Nhiara 121
121
Itmatromlawanni Nruwun rer ita
1Nhiar miaka rwatunu-rwahniar la'pa rha'at la wo'or wawannu pa rla rkola tieru-rawur nehla la Itmatromlawanni (Nhiara Ziarah):
Awuatniar la wo'ora-kawru re hananni,
pa wuatoli-wuatakra hota he' ed maka kmai pia ktulan la mai a'g o?
2Mere la'pa emkameni ho'mana eneknek to'ama Orgahi-Orha'a Makohi-maka'ara, kawilla-kayomtia lyanit marna nohkerna-rai miaran di,
ed maka mak ktulan la mai a'u.
3Hota edonna Namkek rer nieka o' pa o mtiuini-mdiayi,
yoma la'a E' de edonan Nanin targa la'a yatiak genni ralamni.
4Plola! Mak kakruwun reria Israel de
edonna Nhoki onde Nanin targa.
5 Itmatromlawanni Makdenrer die ed maka katiak re'ru,
pa Nden nek la o' onmu
totpena Nruwun re'ru.
6Hota ler pahna lawna edonna nhit nan o'a
me o' edonna mumehra-mumau onnila wolla.#121:6 mumehra-mumau onnila wolla. La' ler ululu, makden hande rwarora hita-repra mak kwatiawua wolla nhi' rimormiori pa ramehra-ramau.
7 Itmatromni Makdenrer die ed maka kruwun reri o' pa edonna mlier la yatyatni-halalli yatlorni-yatra'ani.
E' ed maka klernohor reri o' totpena mlier la mormiori-lewlewna ralamni.
8La'pa omlia'a-muai die hota E Nlernohor rer nie'ku pa nodi liarni.
Currently Selected:
Nhiara 121: LEX
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
