مئکا 7
7
مئکانین مرثئیه‌سی
1وای منئم حالیما!
من بئر آداما بَنزه‌یئرم کی،
یای مؤوسوموندن سونرا
میوه‌سی تامام ییغیلمیش،
تَنَکلری ده تمئزلَنمئشدئر؛
اوندا یمک اوچون نه اوزوم سالخیمی قالیب،
نه ده نوبارلیق بئر انجئر کی، اونا هوس اِدئم.
2اؤلکه‌ده تارینی تانییان آدام قالماییب،
ائنسانلار آراسیندان صادئق آدام محو اولوب.
هامی قان تؤکمک اوچون کمئنده دورور،
قارداش قارداشا تله قورور.
3پئس ائشلره اَللرئنئن ائکئسی ده زئرَکدئر،
هم ریئسلر، هم ده حاکئملر روشوت طلب ادئرلر،
گوجلو آدام جانینین ائسته‌دئیئنی اعلان ادئر،
هامیسی نئیّتلر قورورلار.
4بونلارین لاپ یاخشیسی تئکاندان دَیَرسئزدئر،
لاپ صالح آدامی دا خاشاکدان پئسدئر.
اونون گؤزَتچئلرئنئن ائخطار اتدئیی گون،
سنئن جزا گونون گلئب.
ائندی اونلار چاشباش قالیبلار.
5قونشونوزا ائنانمایین،
دوستونوزا بِل باغلامایین،
حتّا قوینونوزدا یاتان آروادینیزدان بِله،
آغزینیزی مؤحکم ساخلایین.
6چونکی اوغول آتاسینا خور باخیر،
قیز آناسینین، گلئن ده قایین‌آناسینین ضئدّئنه قالخیر.
آدامین دوشمنی اؤزونون اِو اهلی اولوب.
7آمّا منه گلئنجه،
من ربّه باخاجاغام،
منی خئلاص ادن تارینی گؤزلَیه‌جیم.
تاریم منئم سَسئمی اشئده‌جک،
قورتولوش یولو
8حالیما سِوئنمه، ای دوشمنئم!
من ییخیلسام دا، قالخاجاغام.
قارانلیقدا ساکئن اولسام دا،
رب منئم نوروم اولاجاق!
9ربّئن قضبئنه دؤزه‌جیم،
چونکی من اونا گوناه اتمئشم،
او زاماناجاق کی، او منئم داعواما یِتئشسئن،
و عدالت یرئنه یِتئشسئن.
او منی ائشیغا چیخارداجاق،
اونون صالحلئیئنی گؤره‌جیم.
10دوشمنئم بونو گؤره‌جک، خجالت ائچئنده بوغولاجاق.
او منه دمئشدی:
«تارین رب هارادادیر؟»
گؤزلرئم بو دوشمنه باخاجاق،
و او واخت او، کوچه‌لرده تاپدالانان پالچیق کئمی اولاجاق.
11ای اورشلئم، او گون سنئن دووارلارینین برپا گونو اولاجاق،
او گون سرحدلرئن گِنئشلَنه‌جک.
12او گون خالقین آشوردان،
مئصئر شهرلرئندن،
مئصئردن فرات چایینا قدر اوزانان تورپاقلاردان،
دهنزدن دهنزه‌جک، داغدان داغاجاق،
سنئن یانینا قاییداجاق.
13یر اوزو ساکئنلرئنئن عمل‌لرئنه گؤره
وئران اولاجاق.
ربّئن ائسرایئله شَفقتی
14اؤز خالقینا، مئراثین اولان سورونه،
اَلئنده اولان عصا ائله چوبانلیق ات.
او، مِشه‌لئکده ائندی تَک باشینا ساکئندئر؛
محصول‌لو بئر زَمئنئن آراسیندا.
قوی کچمئش گونلرده‌کی کئمی
باشان و گئلعاددا اوتلاسینلار.
15«مئصئردن چیخدیغین گونلرده‌کی کئمی
سنه مؤجوزه‌لر گؤرسده‌جیم.»
16مئلّتلر بونو گؤره‌جکلر،
بوتون قووّتلرئندن اوتاناجاقلار.
اَل‌لری ائله آغیزلارینی یوماجاقلار،
قولاقلاری کار اولاجاق.
17ائلان کئمی تورپاغی یالایاجاقلار،
یِر اوزونون سوروننلری کئمی،
یووالاریندان اَسه-اَسه چیخاجاقلار.
دهشت ائچئنده رب تاریمیزین حوضورونا گله‌جکلر،
سندن قورخاجاقلار.
18سنئن کئمی بئر تاری کئمدئر،
سن کی، خاطانی باغیشلاییرسان،
مئراثیندان صاغ قالانلارین عاصئلئیئنی عَفو ادئرسن؟!
او کی، قضبئنی ابده‌جک ساخلامیر،
چونکی خوشلانیر کی، محبّت گؤرسدسئن.
19گئنه بئزه شَفقَت گؤرسده‌جک؛
بوتون خاطالاریمیزی آیاق آلتینا آتاجاق.
بلی، سن بئزئم بوتون گوناهلاریمیزی دهنزئن درئنلئکلرئنه آتاجاقسان.
20قدئم زاماندا آتالاریمیزا آند ائچدئیئن کئمی
یعقوب نسلئنه حقئقتی،
ائبراهئم اؤولادلارینا دَیئشئلمَز محبّتئنی گؤرسده‌جکسن.
Currently Selected:
مئکا 7: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
