عئبرانئلره 4
4
تارینین وره‌جه‌یی راحاتلیق
1بونون اوچون گلئن قورخاق کی، اونون راحاتلیغینا گئرمک وعده باقی ائکن، مبادا سئزلردن هچ بئرئنئز اوندان محروم اولموش گؤرونسون. 2چونکی خوش خبر اونلارا وعظ اولوندوغو کئمی، بئزه ده وعظ اولونموشدو؛ آمّا اشئتدئکلری کلامین اونلارا بئر فایداسی اولمادی. چونکی او کلام اونو اشئدنلرده ائمان واسئطه‌سی‌ائله بئرلَشدئرئلمه‌دی. 3بونا گؤره کی، بئز ائمان گتئرنلر راحاتلیغا گئردئک، نجه کی، دیئب:
قضبئمده آند ائچدئم کی، اونلار من ورن راحاتلیغا گئرمزلر.
گرچی اونون ائشلری دونیانین بئناسیندان بری باشا چاتمیشدیر.#4:3 مزمور ۹۵:۱۱ 4چونکی یدّئنجی گون حاقّیندا بئر یرده دیئب:
یدّئنجی گونده تاری بوتون ائشلرئندن راحات اولدو.#4:4 یارادیلیش ۲:۲
5و گئنه بو یرده:
اونلار من ورن راحاتلیغا گئرمزلر.#4:5 مزمور ۹۵:۱۱
6بله‌جه، نه ائنکی بعضئلرئنئن او راحاتلیغا گئرمه‌سی اوچون ائمکان قالیر و خوش خبری قاباقجا اشئدنلر ائطاعتسئزلئکلری اوزوندن گئره بئلمه‌دئلر، 7تاری گئنه، بو قدر زامان کچدئکدن سونرا، بئر گون تعیئن ادئر و داوودون دئلی ائله «بو گون» دیئر، نجه کی، قاباقجادان دیئلئب ده کی:
بو گون اگر اونون سسئنی اشئدئرسئنئز، اورَکلرئنئزی برک اتمه‌یئن.#4:7 مزمور ۹۵:۷ و ۸
8چونکی اگر اونلارا راحاتلیق ورن یوشع اولسایدی، تاری بوندان سونرا آیری بئر گون حاقّیندا دانیشمازدی. 9بله‌جه تارینین خالقی اوچون بئر سبّت راحاتلیغی قالیر. 10چونکی تاری ورن راحاتلیغا گئرن اؤزو ده، اؤز ائشلرئندن راحاتلادی، نجه کی، تاری اؤز ائشلرئندن اتمئشدی. 11بله‌جه گلئن او راحاتلیغا گئرمک اوچون جهد ادک، اِله کی، هچ کس همن ائطاعتسئزلئیئن نومونه‌سئنی گؤتوروب ییخیلماسین. 12چونکی تارینین کلامی دئری، فعّال و ائکی‌‌آغیزلی هر قیلینجدان داها ائتی‌دئر و جانی و روحو، هم ده مفصل‌لری و ائلئکلری بئربئرئندن آییرانا قدر کسئر و اوره‌یئن فئکئرلر و نئیّتلرئنی آییرلاماغا قادئردئر. 13و هچ بئر مخلوق تارینین نظرئندن گئزلی دیئل، لاکئن هر شی اونون گؤزلری قاباغیندا کی، اونا جاواب ورمه‌لئیئک، لوت و آچیقدیر.
بؤیوک باش کاهئن عئسا
14بونا گؤره ائندی کی، گؤیلردن کچمئش بؤیوک بئر باش کاهئنئمئز وار، یعنی تارینین اوغلو عئسا، گلئن اعتئرافیمیزی مؤحکم ساخلایاق. 15چونکی اِله بئر باش کاهئنئمئز یوخدور کی، ضعئفلئکلرئمئزده بئزئمله همدرد اولماسین. آمّا هر شیده بئزئم کئمی وسوسه اولونموش، لاکئن گوناهسیز چیخمیش بئری واریمیزدیر. 16بله‌جه، گلئن یقئنلئکله فیض تختئنه یاخینلاشاق، اِله کی، مرحمت تاپیب احتئیاج واختیندا بئزه کؤمک ادن فیضه نایئل اولاق.
Currently Selected:
عئبرانئلره 4: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
