Kañaam 128
128
Bnuura bi ñaaŋ anhaţuŋ ţi Naşibaţi akluŋ kayeenk
1Kayeeh ki pya du Katoh ki Naşibaţi
Ñaaŋ anjaaŋ aţi Yawe Nawat Kabuka,
ñaaŋ anjaaŋ aţaş bgah bi nul,
anuurandëni !
2Iluŋ kadeena ujënk wi nu,
iko yi nu bŧi iluŋ kaţëp bnuura,
inuurandëni !
3Aharu aji wo ji bko banjaaŋ babuk kaŧuman,
du katohu meeţ ;
babuku kawo ji inah yi bko
kafooy praata na iwi.
4Bnuura mënţ bi bi
ñaaŋ anjaaŋ aţi Yawe Nawat Kabuka akluŋ kayeenk.
5Yawe Nawat Kabuka aluŋ kawulnu bnuura bi nul du Ŧiyoŋ
işë ido kaţok ţi mndëm mi Yeruŧalem
ŋnuur ŋi nu bŧi.
6Iluŋ kawin bababu [babuk babuku]
Bnuura nuura ţi Iŧrayel.
Currently Selected:
Kañaam 128: knf
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal
