مئکا 6
6
ربّئن ائسرایئلئن ضئدّئنه ائتّئهامی
1ربّئن نه ددئیئنی ائندی اِشئدئن:
«قالخین، داغلار قاباغیندا داعوانیزی دئله گتئرئن،
قوی تپه‌لر سَسئنئزی اشئتسئنلر.
2ای داغلار، ای یِرئن مؤحکم بونؤوره‌لری،
ربّئن ائتّئهامینی اِشئدئن!
چونکی رب اؤز خالقینین ضئدّئنه داعوا آچیب؛
حتّا ائسرایئل‌له بله داعوا اده‌جک.
3ای خالقیم، سنه نه اتمئشم؟
سنی نه ائله یورموشام؟
منه جاواب ور!
4دوغرودان دا، من ائدئم کی،
سنی مئصئر اؤلکه‌سئندن چیخارتدیم،
نؤکرچئلئک دئیاریندان سنی ساتین آلدیم،
موسانی، هارونو، مریمی سنئن قاباغیندا گؤندَ‌ردئم.
5ای خالقیم، سنئن ضئدّئنه
موآب پادشاهی بالاقین نئیّتلرئنی،
بِعور اوغلو بَلعامین اونا نه جاواب وردئیئنی خاطیرلا،
شئتّئمدن گئلگالا گِدنده، یولدا نه باش وردئیئنی خاطیرلا کی،
ربّئن صالح عمل‌لرئنی بئله‌سن.»
ربّئن آداملاردان ائسته‌یی
6ربّئن حوضورونا نه ائله گدئم؟
اوجا تارینین حوضوروندا نجه سجده ادئم؟
اونون حوضورونا یاندیرما قوربانلاری ائله -
بئر ائلّئک دانالارلا مگر چیخیم؟
7ربّه مئن-مئن قوچ قوربانلاری،
زیتون یاغینین اون مئنلرجه سِل‌لری مگر خوش گلر؟
عاصئلئیئمه گؤره ائلک اوغلومو،
گوناهیم اوچون اؤز اؤولادیمی مگر ورئم؟
8ای ائنسانلار، تاری سئزه یاخشی اولانی بئلدئرئب.
رب سئزدن عادئل اولماقدان باشقا،
محبّت گؤرسدمه‌یی سِومَکدن باشقا،
تارینیزین حوضوروندا باشی‌آشاغی یاشاماقدان باشقا نه ائسته‌یئر کی؟
پئسلئیئن جزالاندیرماسی
9ربّئن سَسی شهره نئدا ادئر،
سنئن آدیندان قورخماق حئکمتدئر.
«تنبه آغاجینا،
اونو تعیئن اده‌نه دئقّت ادئن.
10مگر پئسلرئن اِوئنده‌کی حارام مال-دؤولت،
نجئس اولان اَسکئک اؤلچو#6:10 عئبرانی دئلئنده «اِفا». تقرئبن ۲۲ لئتئرلئک بئر اؤلچو. حله ده یوخدور؟
11پئسلئک تَره‌زئسئندن و آلدادیجی چکی داشلاریندان ائستئفاده اده‌نی
مگر حاقلی سایارام؟
12شهرئن وارلی‌لاری قدّارلیق ادئرلر،
ساکئنلری یالان دانیشیرلار،
دئل‌لری آغیزلاریندا حئیله ائشله‌دئر.
13بونا گؤره، گوناهلارینیزدان اؤتری،
من سئزی ووراجاغام،
سئزی ییخاجاغام،
سئزی وئران قویاجاغام.
14یئیه‌جکسئنئز، آمّا دویمایاجاقسینیز،
قارینلارینیز بوش قالاجاق.
ثروت ییغاجاقسینیز، آمّا ساخلامایاجاقسینیز،
هر نه ساخلادیغینیزی دا، من قیلینج آغزینا وره‌جیم.
15سئز اَکه‌جکسئنئز، آمّا بئچمیه‌جکسئنئز،
زیتون سیخاجاقسینیز، لاکئن اؤزونوزه یاغ سورتمیه‌جکسئنئز؛
اوزوم سیخاجاقسینیز، آمّا شراب ائچمیه‌جکسئنئز.
16پادشاه عومرئنئن قایدالاری رئعایت اولونور،
اَخاب سولاله‌سئنئن بوتون ائشلری یرئنه یتئرئلئر،
اونلارین مصلحتئنه موطابئق یاشاییرسینیز،
بونا گؤره ده سئزی هلاکته تسلئم اده‌جیم،
ساکئنلرئنئزی رئشخند هدفئنه چِوئره‌جیم،
بله‌جه منئم خالقیمین روسوایچیلیغینی داشییاجاقسینیز.»
Currently Selected:
مئکا 6: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
