2MAKABE 4
4
A Simo ne a Oniyas
1Simo ninga sẽn waa n lebga bãon-lugsã n gom wẽnd dooga arzɛk yelle la buuda yelle tɩ rõda a Oniyas wala yaa yẽ n maan dabaar n nams a Eliodor. 2A ra geta a Oniyas wala buuda bɛyã; yẽ n yaool n da ya buuda yel-sõmd soaba, a saam-biisa koagenda la rog-n-mika tũuda. 3Dɩlla b da rɩta beem ne taaba la beema wa n yãngame al tɩ neb kẽere, a Simo sẽn tũusi, tol n lebg nin-kʋʋdba. 4A Oniyas waa n gesame tɩ beem ninga sẽn be yẽnda ne a Simo sʋka da rʋʋsdame n sãamd yɛla, la woto a yãeemea tɩ ned ninga sẽn yãngda beema ka ned a to n zʋʋg a Apoloniyus, a Meneste biiga. Yẽ yaool n da ya Sele-Siri la Fenisi kombere. 5Dẽ me la a Oniyas bʋʋg dĩma a toore. A ka kẽng a saam-biisa kãnegr ye, a tʋlga buuda yell manegr bala. 6A neeme tɩ sã n ka dĩma meng n lʋɩɩs a toogo zĩnd-n-ta-noog ra ka le tõe n yãend ye la a Simo wẽnema kõn kʋʋg koɛɛg ye.
Maan-kʋʋd a Zasõ kibare
7A Selekus sẽn ki, a Antiyokus Epifan n led a zĩiga. A Oniyas yao a Zasõ maana zãmbo n lebg maan-kʋʋdba kãsma. 8A tɩ yãenda dĩma n kãab a wanzurf sẽn ta neb kobs-nu zɩɩbo a sẽn wãdg yõora yaoodẽ n paas wanzurf sẽn ta neb pisi la a yi zɩɩbo sẽn na n yi zĩig a to. 9A le kãaba wanzurf sẽn ta neb kobs naas zɩɩbo dĩma sã n sak t'a me wags taab zĩiga la karen-doto kom-bɩɩba yĩnga la a sak t'a maan Zerizalɛɛm, Antiyos paalga, sõadga. 10Dĩma sakame t'a Zasõ lebg kãsma t'a saam-biisa na n sɩng n vɩɩnd wa Grɛk rãmb sẽn vɩ to-to. 11Dẽ tɛka Zʋɩf rãmba le sɩngame n yaood dĩma sẽn da maan yardo, n bas-b taal ne yaood niyns a Ewupolem ba a Zã sẽn da kos-a. Yaa Ewupolem kãng la b tʋm Rom tẽnga t'a tɩ yõg zood ne bãmba. Dɩlla a Zasõ sãama a saam dãmb dog-n-miki n wa ne zamaan paalga sẽn pa zemsd ne Wẽnnaam Noora ye. 12Wẽnd dooga tãng pennẽ a mee ne pʋ-toogo wags-taab zĩiga tɩ kom-bɩɩb niyns sẽn da ya-b yẽesense n yɩɩd b taaba da reemd be, wala Grɛk rãmb sẽn deemde. 13Grɛk rãmb vɩɩm yamleoogo kẽe saam-biisa wʋsgo, a Zasõ wẽnema yĩnga. A vɩɩma sɩd da yaa nin-wẽng rẽnna n pa tog ne maan-kʋʋd ba sẽn paoode. 14Yɛla sẽn waa n lebg b sẽn yaa a soabã, maan-kʋʋdba mens toog ra ka le be ne maanda ye. B tol n da sãbsda maanda kʋʋb la wẽnd dooga tʋʋma. B sẽn da zoet n kẽnd zĩig ninga yaa reema zĩiga, b sã n wʋm t'a sɩngame. Wẽnd Noora yaool n da gɩdga rẽ. 15Zʋɩf sẽn da get bũmb ning wa yẽ n waoogd nedã, b ra sãbsd-a lame n baood Grɛk rãmb dẽnna. 16Yaa rẽ fãa n kɩt tɩ yɛla ka wa zems ye la b sẽn da togsd b rãmb vɩɩma, n dat n wẽneg bãmbã, b waa n lebga beem ne taaba n kʋʋd taaba. 17Bãng-y tɩ Wẽnd noor pa tõdgd zaalem ye la yɛl niynsa sẽn pʋgdã na wilg rẽ n paas.
18Tir tẽng la b ra reemda, dĩma nifẽ, yʋʋma sã n maan a naas fãa. 19Neb la a Zasõ yiis Zerizalɛɛm, Antiyos paalgã, tɩ b tɩ ges reema. B ra tara ligd a Eraklɛs maanda kʋʋb yĩnga. Ligda ra taa waas kobs-tã. Sẽn kɩs b rãmb ligda yeelame tɩ pa segd tɩ yɩ maanda yĩng ye, t'a na yɩɩ bũmb a to yĩnga. 20Ligdã sẽn da kɩs a Eraklɛs maanda yĩnga, ad-y sẽn deeg-b ligda rɩk-a lame n na n maan koom-kogendpaals buudu. Koom-kogend kãens ra pida ne ko-gaadb rũns a tãabo.
A Antiyokus Epifan kẽeda Zerizalɛɛm
21B tʋma a Meneste biig a Apoloniyus Ezipt tẽnga, dĩma a Filometor kãadem yĩnga. A Antiyokus yaool n da miime tɩ dĩma pa le kẽed a tãpẽ ye la a baoo a menga. Yaa rẽ la a kẽng Zope n tɩ yi be n dig Zerizalɛɛm. 22A Zasõ ne tẽnga rãmb deeg-a-la neere. Neba ra zãada bug-vɩlense la b kilsdẽ. Woto, yẽ ne a tãb-biisã tɩ wẽ sik Fenisi.
A Menelas lebgda maan-kʋʋd kãsenga
23Yʋʋm sẽn maan a tã, a Zasõ tʋma a Simo yao, a Menelas, ne ligdi, dĩma nengẽ tɩ yell n da be n dat welgr tao-tao. 24B talla a Menelas n ta dĩma taoore, la s sega dĩma ne wuk-m-menga la zãmbo. A paamame tɩ b kõ-a maan-kʋʋra naam a Zasõ zĩigẽ. A sẽn kɩs ligd ninga zʋʋga wʋsgo a Zasõ rẽnna. Wanzurfa sẽn kɩsa taa neb kobs-naas zɩɩbo. 25A sẽn deeg a maan-kʋʋr naama sebre, a lɛɛg n waame. A yaool n da ka tar bũmb sẽn wẽnd a na tõog n tʋm maan-kʋʋd tʋʋmd ye. A sẽn da tar yaa toolem, mo-beedo la we-rũng sũ-fõore. 26Yaa a Zasõ n dɩ bõne; yẽ sẽn da reeg a kẽema naam, b reega yẽ me naam t'a na n kong n zoe n dig Aman weoogo.
27A Menelas paama a sẽn da ratã, la sã n ya ligdã a sẽn kãab dĩma, a ka kɩs bũmb ye. 28Zerizalɛɛm tãnsoben-dooga tãnsoaba, a Sostrat, yẽeg-a lame n na n deeg ligdã tɩ yẽ la fadga reesda. Dĩma boola bãmb b yiiba fãa. 29A Menelas sẽn waa n dabd n na n tɩ sak dĩma basa maan-kʋʋra naam ne a yao a Lizimak. A Sostrat me basa a tãnsobendã ne a Kratɛs. Yẽ n da so tãb-biis niyns sẽn yi Sɩpr la sẽn da zabd-ba n deegd ligdi.
A Oniyas kũum
30Dẽ wẽnd la Tars rãmba la Malos rãmba yik zabr ne dĩma t'a rɩka bãmb tẽnsã n kõ a Antiyokus, a pʋg-lɛnga. 31Dĩma me loogame n na n tɩ welg yell kãnga, la a kug-zĩid a Andronik la a bas a meng zĩigẽ. 32A Menelas bẽda rẽ wa a zu-noogo n tɩ zu wẽnd dooga lagd kẽere sẽn dõog ne sãnem, n tɩ kõ a Andronik la a koos kẽer ne Tir tẽng la a tẽn-toose. 33A Oniyas sẽn bãng yellã, a zaba a Menelas la a kong n zoe n tɩ soonda Dafne, tẽng sẽn pẽ ne Antiyos. 34A Menelas bʋʋga a Andronik, n soos n dɩdg-a t'a kʋ a Oniyas. A Andronik sɩd waa a Oniyas nengẽ n yeel-a t'a ra maan rabeem ye, n yõk a nug la a wẽenẽ tɩ bũmb kõn maan-a ye. A Oniyas ra ket n maanda sãmb-sãmbe la a waa n baas n yiime tɩ b wẽneg n kʋ-a n pa le yaas n sok n ges segdame bɩ pa segd ye. 35Zʋɩf rãmb la bu-zẽmba sũur pa yɩ noog ba bilfu b sẽn kʋ a Oniyas zaalma yĩng ye. 36Woto dĩma sẽn yi Silisi sẽnẽ n wa, Zʋɩf rãmbã la Grɛk rãmbã sẽn pa sak pãn-tõogã waa n yãend-a-la a Oniyas poorẽ, tɩ b ra pa tog kʋ-a ye. 37A Antiyokus meng sũur sãama al wʋsgo, a Oniyas yĩn-sidg yõk-a lame t'a tol n yãbe. A ra ket n tẽrame t'a Oniyas yɩɩ ned sẽn mi gũusgu, ned sẽn tõe a menga. 38A sũur puuga ne a Andronik t'a reeg a naama, zĩig pʋgẽ, n kẽes a futu, n tall-a n gilg tẽngã, n kʋ a zĩig ning a Oniyas sẽn lʋɩẽ wã la yaa Wẽnd n sɩbg-a wa sẽn segde.
A Lizimak kũum
39A Menelas basa a Lizimak t'a zu te-sõma la tẽnga rãmba waa n wʋmame tɩ b na n yik ne-a. Te-sõma sɩd paam n looga wʋsgo. 40Neba me sũur puuga wʋsgo. A Lizimak bãnga rẽ n yãk tãb-biis na ta tus a tã n na n sɩng zabre ne ba. A Awuranos la a lʋɩɩs taoore, yẽ n da yɩɩd a taab ne kʋʋlem la gãeemdo. 41Zãma wã sẽn yãe t'a Lizimak sɩnga zabre, kẽer wʋka kuga, tɩ kẽer dɩk gom zɩt na yẽr n kuli, tɩ kẽer wʋk bug-saal sẽn da be be n zab ne a Lizimak neba. 42Wʋsg paama sãmpoaga, kẽer kiime, sẽn kell-ba zoeeme. A Lizimak meng kii kʋɩlen-dooga noore.
A Menelas põasga
43B boola a Menelas bʋʋdo. 44Dĩma waa Tir n sɩng bʋʋd be. Nin-kẽemba yãka neb a tã sẽn na n gome n paalg a Menelas. 45A Menelas sɩd mikame t'a na n paame t'a kãab a Dorimen biig, a Ptoleme, ligd wʋsgo a sã n yõk sɛɛg n kõ-a. 46A Ptoleme boola dĩma zãnd tẽngre wala b na n koka pemsem la a tõog n lebga a yam. 47A Menelas ne a sẽn da kongã, põsame tɩ dĩma pa reeg b sẽn togs a poorẽ ye. Yaa nin-kẽembã la b paalg yã n yõk-ba n na kʋ; b bʋʋda ra bʋẽ-la Sit dãmb nengẽ, nin-toos wa bugma nengẽ, b ra na n kõẽ-yẽe bʋʋm. 48La woto b wẽneg n kʋʋ neb sẽn da wa n na n zab Zerizalɛɛm yĩnga, tẽns a taaba yĩnga, te-sõma wã yĩnga. B paama sɩbgr sẽn pa b rẽnda. 49Wẽnem a woto puuga Tir dãmb fãa sũuri la nin-kẽemba paamame tɩ b solg b ne waoogre kãsenga. 50Sã n yaa a Menelas, ligda nonglem pãng kɩtame tɩ dĩma bas-a a zĩigẽ. A Menelas wẽnema pa woog ye la a waa n lebga a saam-biisa sɩ-lakre.
Currently Selected:
2MAKABE 4: SSDC98
Highlight
Copy
Compare
Share
Want to have your highlights saved across all your devices? Sign up or sign in
SEBR SÕNGO © Alliance Biblique du Burkina Faso, 1998.