Nhiara 100
100
Nhiar Ya'uli-yawedi
1Rwahniar nohora nhiurliwtu-wnialodwa maka ir rala totpa ra'uli-rawedi Itmatromlawanni Makdenreri:
Makden la noha wawannu hononmi mriarin la Itmatromlawanni yoma ralammi nahepuepru, de mriarin la haleluya!
2Mkiola tieru-miawur nehla la Itmatromlawanni, de miodia ralammi mak kahepuepur nohora.
Mtiutrier lia gaini ralamni pa mpiatunu-mpiahniara de mlioi-mhiek nohor nhiarmi.
3Mhioratreria! Itmatromlawanni Makdenreri, de Uplerlawna inhatta.
E' ed maka khi' it pa itla' E gahani.
Rimormior it di de emeknekama E pipni-dumni.
4Mliola roma kreini nhiar lawanni de, mriarin de miodia nhiar maka ha ra ra'uli-rawedi E'a onnila hya' ed maka Nhi' nana.
La'pa mlier la roma krei herni-gaini
de mi'uli-miwedia mlilili-mmiamuawua E mak kdella tutullu-lolo'oni.
5Yoma Itmatromlawanni Makdenreri pa Nhi' neka hya' mak kalwiedweda,
ne la'a sniayanni de nodi liarni pa nodi liarni.
Hota emkade la durti-waiti la' durti-waiti pa nodi liarni.
Currently Selected:
Nhiara 100: LEX
Highlight
Copy
Compare
Share
Want to have your highlights saved across all your devices? Sign up or sign in
© 2025, Wycliffe Bible Translators, Inc. All rights reserved.
