, y na yeel tãnga sẽn tõndã: ‹Luk ka n ta ka.› A na luk a zĩigẽ la bũmb ba a ye kõn yɩ toog ne y ye. [ 21Sʋtãamb a woto buud ka tõe n dig n yiis tɩ pʋʋsg la no-loeer ka naag ye.]»

A Zezi namsg wiligr a yiib soaba

22Daar a ye, a Zezi ne b karen-biisa ra bee Galile t'a Zezi yeel-ba: «Ned Biiga na n lʋɩɩ ninsaalb nusẽ, 23la b na n kʋ-b lame la dasm a tãab daare b na n vʋʋgame.» La rẽ sãama karen-biisa sũur wʋsgo.

Wẽnd doog ligd yaoodo

24 # Ey 30,13; 38,26. B taa Kafarnaom tɩ sẽn deesda wẽnd dooga ligd kolg a Piyɛr n sok-a: «Yãmb karen-saamba yẽ pa yaood wẽnd dooga yaood la?» 25T'a leoke: «A yaoodame sẽ!» B sẽn ta yiri, a Zezi yɩɩ tao n yeel a Piyɛr: «Fo yetame tɩ wãna, Simo? Tẽnsa nanams reegda ligda bɩ fadgã ãnd dãmb nengẽ: b kambã n yaood bɩ yaa neb a taabã?» 26B leokame tɩ ka b zaka rãmb nengẽ la b reegd ligd ye. T'a Zezi yeel: «Dɩlla zaka kamb pa yaood ye. 27Baasg zãnga, m sẽn pa rat tɩ b yeel tɩ m pa maand wa neb a taaba, kẽng kʋɩlgẽ n tɩ lob f loɛɛga; gãd pipi zĩifã f sẽn na n yõkã, yaag a noorã tɩ f na yãe ligdi maam ne foom yaood yĩnga, tɩ f kɩs fadg a soaba.»

Currently Selected:

A Matiye Sõng 17: SSDC98

Highlight

Copy

Compare