A Matiye Sõng 1
1
A Zezi yaab rãmba
(Lk 3,23-38)
1A Zezi Krista, a Daviid biiga, a Abraam biiga roog sebre. 2A Abraam n doga Izaak. A Izaak n doga Zakoob, a Zakoob n doga Zɩɩda ne a yaopa, 3a Zɩɩda n dog a Fares ne a Zara, tɩ b ma yaa Tamar, a Fares n dog a Esrom, a Esrom n dog a Aram, 4a Aram n doga Aminadab, a Aminadab n dog a Naason, a Naason n dog a Salmon, 5a Salmon n dog a Booz, a ma la a Raab, a Booz n dog a Zobɛɛd, a ma la a Rut, a Zobɛɛd n dog a Zese, 6a Zese n dog dĩm a Daviid.
A Daviid n dog a Salomo, a ma a Uri paga, 7a Salomo n dog a Roboam, a Roboam n dog a Abia, a Abia n dog a Asa, 8a Asa n dog a Zozafat, a Zozafat n dog a Zoram, a Zoram n dog a Oziyas, 9a Oziyas n dog a Zoatam, a Zoatam n dog a Akaz, a Akaz n dog a Ezekiyas, 10A Ezekiyas n dog a Manase, a Manase n dog a Amon, a Amon n dog a Zoziyas, 11#2Dĩm 24,14-15; 2Nar 36,10; Zr 27,20. a Zoziyas n dog a Zekoniyas ne a yaopa. Bãmb wakatẽ la b vʋk Israyɛl kamb n kẽng Babilon.
12Babilon yembd poore, a Zekoniyas n dog a Salatiyɛl, a Salatiyɛl n dog a Zorobabɛl, 13a Zorobabel n dog a Abiud, a Abiud n dog a Eliakim, a Eliakim n dog a Azor, 14a Azor n dog a Sadok, a Sadok n dog a Akim, a Akim n dog a Eliyud, 15a Eliud n doga Eleazar, a Eleazar n dog a Matan, a Matan n dog a Zakoob, 16a Zakoob n dog a Zozɛf, a Maryam sɩda la a Maryam n dog a Zezi, sẽn boond tɩ Krista.
17Dẽnna yaab rãmba ne b rot sõta woto: a Abraam n taa Daviid, yaa rot piig la a naase. A Daviid n ta Babilon yembdo, yaa rot piig la a naase. Babilon yembdo n ta Krista yaa rot piig la a naase.
A Zezi rogem
18 #
Lk 1,27. A Zezi Krista dogma kibar la woto: a ma, a Maryam, da ya a Zozɛf pʋg-bila. La a Maryam sẽn waa n nan ka kul a Zozɛf, a mikame, tɩ ne a Vʋʋsem Sõng raabo, a lebga zɩsgo. 19A sɩda, a Zozɛf, sẽn da ya nin-tɩrgã, pa tʋlg n gom tɩ yi yɩng ye a tʋlgame bal n soos n bas a Maryam. 20La rẽ sẽn waa n be a yamẽ, la a sẽn yãe Soaala malɛk a zãmsdẽ, sẽn yeel-a: «Zozɛf, Daviid biiga, da zoe rabeem n deeg f pʋg-bila, a Maryam, f zakẽ ye, tɩ biig ning sẽn sig a pʋgẽ wã yita a Vʋʋsem Sõng nengẽ. 21#Lk 1,31. Bi-ribl la a na n doge la f na n pʋda a yʋʋr a Zezi: tɩ yaa yẽ n na n sɩd yiis a buuda neba yel-wẽnd pʋgẽ.» 22La yella yɩɩ woto, n taas Soaala sẽn da togs ne bãngdba noore: 23#Iz 7,14. Pa-kul na n dɩka pʋga n dog biiga, la b na n pʋda a biigã tɩ Emmanwɛl, dat n yeelame tɩ Wẽnd bee d sʋka. 24A Zozɛf sẽn neke, a maana wala malɛka sẽn wilgi, a peega a paga, a zakẽ, 25#Lk 2,21. la a tol n doga a biigã tɩ b pa bãng taab ye; la a Zozɛf pʋda biiga yʋʋr a Zezi.
Currently Selected:
A Matiye Sõng 1: SSDC98
Highlight
Share
Copy
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.