2. Samuelsbok 23
23
Davids siste ord
1Dette er Davids siste ord.
Så seier David, son til Isai,
så seier mannen ¬som høgt er sett,
han som er salva ¬av Jakobs Gud,
helten i Israels songar:
2Gjennom meg talar ¬Herrens Ande,
hans ord er på mi tunge. #Jes 59,21; Matt 22,43
3Israels Gud har tala,
Israels Berg har sagt til meg:
«Den som styrer folket ¬med rettferd,
den som rår med gudsfrykt, #Sal 28,1; 72,1ff; Jes 11,2ff; Jer 23,5f; 33,15f
4han er lik morgonljoset
når sola renn ¬ein skylaus morgon,
og graset gror i sol etter regn.»
5Så har mitt hus det med Gud.
Med meg har han gjort ¬ei evig pakt,
vel skipa og nøye halden.
Ja, alt som tener til mi frelse,
alt eg ynskjer, lèt han gro fram. #7,12ff; Jes 55,3; 6,11
6Men dei gudlause, dei er alle
lik tornar som ein kastar bort,
ingen rører dei med hendene. #Jes 33,12
7Den som kjem nær dei,
væpnar seg ¬med jern og spydskaft.
Så vert dei brende i elden.
Davids krigarar
8Dette er namna på krigarane åt David:
Fyrst var det Josjeb-Basjebet av Hakmon-ætta, hovding over dei tre. Det var han som svinga spydet sitt over åtte hundre falne på ein gong. #23,8 dei tre leiarane mellom dei tretti hovdingane åt David, v. 13 og 19. #1 Krøn 11,10–41 9Etter han kom Elasar, son til Dodo frå Akoak. Han var ein av dei tre krigarane som var med David ved Pas-Dammim då filistarane hadde samla seg til strid der. Israelittane drog seg attende, 10men han heldt ut og hogg ned filistarar til handa hans vart så stiv at ho hang fast i sverdet. Den dagen lét Herren israelittane vinna ein stor siger, og då stridsmennene vende om og fylgde Elasar, kunne dei berre plyndra dei falne.
11Etter han kom Sjamma, son til Age frå Harar. Ein gong hadde filistarane samla seg ved Leki. Det var ein tett linseåker der, og då israelittane rømde for filistarane, #23,11 Leki[Dom 15,9.] 12gjekk Sjamma midt ut i åkeren og verna han. Han hogg ned filistarar, og Herren lét han vinna ein stor siger.
13Ein gong då det leid mot skurdonna, fór tre av dei tretti hovdingane ned til David, som var i hola ved Adullam. Filistarhæren låg i leir i Refa’im-dalen. #23,13 Adullam[1 Sam 22,1.]#23,13 Refa’im-dalen[5,18.] 14David heldt då til i fjellborga, og forposten åt filistarane låg ved Betlehem. #23,14 fjellborga[1 Sam 22,4.] 15Då fekk David hug på vatn og sa: «Gjev einkvan ville henta vatn til meg frå brunnen ved byporten i Betlehem!» 16Dei tre kjempene braut seg gjennom filistarleiren, auste opp vatn or brunnen ved byporten i Betlehem og tok det med seg til David. Men han ville ikkje drikka. Han rende det ut for Herrens åsyn 17og sa: «Herren fri meg frå å gjera noko slikt! Skulle eg drikka blodet åt dei mennene som våga livet då dei gjekk?» Og han ville ikkje drikka. – Dette gjorde dei tre kjempene.
18Så var det Abisjai, bror til Joab og son til Seruja; han var hovding over dei tretti. Ein gong svinga han spydet sitt over tre hundre falne og fekk eit stort namn mellom dei tretti. #23,18 dei tretti Davids hovdingar, v. 13. 19Han var høgt vørd mellom dei tretti og vart hovdingen deira. Men han kom ikkje opp mot dei tre.
20Benaja Jojadason frå Kabse’el var ein mektig mann og gjorde mange storverk. Han slo i hel dei to kjempene frå Moab. Ein gong det hadde snøa, steig han ned i ein brunn og drap ei løve. #8,18; 20,23; 1 Kong 2,29f 21Like eins felte han ein kjempestor egyptar. Egyptaren hadde eit spyd i handa. Men Benaja gjekk imot han med ein stav, reiv spydet ut or handa hans og drap han med hans eige spyd. 22Dette gjorde Benaja Jojadason, og han fekk eit stort namn mellom dei tretti krigarane. #1 Krøn 27,6 23Han var høgt vørd mellom dei tretti, men kom ikkje opp mot dei tre. David sette han over livvakta si.
24Til dei tretti høyrde Asael, bror til Joab; Elkanan, son til Dodo, frå Betlehem; 25Sjamma frå Harod; Elika frå Harod; 26Heles frå Pelet; Ira, son til Ikkesj, frå Tekoa; 27Abieser frå Anatot; Mebunnai frå Husja; 28Salmon frå Akoak; Marai frå Netofa; 29Heleb, son til Ba’ana, frå Netofa; Ittai, son til Ribai, frå Gibea i Benjamin; 30Benaja frå Piraton; Hiddai frå Ga’asj-dalane; 31Abi-Albon frå Bet-Ha’araba; Asmavet frå Bakurim; 32Eljakba frå Sja’albon; Jasjen-sønene; Jonatan; 33Sjamma frå Harar; Akiam, son til Sjarar, frå Harar; 34Elifelet, son til Ahasbai, frå Ma’aka; Eliam, son til Akitofel, frå Gilo; 35Hesro frå Karmel; Pa’arai frå Arab; 36Jigal, son til Natan, frå Soba; Bani frå Gad; 37Selek frå Ammon; Nakrai frå Be’erot, våpensveinen til Joab, son til Seruja; 38Ira frå Jattir; Gareb frå Jattir; 39hetitten Uria. Det var i alt trettisju mann.#23,39 i alt trettisju mann Det var «dei tretti» (v. 24–39), dei tre (v. 8–12) og dessutan Abisjai, Benaja, Asael (v. 18–24) og Joab.
Currently Selected:
2. Samuelsbok 23: N78NN
Highlight
Share
Copy
Want to have your highlights saved across all your devices? Sign up or sign in
© 1978, 1985 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 1978, 1985 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).