Ezipt yiib kibare 33
33
Israyɛl le rɩka sore
1 #
Bs 12,7; 26,3; 28,13. Soaala-Wẽnd yeela a Moyiiz: «Loog ne f neba f sẽn yiis Ezipt tẽngã, dɩk sore, yaa tẽnga sore, tẽng ning m sẽn kãab a Abraam, a Izaak la a Zakoob tɩ m na reeg-a n kõ m kamba. 2M na n tʋma malɛk f taoore t'a pĩng Kanaã rãmba, Amoritsã, Ititsã, Perizitsã la Zebuzitsã f taoore. Tɩ kẽe-y tẽng sẽn bund bĩisim la sɩɩdo. 3Mam ka na n yãag-y ye tɩ yãmb ka reegd noor ye la m sã n belg m meng n yãag yã, m na n kʋ-y-la zãng sor zugu.»
4Neba sẽn bãng tɩ Soaala-Wẽnd zabdame, b maana wa kʋ-biisi, fuug sẽn wẽnd kibs fuug ka yeelg baraar ye. 5Wẽnnaam wilga a Moyiiz t'a yeel a Israyɛl kambã: «Yãmb tara tõatb zʋgo. M sã n yãag yã n kẽn bilfr bala, m na n kʋ-y-la zãnga. Yãgs-y y fan-teedã tɩ m bãng m sẽn na zã-y zãab ninga.» 6Yaa rẽ la Oreb tɛka, Israyɛl kamba ka le ning fan-teed ye.
Sɛk roogo, roog sẽn ti ne pɛɛla
7A Moyiiz zãaga wʋsgo n ti roogã. A bool-a lame tɩ sɛk roogo. Ned ninga fãa sẽn da tara koɛɛg n dat n sok Wẽnde, a ra yit n taa sɛka roog sẽn da ti n zãag ne sikã. 8A Moyiiz sã n da yi n digd dooga sẽnẽ, ned kam fãa da yikdame n yaas a roog noore n get a Moyiiz t'a wa ta sɛk roogã. 9A Moyiiz sã n wa kẽed doogã, sawadg me n sigd n yaas dooga noore la koɛɛg n da yit be t'a Moyiiz kelgdẽ. 10Sawadga sã n wa yaas rooga noore, ned kam fãa zĩndida a doog noor n wõgemd tẽnga. 11Soaala-Wẽnd ne a Moyiiz ra sõsda ne taaba wa ned ne a zoa. A Moyiiz mi n lɛɛgd n wa neba sʋka, a rakõorã, a Zozuwe, a Nun biiga bal n da paad do-sõnga pʋga.
Wẽnd ne a Moyiiz sõasga
12A Moyiiz yeela Soaala-Wẽnde: «Yãmb meng n yeel maam tɩ m kɩt tɩ neba rɩk sore la y ka wilg ned ning sẽn na n paas maam ye. Yãmb da yeelame tɩ y mi-la m tiiri la y sɩd zoe-la m nimbãanega. 13Sã n ya sɩd tɩ y ka yi m poorẽ, bɩ y wilg maam y raabo tɩ m bãng la m deeg tɩ y ket n be-la m poorẽ. Bãng-y tɩ nin-bãmba yaa yãmb neba.» 14Soaala-Wẽnd leokame: «M na n lʋɩ-la f taoore tɩ f paam n kẽ vʋʋsga tẽngẽ?» 15T'a Moyiiz paas: «Y meng y toor sã n ka na n tũ bɩ y ra sak tɩ d yi ka ye. 16Kaset bʋg la m tar n na n bãng tɩ zood n be tõnd sʋka, maam ne yãmb la yãmb ne y neba sʋka? Kaset n le bee n yɩɩd d sã n tũud taab bɩ? Y sã n tũud tõndo, neba kõn bãng tɩ yãmb n welg maam ne y neba toore, dũni wã pʋgẽ sɩda?» 17Soaala-Wẽnd yeela a Moyiiz: «M na n maan wala fo sẽn kos maama tɩ m nong-f lame la m maam n welg-f toore.»
18A Moyiiz kos-b lame: «Wilg-y maam y ziirã!» 19#Rm 9,15. Tɩ Soaala-Wẽnd yeele: «M na n looda f taoore, n wilgd-f m nonglma sẽn ta zĩig ninga la m togsd m yʋʋre: Naaba-Wẽnde. M zoeta m sẽn dat a soab nimbãanega la m kõta m sẽn dat a soab sugri. 20La ade, fo ka tõe n yãe mam neng ye, tɩ ned ka yãet mam neng n le vɩɩnd ye. 21Soaala le yeelame: Ad vɩʋʋg m sɛɛgẽ, ad pĩigã. 22M sã n wa lood ne m ziira, m na kẽes f pĩiga bokẽ, m na solg f ne m nug, m loogra wakato. 23M na yaool n yãk m nugã tɩ f yãend m zãkudga; sã n ya m nengã, ad nenga ka tõe n yãend ye.»
Currently Selected:
Ezipt yiib kibare 33: SSDC98
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.
