Daniyɛl 7
7
A Daniyɛl zãmsgo
1Babilon dĩma a Baltazar sẽn wa n sɩng a naam dɩɩbo, a naama pipi yʋʋmde, a Daniyɛl zãmsa zãmsdo, la a gãag zugu bũmb la a yãend yã. A waa n yik n gʋlsa a sẽn yãendã daar a ye. 2A gʋlsa woto: «Bũmb n lik maam yʋngo. Ade, Sobd a naasã wa n zẽkda mogra sẽn ka be toaaga koom. 3#Yp 13,1; 17,8. Rũms sẽn ya bɛd-bɛda, bãmb b naase, n yi mogrã; b ra pa wẽnd taab ye. 4Pipi soaba ra wẽnda bõnyẽega n tar pa-nand-tugri pɩgsa. La m sẽn tar a gesgo, m yãeeme tɩ b gʋsd a pɩgsã. B zẽk-a lame n yalsd a poorẽ nao wã zutu wa ninsaala, la b kõ-a-la ninsaal yam. 5Ade, rũng a yiib soabã, yaa toore, yaa gɩgem-padre, a ra sɩngda yikri la rũng sĩ-bi a tãab n da be a noorẽ. B kõ-a-la noor t'a yik n tɩ wãb nemd sẽn sam wʋsgo. 6#Yp 13,2. M le gesame, la ade, rũng a to sẽn wẽnd ãbga la m yãend yã. Rũnga poor da pusa luiil pɩgs a naase, la a zuta me ra yaa a naase la b kõ-a-la kãsengo. 7#Yp 12,3; 13,1. M sẽn ket n tar gesgo, m gãagẽ, yʋngo, m yãenda rũng a naas soaba. A kẽesda rabeem wʋsgo, n pa sakd gesg ye, a pida ne pãng bala. A ra tara kut yẽn-wogdo, n da wãbd la tõs zeremse. A ra tabda a sẽn pa wãbda ne a nao. A ra ka wẽnd pipi rãmba ba bilfu, la a ra tara yɩɩl piiga. 8#Yp 13,5-6. M da tara a yɩɩla gesgo la ade, yɩɩn-bila a ye n wẽdg bãmb sʋk n yi. A tusa yɩɩl a tãab n lubi, la yɩɩn-bila da tara nini wa ninsaal dẽnna, la noor sẽn da togsd gom tagdo.
Wẽnd bʋʋdo
9 # Yp 20,4; 1,14. M da tara gesgo. B yiisa naam goeelse, tɩ nin-kẽem wa zĩndi. A fuuga ra yaa pɛɛlg wa lamdo. A zuga zoobd da yaa wa pe-kõbdo sẽn maneg n peke. Goeela ra wita bugum. Goeela ra tara gʋla la gʋla ra bilimdame la bãmb me ra wita wa bugum. 10#Yp 5,11; 20,12. Bugum kʋɩlg n da tãoosd la a zoet a taoore. A Sõgen-kamba da yaa tusr lagem koabga, da yaa tusr lagem tusri, la b ra yɛsa a sɛɛgẽ. Da yaa bʋʋd la b kaooda, la bʋʋda sebra da lakame. 11M da getame. M tʋbra ra ket n wãgda ne gom tagd niyns fãa sẽn da yit rũng a naas soaba noorẽ, yɩɩlla soab, noorẽ, la m sẽn da yɛs n getẽ, m yãeeme tɩ b kʋʋd rũng a naas soabã. B bees-a lame n lob-a bug-toaalgẽ. Bug-toaalga bugum ra yãnga wʋsgo. 12Rũms a taaba yõg n loeeme, la b wogla bãmb yõore n gũud wakat a to. 13#Mt 24,30; 26,64; Mk 13,26; 14,62; Lk 21,27; Yp 1,7, 13; 14,14. M le yãee m yʋng zãmsdẽ ned sẽn tũud sawatã n watẽ, wala Ned Biiga. A ra kẽnd n teesa nin-kẽema, b tall-a lame n taas a taoore. 14#Yp 11,15. Yẽ la nin-kẽema kõ tõogo, ziir la naam tɩ tẽns toor-toor neba, buud toor-toor rãmba, zelemd toor-toor rãmb na n sak-a. A naama na n yɩɩ wakat buud fãa naam la a soolma kõn lebg ned a to rẽnd abada.
Zãmsda võore
15Sã n ya maan a Daniyɛl m yama bondga zãnga, m sẽn yãenda yɩka m pɛlenga. 16M kolga sẽn da pẽ-b be wã nin-yende n kos-a t'a togs-m sɩda, yɛl-kãens fãa poorẽ. A leok-m lame n wilg maam b võore: 17‹Rũn-bɛda a naasã makda dĩm dãmba a naase sẽn da rɩt tẽng zug naam. 18#Yp 22,5. Bãmb poore, yaa Yĩngr Wẽnda buud sõngã n na n deeg naam la naama na n paa ne yẽnda zamaan ne zamaana.› 19M kosame tɩ b wilg-m neere, rũng a naas soaba sẽn ya-la, yẽ ra ka wẽnd a taab ye; a ra kẽesda rabeem wʋsgo, n da tar kut yẽna, la zũud nao-yẽese, n dɩtẽ la a tõsda la a tabd sẽn ketã. 20M kosame tɩ b togs-m sɩda yɩɩl piiga sẽn da yi a zugẽ wã poorẽ, la yɩɩll ninga sẽn wẽdg n yi a taab sʋka, n tus a tãab n vi wã. M kosame tɩ b togs m sɩda, a nina poorẽ la a noora, sẽn da yiisd goam tagda poorẽ, a sẽn da tar ziir n yɩɩd yɩɩl a taaba fãa poorẽ. 21#Yp 13,7. M da tara gesgo tɩ yɩɩlla ra zabda ne Wẽnd nin-sõma la yẽ n dag n na n tõogẽ, 22#Yp 20,4. sã n ka nin-kẽema sẽn waa n kao bʋʋdo n kõ Yĩngr Naaba-Wẽnd buud sõnga bʋʋm. Buud kãng n wa n deeg naama n sooge.
23Ad b sẽn wilg-ma: ‹Rũng a naas soaba makda rĩung a ye sẽn na n wa tẽng zugu, n pa wẽnd rĩund a taab ye. A na n dɩɩ tẽnga tõre, n taba ne a nao n bedse. 24#Yp 17,12. Sã n ya yɩɩl piigã, rẽ makda dĩm dãmb piig sẽn na n pʋg taab tẽn-kãnga, la rĩm a ye sẽn ka wẽnd a taaba n na n yiki n tus dĩm dãmb a tãabo n lubi n dɩ naam b zĩigẽ. 25#Yp 12,14; 13,5-6. A na n tʋʋsa yĩngr Wẽnda, a na n kɩtame tɩ Wẽnd nin-sõma wã yãe pɛta, a na n tʋlgame n tedg b zamaana noya. Nin-sõma wã na n dɩkame n bas a nusẽ, yʋʋm a tãab tõre. 26La yĩngr bʋ-kaoodba na n kao-la a bʋʋdo n deeg a naama, daar buud fãa yĩnga. 27#Yp 20,4; 22,5. Yaa yĩngr Naaba-Wẽnd buud sõngã n na n soog tõog, naam la ziir saaga tẽngre. A naama na n yalsa zamaan woo zamaana la dũni wã tõre na n tũ-la a raabo.›
28Kibara tɛk la woto. Maam a Daniyɛl mam yama bondga m pʋgẽ tɩ m nenga tedg zãnga la yɛl-soalma la m tall bilgri m yamẽ.
Currently Selected:
Daniyɛl 7: SSDC98
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.