Ezipt yiib kibare 34
34
Kug wals paala
1Soaala-Wẽnd yeela a Moyiiz: «Pees kug a yi sẽn wẽnd pipi rãmbã, dʋ tãnga zug tɩ m gʋls goam niyns sẽn da be pipi kuga walsa zutu, kug niyns fo sẽn lob n wãagã. 2Beoog yibeoog tɩ segl n sɛɛme, rʋ tãnga zugu, sõor pukri n gũ-ma. 3Ned ba a ye ra tũ n dʋ ye, ned ba a ye pʋs n da lɩk tãnga sẽnẽ meng ye. Dũmsã, bɛd la bõonego, da kolg tãngã n wãb yamd ye.» 4A Moyiiz peesa kug a yi sẽn wẽnd pipi rãmbã la yibeoog pĩnda a rʋ-la a ye Sinayi tãnga. Wala Wẽnd sẽn da wilg-a wã. A ra zãada wals a yiibã a nugẽ. 5Naaba-Wẽnd tũu sawadg n sigi n yals, la a Moyiiz pʋʋsa Soaala-Wẽnde.
Wẽnd likri
6Soaala-Wẽnd looga a Moyiiz taoor n tãsdẽ: «Maam la Naaba-Wẽnde, maam la Naaba-Wẽnde! M yaa nin-bʋgsgo la nimbãan-zoeta, m sũur ka yikd tao-tao ye, m kũun ka belgr ye, m ka yõgd zood sẽn ya daar a ye zood ye. 7#Ey 20,5-6; Ss 14,18; Yao 5,9-10; 7,9-10. M maanda neb ka tɛk sugri, m sĩndame wa m ka ne beegr ye, wa m ka ne tõdgr la yel-wẽnd ye, m yaool n bakda sẽn ka beega ne sẽn beega tɩ bũmb ka beẽ n ka na n deeg a dolb ye. Kamb paamda b ba rãmb beegr sɩbgre, tɩ yagenga, yagen-tʋbra-kẽeg meng deegd a yaab rãmb beegr sɩbgre.» 8A Moyiiz sẽn wʋme, a lʋɩɩ yãvabg Soaala-Wẽnd taoore. 9A yeelame: «Sã n ya sɩda, tɩ y yam ket n bee ne maam, bɩ y yãag-do. D zug sã n ka gird n le gõms me bɩ y maan sugr tɩ d lebga yãmb pʋɩɩr kamba.»
Zooda le yõgdame
10 #
Ey 23,14-19; Yao 7,1-5; 16,1-17. Wẽnnaam yeela a Moyiiz: «M na n yõga zood ne foom, n maan bõn-bãn neba taoore wala tẽng ba a ye la buud ba a ye sẽn zɩɩ n yãend ye. Neba sẽn gũbga fãa na n yãee tʋʋmd ning m sẽn na n tʋm ne foo, la na n yɩɩ tʋʋmd bãnde.
11Kelg m sẽn yet tɩ f maan dũnna wã. Ade, m na n digame n zãag f taoore, Amoritse, Kanaã rãmba, Ititse, Perizitse, Ivitse la Zebuzitse. 12Da maan no-noom ne neb niyns f sẽn na n kẽ b rãmb tẽngẽ wã ye. Ka rẽ b na n lebga bẽdg f yĩnga. 13#Yao 16,21. Wã b maan-kugã, wã b sẽn sel kug niynsã, kao b sẽn pees raad niynsã. 14Dẽnd yĩnga: Da yĩgimd wẽn-sãang taoore ye, tɩ m yaa Wẽnd sẽn nong m buuda ne m sũur fãa la m pa sak tɩ buuda nong bũmb a to n yɩɩg-m ye. 15Da maan no-noom ne tẽnga rãmb ye, woto b sã n wa wɩɩb n kõ b wẽnd dãmba maando, b kõn bool foo tɩ f wa wãb b maanda nemd ye. 16Da maan no-noom ne-ba, n saag n bao f kamb pagb bãmb kom-pugli wã sʋk ye, ka rẽ kom-pugli wã wat n dabda b wẽnd dãmba waoogre tɩ fo kamba yik n pʋgda.
17 #
Ey 20,4; Man 19,4; Yao 5,8; 27,15. Da yẽneg kut buud n maan wẽnd ye.
18 #
Ey 12,14-20; Man 23,6-8; Ss 28,16-25. Deeg noor ning sẽn yet tɩ b ra rɩ bur sẽn ning bɩlle. Yaa bõn-bɩʋng kiuug pʋgẽ, tɩ yaa sasa kãng la m yiis-f Ezipt tẽnga.
19 #
Ey 13,2. Maan n so bũmb ning fãa sẽn yaa a ma pipi biiga: bõn-daoog fãa sẽn dog pipi a ma pʋgẽ, rũm-bedr wala rũm-bila. 20#Ey 13,13. Bao rũm-bil n tek ne bõang pipi biiga; f sã ka na n bao rũng n tek-a, bɩ f wãa a kãarã. Bao bũmb n kɩs n deeg f meng bi-kẽenga n sooge.
Naaba-Wẽnd taoor ka wat ne nug vɩʋʋg ye.
21 #
Ey 20,9-10; 23,12; 31,15; 35,2; Man 23,3; Yao 5,13-14. F na n tʋma dasem a yoobe la a yopoe daarã, f na n vʋʋsame, ba sã n ya koob bɩ tigsg wakato.
22 #
Man 23,15-21, 39-43; Ss 28,26-31. Yʋʋmd sã n vẽeg fãa, maan dasem pis-nu kibsa, y sẽn wat n dɩkd y kood-rẽemsã. La kooda fãa sã n wa bɩ, maan-y tigsgu kibsa.
23Yʋʋmd pʋgẽ yaa naoor a tã la neba tog n wa Soaala, a Israyɛl Wẽnda, taoore. 24Maam n na n wa reeg nanams a taaba tẽns n kõ-fo, Israyɛl, n yalg f toaaga, ned ba a ye kõn mak n deeg f tẽngã yʋʋmda kiis niyns y sẽn na n wa m waoogra zĩigẽ, naoor a tã yʋʋmda pʋgẽ wã ye.
25 #
Ey 12,10. Da saag n tũnug miisd sẽn lob bɩlle ne maoong ye. Rũng ninga sẽn kʋ pak yĩnga nemd ka tog n vẽeg beoog ye. 26#Yao 14,21; 26,2. Yãk f kood rẽemsã n kõ Wẽnnaam, f Soaala. Da saag n dʋg bull ne a ma bĩisim ye.»
27Soaala-Wẽnd yeela a Moyiiz: «Gʋls noy-kãensã tɩ yaa bãmb deegre n na n yals zoodã mam sẽn yõgd ne foom, a Israyɛl.»
28A Moyiiz paa ne Soaala-Wẽnd, Sinayi tãnga zugu, dasem pis-naase, wĩntoog la yʋngo, n ka rɩ la a ka yũ ye. A gʋlsa zooda noya kuga wals a yiib zutu. Noya yaa bãmb piiga.
A Moyiiz lebda sikẽ
29A Moyiiz siga tãngã, a ra zãada wals a yiibu. A ra ka mi t'a sẽn sõs ne Naaba-Wẽndã poore, a nenga da tʋʋsda vẽenem ye. 30A Aarõ ne a Israyɛl kamba fãa yãenda a Moyiiz, b mikame t'a nenga yãgda la b pa saag n kolg-a ye. 31Dẽ la a Moyiiz bool-b, la a Aarõ ne kãsem-dãmba lɛɛg n waame la a Moyiiz goma ne-ba. 32Dẽ poore yaa a Israyɛl kamba fãa n kolge la a taas-b-la noy-niyns fãa Wẽnd sẽn kõ-b Sinayi tãng zugu.
33A Moyiiz sẽn gom n sɛ, a baoo peende n lud a nenga. 34A Moyiiz sã n da rabd n na n tɩ sõs ne Soaala-Wẽnde a ra yãkda peennã. A sã n wa yita, a lɛɛgd n ning-a lame. A sã n lɛɛg n wa, a wilgda a Israyɛl kamb Soaala-Wẽnd koeese. 35#2Ko 3,7-16. Israyɛl kamba ne-la a Moyiiz nenga sẽn tar yãgbo. A Moyiiz lebd n luda a nengã ne peennã n gũud wakat ning a sẽn na n leb n tɩ sõs ne Naab Wẽnde.
Currently Selected:
Ezipt yiib kibare 34: SSDC98
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.
