Josva 12
12
Kongane som israelittane vann over
1Dette er kongane i landet som israelittane vann over, dei som rådde over landet som israelittane tok i eige på den andre sida av Jordan, på austsida, frå Arnon-elva til Hermon-fjellet, heile austsida av Araba-sletta: 2#4 Mos 21,21ff; 5 Mos 2,26ff; 3,16 amorittkongen Sihon, som budde i Hesjbon og rådde over området frå Aroer, som ligg ut mot Arnon-elva, området frå midt i dalen og over halve Gilead til Jabbok, elva som er grense mot ammonittane, 3#5 Mos 3,17#12,3 Saltsjøen Daudehavet. og over Jordan-dalen, opp til austsida av Kinneret-sjøen og ned til austsida av Araba-sjøen – som blir kalla Saltsjøen – bort imot Bet-Jesjimot, og sørover nedst i Pisga-skråningane. 4#5 Mos 1,4; 3,1ff Vidare området til Og, kongen i Basan, ein av dei som var att av refaittane. Han hadde sete i Asjtarot og Edre'i 5og rådde over Hermon-fjellet, Salka og heile Basan, til grensa mot gesjurittane og maakatittane, og over halve Gilead, til grensa mot Sihon, kongen i Hesjbon. 6#4 Mos 32,33; 5 Mos 3,12 Moses, Herrens tenar, og israelittane hadde vunne over desse kongane, og Moses, Herrens tenar, hadde gjeve landet i eige til rubenittane og gadittane og halvparten av stammen til Manasse.
7Dette er kongane i landet som Josva og israelittane vann over på vestsida av Jordan. Landet frå Baal-Gad i Libanon-dalen til snaufjellet som stig opp mot Se'ir gav Josva Israel-stammane til eige. Kvar stamme fekk sin del, 8i fjellandet, i låglandet og på Araba-sletta, i skråningane, i ørkenen og Negev, i landet til hetittane, amorittane, kanaanearane, perisittane, hevittane og jebusittane.
Kongane var: 9kongen i Jeriko, éin, kongen i Ai ved Betel, éin, 10kongen i Jerusalem, éin, kongen i Hebron, éin, 11kongen i Jarmut, éin, kongen i Lakisj, éin, 12kongen i Eglon, éin, kongen i Geser, éin, 13kongen i Debir, éin, kongen i Geder, éin, 14kongen i Horma, éin, kongen i Arad, éin, 15kongen i Libna, éin, kongen i Adullam, éin, 16kongen i Makkeda, éin, kongen i Betel, éin, 17kongen i Tappuah, éin, kongen i Hefer, éin, 18kongen i Afek, éin, kongen i Saron, éin, 19kongen i Madon, éin, kongen i Hasor, éin, 20kongen i Sjimron-Meron, éin, kongen i Aksjaf, éin, 21kongen i Taanak, éin, kongen i Megiddo, éin, 22kongen i Kedesj, éin, kongen i Jokneam ved Karmel, éin, 23kongen i Dor på Dor-høgda, éin, kongen over folka i Galilea, éin, 24kongen i Tirsa, éin, i alt trettiein kongar.
Currently Selected:
Josva 12: N11NN
Highlight
Share
Copy
Want to have your highlights saved across all your devices? Sign up or sign in
© 2011 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 2011 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).