Kañaam 67
67
Ŋñehan Naşibaţi awul nja bnuura
1Kayeeh ki pñaamarën Naşibaţi ki kapënna ţi ulibra wi najukan uyeeh. Kaji kayeeh başë kakob bko banwooŋ na ital. Kayeeh.
2Dñehan Naşibaţi añaga nja, awul nja bnuura,
adiiman nja kaara di nul.
Pnaţ ntiinku
3Hënk nja ŋwooŋ ţi mboş ŋhilna ŋyikrën bgah bi nu,
işë ibuuran ŋŧaak bŧi.
4Iwi Naşibaţi, bañaaŋ badoon kabeebu !
Iwi Naşibaţi, bañaaŋ bŧi badoon kabeebu !
5Ŋŧaak ŋawoon ţi mnlilan,
ŋahuuran mnlilan mi ŋa ;
iji kwayëş bañaaŋ pwayëş pŧool
kaşë kaţoŋ ŋŧaak.
Pnaţ ntiinku
6Iwi Naşibaţi, bañaaŋ badoon kabeebu !
Iwi Naşibaţi, bañaaŋ bŧi badoon kabeebu !
7Mboş manji manwul ŋdeey ;
iwi Naşibaţi ŋñehanu iwul nja bnuura !
8Iwi Naşibaţi ŋñehanu iwul nja bnuura ;
ŋñehanu bañaaŋ bŧi te du ŋŧaak ŋanlownuŋ bado kadëmanu.
Currently Selected:
Kañaam 67: knf
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal
