Alawii 18
18
Mĩtugo ya gũkomania ĩtaagĩrĩire
1Ningĩ MWATHANI akĩĩra Musa atĩrĩ, 2“Arĩria andũ a Isiraeli ũmeere atĩrĩ: Niĩ nĩ niĩ MWATHANI Ngai wanyu. 3Mũtikaanarũmĩrĩre mĩtugo ya bũrũri wa Misiri kũrĩa mwatũũraga, kana ya bũrũri wa Kanaani kũrĩa ndĩramũtwara. 4Athĩkagĩraai mawatho maakwa na mũhingagie ũrĩa ngũmwatha. Niĩ nĩ niĩ MWATHANI Ngai wanyu. 5#Neh 9.29; Eze 18.9; 20.11-13; Luk 10.28; Aro 10.5; Agal 3.12 Atĩrĩĩrĩ, rũmagĩrĩraai mĩtugo na mawatho marĩa ngũmũhe; mweka ũguo nĩmũgũtũũra muoyo. Niĩ nĩ niĩ MWATHANI.
6“Mũndũ o na ũrĩkũ wanyu ndakaanakome na mũndũ o wothe marĩ a rũrĩra. Niĩ nĩ niĩ MWATHANI. 7Ndũkaanaconorithie thooguo na ũndũ wa gũkoma na maitũguo. Ũcio nĩ maitũguo, ndũkaanamũconorithie o na atĩa. 8#Alaw 20.11; Gũco 22.30; 27.20 Ndũkaanaconorithie thooguo na ũndũ wa gũkoma na mũtumia o wothe wa atumia arĩa angĩ aake. 9#Alaw 20.17; Gũco 27.22 Ndũkaanakome na mwarĩ wa maitũguo, kana wa mũtumia ũngĩ wa thooguo, o na angĩkorwo mũreranĩirwo hamwe kana ookirwo naake. 10Ndũkaanakome na mwarĩ wa mũũrũguo, kana wa mwarĩguo, ũcio nĩ ũndũ wa gĩconoko harĩ we. 11Ndũkaanakome na mwarĩ wa mũtumia wa thooguo, tondũ ũcio o naake nĩ mwarĩ wa maitũguo. 12-13#Alaw 20.19-20 Ndũkaanakome na mwarĩ wa nyina na thooguo kana maitũguo, tondũ acio nĩ aataataguo. 14Ndũkaanakome na mũtumia wa thooguo mũkũrũ kana thooguo mũnyiinyi; ũcio o naake nĩ maitũguo. 15#Alaw 20.12 Ndũkaanakome na mũtumia wa mũũrũguo, 16#Alaw 20.21 kana na mũtumia wa mũrũ wa maitũguo. 17#Alaw 20.14; Gũco 27.23 Ndũkaanakome na mũndũ wa nja na ũkome na mwarĩ, o na ndũkaanakome na aarĩ a ciana ciake. Acio-rĩ, mwĩ rũrĩra nao, na gwĩka ũguo nĩ ũũra thoni. 18Ndũkaanahikie mwarĩ wa nyina na mũtumia waku atuĩke mũiru wa mũtũmia waku, mũtumia waku arĩ o muoyo.
19 #
Alaw 20.18
“Ndũkaanakome na mũndũ wa nja rĩrĩa arĩ kahindainĩ gaake ka mweri, tondũ arĩ na thaahu. 20#Alaw 20.10 Ndũkaanakome na mũtumia wa mũndũ ũngĩ, ũndũ ũcio no ũkũgwatie thaahu. 21#Alaw 20.1-5 Ndũkaananeane mwana o na ũmwe waku arutĩrwo ngai ĩrĩa ĩĩtagwo Moleku igongoona, tondũ ũndũ ta ũcio no ũcambithie rĩĩtwa rĩa Ngai waku. Niĩ nĩ niĩ MWATHANI. 22#Alaw 20.13 Mũndũ mũrũme o wothe ndakaanakome na mũndũ mũrũme ũrĩa ũngĩ ta arĩ mũndũ wa nja. Gĩĩko ta kĩu kĩ magigi. 23#Tha 22.18; Alaw 20.15-16; Gũco 27.21 Mũndũ mũrũme kana mũndũ wa nja o wothe ndakaanakome na nyamũ; ũcio nĩ ũũra thoni.
24“Mũtikaanegwatie thaahu na ũndũ o na ũmwe wa maũndũ macio, tondũ ndũũrĩrĩ iria ndĩraingata ĩmweherere ciegwatirie thaahu na maũndũ ta macio. 25Ciĩko ciacio-rĩ, nĩciatũmire bũrũri ũgwatwo nĩ thaahu, na nĩkĩo ndĩraũherithia na ngatũma ũrege andũ arĩa matũire thĩinĩ waguo. 26-27Meekire maũndũ me magigi, magĩtũma bũrũri ũgĩe na thaahu. Inyuĩ-rĩ, mũtiagĩrĩirwo nĩgwĩka maũndũ ta macio o na haniini. Inyuothe, mũrĩ Aisiraeli kana andũ a ndũũrĩrĩ arĩa mũratũũrania nao, no nginya mũrũmagĩrĩre mawatho maakwa, o na maathani maakwa. 28Mweka ũguo-rĩ, mũtiiregwo nĩ bũrũri, ta ũrĩa ũregeete ndũũrĩrĩ iria iraũtũũraga mbere yanyu. 29Atĩrĩĩrĩ, arĩa oothe marĩĩkaga maũndũ ta macio marĩ magigi, nĩmarĩingatagwo kuuma harĩ andũ a Ngai.
30“Athĩkagĩraai maathani macio ndamwatha na mũtikaarũmagĩrĩre mĩtugo ya andũ arĩa maratũũraga bũrũriinĩ ũcio mbere yanyu, o na kana mwĩthaahie na mĩtugo yao. Niĩ nĩ niĩ MWATHANI Ngai wanyu.”
Currently Selected:
Alawii 18: GKNDC
Highlight
Copy
Compare
Share
Want to have your highlights saved across all your devices? Sign up or sign in
Gikuyu Common Language Bible with DC © Bible Society of Kenya, 2014, 2018.
