Kañaam 66
66
Pdëman Naşibaţi anjaaŋ abuuran
1Kayeeh ki pñaamarën Naşibaţi ki kapënna ţi ulibra wi najukan iyeeh. Kayeeh.
An bañaaŋ biki mboş bŧi, nayeehan nadëman Naşibaţi.
2Nayeehan mndëm mi katim ki nul ;
nayeehan nadëmana.
3Najakan na Naşibaţi : « Iko yi ikdoluŋ iñoŋarën maakan !
Mnhina mnweek mi nu mando kë başooradu bakmaţu.
4Bañaaŋ biki mboş bŧi baŋup ţi kadunu adëmanu na iyeeh,
bayeeh katim ki nu. »
Pnaţ ntiinku
5Nabiini, nawin iko yi Naşibaţi adoluŋ !
Iko iweek maakan yi adoluŋ iñoŋarën bañaaŋ bajën.
6Ado bdëk kë bakak pkay
kë bañaaŋ bakpoş poş amuur.
Wal mënţ kë ŋşë lilandëra.
7Aşih na mnhina mi nul te mnţo ;
këş ki nul katen ŋŧaak,
bandekuluŋ kafeţ bawutan kahomp.
Pnaţ ntiinku
8An bañaaŋ biki ŋŧaak bŧi, nabeeban Naşibaţi i nja,
nayeehan nadëmana.
9Ul anjaaŋ añooţ nja du ubida,
aanwut nja kë ŋluuli.
10Iwi Naşibaţi, itenun bnuura,
abomanun jibi bajaaŋ baboman unŧaam.
11Iwuukun du bţaaw
aţu'un pkuŋa bdaaj bandiţuŋ ;
12iwut kë badapi'un ji ŋmpëlënŧ,
ŋţëp ţi bdoo aţëp ţi meel,
kë işë pënanun da aţij du mboş manŧumuŋ ŋdeey.
13Dluŋ kaya du katoh ki nu katëradu ŋnŧaam,
dluŋ kado iko yi nji nhoŋiiŋ,
14iko yi nhaabuŋ aţup,
iko yi mntum mi naan manţupuŋ wi nhaajaliiŋ.
15Dluŋ katëradu ŋnŧaam ŋanniiruŋ ;
dluŋ katëradu ŋkaneel
udu upaya ubi du iwi ;
dluŋ katëradu ŋgit ŋkaş na ŋpi ŋkaş.
Pnaţ ntiinku
16An nanjaaŋ nadëman Naşibaţi bŧi nabiini,
dkakalëşan iko yi adoluŋ pa nji.
17Wi nji nhaabuŋ, adu'a,
kë mntum mi naan mankdëmana.
18Woli dşal lah buţaan,
Yawe Nawat Kabuka aankŧiinkën.
19Kë Naşibaţi aşë ŧiinkën,
awat kabaţ aŧiink pñehan pi naan.
20Bnuura bawoon ţi Naşibaţi !
Aandiikën wi nji kañehanuluŋ ;
aanlowanaan uŋal wi nul unwooŋ uunkba !
Currently Selected:
Kañaam 66: knf
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal
