Kañaam 121
121
Yawe Nawat Kabuka awooŋ nabuuran naan
1Kayeeh ki pya du Katoh ki Naşibaţi
Dkat këş aten inkuŋ... !
Ţuŋ di mbuur mankwoonuŋ ?
2 Yawe Nawat Kabuka akbuuranaanuŋ,
ul ampaşuŋ baţi na mboş.
3Aankluŋ kawutu ihubta ;
Nayeŋ i nu aanji yiŋëŧ !
4Natenan, aanji yiŋëŧ ;
nayeŋ i Iŧrayel aanji ŋoyënţ.
5Nawat Kabuka awooŋ nayeŋ i nu ;
Nawat Kabuka awooŋ nabeelu.
Aa, Nawat Kabuka awo ţi kadeenu ki nu.
6Bnuur baanknooranu na pnak ;
bdëm baanknooranu na uŧejan#121.6 bdëm : Bapiiŧ ţi aji pli. Başal aji pahinan kado ñaaŋ buţaan..
7Nawat Kabuka akitanu buţaan bŧi ;
Nawat Kabuka akbeeluŋ uhaaşu.
8Aa, Yawe Nawat Kabuka akbeeliiŋ ţi uya'u na ubi'u,
nţa di te mnţo !
Currently Selected:
Kañaam 121: knf
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal
