مئکا 5
5
1ای قوشونلار قیزی، ائندی قوشونلارینی بئر یِره ییغ!
بئزی دؤوره‌یه آلیبلار،
ائسرایئل حؤکمدارینین اوزونه دَیَنَکله ووراجاقلار.
بیت‌لِحِمدن گله‌جک اولان حؤکمدار
2آمّا سن ای بیت‌لِحِم اِفراتا،
یهودا نسئل‌لرئنئن کئچئیی اولاسان دا،
منئم اوچون ائسرایئل اوستونده
حؤکمدار سندن چیخاجاق.
اونون نسلی چوخ قدئملردن،
ازلی گونلردندئر.
3دوغوم آغریسینی چکن آرواد دوغانا قدر،
رب اؤز خالقینی تسلئم اده‌جک.
ائسرایئل اؤولادلارینین یانینا،
قالان قارداشلاری قاییداجاق.
4بو حؤکمدار قالخاجاق
و تارینین قووّتئنده،
تاریسی ربّئن عظمتلی آدیندا
سوروسونه چوبانلیق اده‌جک.
خالق اَمئن-آمانلیق ائچئنده یاشایاجاق،
چونکی بوتون یر اوزو اوستونه بؤیوک، او اولاجاق.
5بو بئزئم صولحوموز اولاجاق.
آشورلولار اؤلکه‌مئزه گلدئیی واخت،
قالالاریمیزا آیاق آچدیغی واخت،
اونلارین ضئدّئنه یدّی چوبان و سکّئز رهبر قالدیراریق.
6اونلار آشور تورپاقلارینا،
نَمرود اؤلکه‌سئنئن گئرئشلرئنه،
قیلینجلا چوبانلیق اده‌جکلر؛
آشورلولار تورپاغیمیزا گلنده،
سرحدئمئزی کِچَنده،
او بئزی قورتاراجاق.
7یعقوب نسلئنئن صاغ قالانلاری
چوخلو خالقلارین آراسیندا اولاجاقلار.
ربّئن گؤندَردئیی شح کئمی،
اوت اوستونه تؤکولَن یاغیش کئمی کی،
کئمسه‌نی گؤزله‌مَز.
کئمسه‌نئن گلمه‌سئنه ده مونتَظئر اولماز.
8یعقوب نسلئنئن صاغ قالانلاری
چوخلو خالقلارین، چوخلو مئلّتلرئن آراسیندا
اِله بئل کی، مِشه حیوانلاری آراسینداکی شئر،
قویون سوروسو آراسینداکی جاوان آصلاندیر.
سورونون ائچئنه گئرسه، اَزئب دئدَر،
هچ کس اوندان قورتولا بئلمز.
9اَلئن خَصملرئنئن اوستونه قالخاجاق،
ای ائسرایئل، سنئن دوشمنلرئن کَسئله‌جک!»
10رب بویورور:
«او گونده آتلارینیزی قیراجاغام،
دؤیوش عارابالارینیزی یوخ اده‌جیم.
11اؤلکه‌نئزده‌کی شهرلری ده دارماداغین اده‌جیم،
بوتون قالالارینیزی یِره ییخاجاغام.
12جادوگرلئیی سئزئن اؤلکه‌نئزدن محو اده‌جیم،
سئزه بئر داها طالِعه باخان اولمایاجاق.
13سئزئن بوتلرئنئزی، سئزئن موقدّس سوتونلارینیزی
سئزئن آرانیزدان قیریب آتاجاغام.
بله‌جه اَل‌لرئنئزله دوزه‌لتدئیئنئز شیلره
آرتیق سجده اتمیه‌جکسئنئز.
14سئزئن اَشِرا بوتلرئنئزی آرانیزدان چیخاردیب آتاجاغام.
شهرلرئنئزی وئران قویاجاغام.
15ائطاعتسئز مئلّتلردن قضبله، حئدّتله قئصاص آلاجاغام.»
Currently Selected:
مئکا 5: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
