Nhiara 13
13
Riy mak kler la susa ralamni nsumbain la Itmatromlawanni Makdenrer die
1Hadi de Daud ya'ulli-yawedni la wniatunnu-wniahniarni mak ha rala la mak khi' o'tani la mak kwatunu-kwahniara:
2Niwra: Hota mowen nianpena O Mhuoratnan a'u, Matrome?
Ne hota mowen nianpena O Mhuaria O gaimu mai a'u Matrome?
Hota mowen nianpena alier la kalwiedni Matrome?
Hota a'g emkadi mamaini?
3Hota ler wo'ira owa'ana a ralmu wolwo'la pa edon namtiertiernu?
Lera-ler nekpa a ralmu nmawal doinia.
Yana Muolin doinia a' arwa'lu pa nal a lia yawa, Matrome!
4Mlin reri-muat reri a'u Matrome! Uplerlawnu ne! Mtiulan pa Mpuahla nan a li'ru,
me Mual a'u pua ururi-ulai, totpena yana alier la noha mati-rai molu.
5Yana Muolli arwa'lu re pa riwra ir ral olek a lia' yawa.
Yana irahepru pa riarni-riarin nohora yoma ra'unut nan olek a wua.
6Yoma agha'ar reri a arnu la O'a, onnila O sniayanmu mak kodi liarni,
pede a' nianpena ed mak kamuki-kahepur nohora O'a, yoma O' ed mak kamori-kalewna a'u.
Pede agiwra gala wniatunu-wniahniara ga' u'uli-uwedia O la' genmu-tienmu yoma O kalwiedmu-paitiotmu mai a'u.
Currently Selected:
Nhiara 13: LEX
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
