عئبرانئلره 2
2
دئقّتلی اولاق
1بو سببدن اشئتدئیئمئزه گرک داها چوخ دئقّت اِدَک، اِله کی، اوندان بئر یانا آزمایاق. 2چونکی اگر ملکلرئن واسئطهسیائله دیئلمئش سؤز ثابئت اولدو کی، دیئشئلمزدئر و هر تقصئر و ائطاعتسئزلئک عادئل بئر جزا آلدی. 3نجه قورتولا بئله‌رئک اگر بله بئر بؤیوک نئجاتا اعتئناسیزلیق ادک؟! اونو اوّلجه رب بئزه ددی و سونرا اونو اشئدنلرئن واسئطهسیائله تصدئق اولوندو. 4تاری دا علامتلر و عجایئبلر، موختلئف مؤجوزه‌لر و اؤز ائراده‌سئنه موطابئق موقدّس روحون عطالاری ائله اونلارلا برابر شهادت وردی. 5تاری ددئیئمئز گله‌جک دونیانی، ملکلره تابع اتمه‌دی، 6لاکئن بئری بئر یرده بله شهادت ورئب دیئر:
ائنسان کئمدئر کی، اونو خاطیرلایاسان؟!
و یا ائنسان اوغلو کی، اونون قیدئنه قالاسان؟!
7آز بئر مودّت اوچون سن اونو ملکلردن آشاغی ادئبسن،
اونون باشینا شؤوکت و حؤرمت تاجی قویوبسان،
و اونو اؤز اَللرئنئن ائشلری اوستونه تعیئن ادئبسن.
8سن هر شیی اونون آیاقلاری آلتینا تابع ادئبسن.
چونکی هر شیی اونا تابع اِدَنده، تاری هچ بئر شیی اونا تابع اولمامیش قویمادی. آمّا بئز ائندی حله گؤرموروک کی، هر شی اونا تابع اولسون.#2:8 مزمور ۸:۴-۶ 9لاکئن آز بئر مودّت اوچون ملکلردن آشاغی ادئلمئشی، یعنی، عئسانی گؤروروک کی، اؤلومون عذابینی چکدئیی اوچون، باشینا شؤوکت و حؤرمت تاجی قویولدو، اِله کی، تارینین فیضئنئن واسئطهسیائله هامینین یرئنه اؤلومو دادسین. 10چونکی بو اونا کی، هر شی اونون اوچون و اونون واسئطهسیائله ائدی، موناسئب گؤروندو کی، چوخ اوغوللاری شؤوکته گتئرمکده عذابلار واسئطه‌سئله اونلارین نئجاتینین بانئسئنی کامالا گتئرسئن. 11چونکی هم او کی، تقدئس ادئر، هم ده اونلار کی، تقدئس اولونورلار، هامیسی بئر آتاداندیرلار. بو سببدن اونلاری قارداش چاغیرماقدان اوتانماییب 12دیئر:
سنئن آدینی قارداشلاریما اعلان اده‌جه‌یم،
سنئن جاماعاتین آراسیندا، سنئن حمدئنی اوخویاجاغام.#2:12 مزمور ۲۲:۲۲
13و گئنه:
اونا بل باغلایاجاغام. #2:13 اِشَعیا ۸:۱۷
و گئنه:
باخین، من و تارینین منه وردئیی اؤولادلار!#2:13 اِشَعیا ۸:۱۸
14بونا گؤره، اؤولادلار نجه بدن و قانا شرئکدئرلر، او، اؤزو ده، اله‌جه همن شیلردن پای آلدی کی، اؤلومون واسئطهسیائله اؤلومون اوستونه قوّت صاحئبی اولانی، یعنی ائبلئسی، قووّتسئز اتسئن. 15و عؤمورلری بویو اؤلوم قورخوسو ائله اسارته دوشموشلری آزاد اتسئن. 16یقئن کی، او، ملکلره کؤمک اتمئر، آمّا ائبراهئم نسلئنه کؤمک ادئر. 17بو سببدن لازیم ائدی کی، او، هر شیده قارداشلاری کئمی اولسون، اِله کی، تارییا مربوط اولان شیلرده مرحمتلی و وفالی بئر باش کاهئن اولوب، خالقین گوناهلارینین کفّاره‌سئنی تأمئن اتسئن. 18چونکی اؤزو ده وسوسه اولونوب عذاب چکدئیی اوچون قادئردئر کی، وسوسه اولونانلارین ائمدادینا یتئشسئن.
Currently Selected:
عئبرانئلره 2: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
