Nhiara 110
110
Orgahi-Orha'a Nora ray miaka Ha Nwalir niana
1Daud nhiar ya'ulli-yawedni:
Orgahi-Orha'a Nakot la a tun ra'yu Niwra:
“Muliwnu (Mumtatnu) la a wa'lu malganna.
La'pa Aghi'a arwalmu re
pa rwaltior la o lakmu nayanni”.#110:1 La' ler maka ray Daud ntulsi nhiar ya'uli-yawed di e nakot nohora inon wamueheni. Mere Uplerlawna Nnairi Daud nurnu pa Nakot nohora Ray id mak kmai nieka mak hota Namori-nalewna rimormiori, de Yesus Kristus inhatte. Mimkek teka Mat. 22:44; Mrk. 12:36; Luk. 20:43; Makod Upler lirni (Kis. 2:34-35); Ibr. 1:13.
2Hota Orgahi-Orha'a ed maka khi'a o lodanmu-hairmu nwatiawua Sion pa nawerna-naplahwa,
totpena omtiorn apitga arwalmu re honona.
3La' ler maka mlier la ar ralma, de o rimormiormu re rwaleran pa rlerler nohor o'a de, rahmuakur toto' memna.
O' de hitita-reprepar nohora hewewta-naniayarmu.
O rimormiormu raruri-ra'orat nekpa emeknekama tuwari-laweru.
Emkade pede emolmolan nekama howna kgar yawyawra maka lera-lera nekpa pepe'er to'owa.#110:3 Riy mak katu yawala Ibrani nekane raplin niohora ayat 3 di nnia'eratni mak kaplollola.
4 Orgahi-Orha'a Nlokr olekwa
me hota E' edonna Naheri-nawalia E lirni:
“O' di de makpolu-makwak (imam) la Uplerlawna id o'a pa nodi liarni
emekwalima Melkisedek makla' makpolu-makwak (imam) la Uplerlawna la' ululu de.”
5 Orgahi-Orha'a etla o walmu malganna,
ne la'pa ntutu-nte'ela ler mak Orgahi-Orha'a Ntutga yawenan lawanni de hota E Nala ray-ray honona re la' yawa.
6Hota E' ed maka kukmua lodna-hairi re honona, pa rurni-kliakallu re mana knunu-knera.
He'a-he' maka ktorna-krautu la'a nohkeran di wawannu, de hota E' ed maka ku'uta mkoha-amnannia re.
7Mere o'#110:7 o' La' yawala Ibrani de rnairia “e'a” la' ayat di, de edon rakot nohora Uplerlawna, mere rakot nohora ray maka Uplerlawna Nhi' pa nler la unut lawna la ara ralamni. La' hade pede la yawala Lgona de rnairia “o'a”. de ho'mana hota muemun la ger wawuau makden la' talla aratni.
Emkade pede mururi owa'an pa mrian owa'ana o'tamu la heyanna.
Currently Selected:
Nhiara 110: LEX
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
