Popular Bible Verses from Nhiara 121

Share

Nhiar miaka rwatunu-rwahniar la'pa rha'at la wo'or wawannu pa rla rkola tieru-rawur nehla la ITMATROMLAWANNI (Nhiara Ziarah): Awuatniar la wo'ora-kawru re hananni, pa wuatoli-wuatakra hota he' ed maka kmai pia ktulan la mai a'g o? Mere la'pa emkameni ho'mana eneknek to'ama ORGAHI-ORHA'A Makohi-maka'ara, kawilla-kayomtia lyanit marna nohkerna-rai miaran di, ed maka mak ktulan la mai a'u.

ITMATROMNI Makdenrer die ed maka kruwun reri o' pa edonna mlier la yatyatni-halalli yatlorni-yatra'ani. E' ed maka klernohor reri o' totpena mlier la mormiori-lewlewna ralamni. La'pa omlia'a-muai die hota E Nlernohor rer nie'ku pa nodi liarni.

Hota edonna Namkek rer nieka o' pa o mtiuini-mdiayi, yoma la'a E' de edonan Nanin targa la'a yatiak genni ralamni.