عئبرانئلره 3

موسادان افضل

1بونا گؤره، ای موقدّس قارداشلار، سماوی دعوته شرئک اولانلار، ائقراریمیزین اِلچی و باش کاهئنی اولان عئسانی دوشونون؛ 2عئسا اونو تعیئن اده‌نه وفالی قالدی نجه کی، موسا دا تارینین بوتون اِوئنه وفالی قالدی. 3چونکی عئسا موسادان داها بؤیوک شؤوکته لایئق ساییلیب، نه‌قدر کی، اِو تئکه‌نئن حؤرمتی، اِودن آرتیقدیر. 4چونکی هر اِوئن بئر بنّاسی وار، لاکئن هر شیئن بنّاسی تاری‌دیر. 5موسا تارینین بوتون اِوئنده بئر خئدمتچی کئمی، سونرالار دیئله‌جک شیلره شهادت ورمک اوچون امئن ائدی. 6آمّا مسئح اوغول کئمی تارینین اِوی اوستونده ائدی کی، اونون اِوی بئزئک، اگر یقئن و اومئدئمئزئن فخرئنی آخیرا کئمی مؤحکم ساخلایاق. 7بونون اوچون نجه کی، موقدّس روح دیئر:

بو گون اگر اونون سسئنی اشئدئرسئنئز،

8اورَکلرئنئزی برک اتمه‌یئن،

اونلار کئمی کی، چؤلده ائمتاحان گونونده منی قضبلَندئردئلر،

9و آتالارینیز اورادا منی ائمتاحانا چکئب، یوخلادیلار

و قیرخ ائل منئم عمل‌لرئمی گؤردولر.

10بونا گؤره بو نسئله قضبله‌نئب ددئم:

اونلار دائم اورَکلرئنده آزیرلار،

و منئم یوللاریمی بئلمه‌دئلر.

11نجه کی، قضبئمده آند ائچدئم:

اونلار من ورن راحاتلیغا گئرمزلر.#3‏:11 مزمور ۹۵‏:۷‏-۱۱

12قارداشلار، دئقّت ادئن کی، سئزلردن هچ بئرئنئزئن پئس و ائنانمایان بئر اوره‌یی اولماسین کی، دئری تاریدان اوزاقلاشسین. 13آمّا بو گون دیئلدئکجه، گون‌به‌گون بئربئرئنئزی تشوئق ادئن، اِله کی، سئزلردن هچ بئرئنئز گوناهین حئیله‌‌سی ائله برکئمه‌سئن. 14چونکی اگر یقئنئمئزئن باشلانیشینی آخیرا کئمی مؤحکم ساخلایاق، مسئحئن شرئکلری اولموشوق. 15دیئلئر ده کی،

بو گون اگر اونون سسئنی اشئدئرسئنئز،

اورَکلرئنئزی برک اتمه‌یئن،

اونلار کئمی کی، منی قضبلَندئردئلر.#3‏:15 مزمور ۹۵‏:۷ و ۸

16اشئتدئکلری زامان، کئم اونو قضبلَندئردی؟ دوغرودان دا مگر بوتون اونلار دیئلدئلر کی، موسا ائله مئصئردن چیخدیلار؟ 17قیرخ ائل او، کئملره قضبلی ائدی؟ مگر اونلارا دیئلدی کی، گوناه اتدئلر، جسدلری ده چؤلده سرئلدی؟! 18کئملرئن حاقّیندا آند ائچدی کی، او ورن راحاتلیغا گئرمه‌یه‌جکلر؟ مگر ناموطئعلرئن حاقّیندا دیئلدی؟! 19بله‌جه گؤروروک کی، اونلار ائمانسیزلیقلارینا گؤره گئره بئلمه‌دئلر.

Currently Selected:

عئبرانئلره 3: موقدس کتاب

Highlight

Copy