عئبرانئلره 1
1
ملکلردن افضل
1تاری کی، قدئم زامانلاردا دفه‌لرله پیغمبرلر واسئطه‌سئله و جوربه‌جور یوللارلا آتالاریمیزا دانیشدی، 2بو آخیرکی گونلرده بئزه اوغلونون واسئطه‌‌سی‌ائله دانیشیب کی، اونو هر شیئن وارئثی تعیئن اتدی و اونون واسئطه‌‌سی‌ائله دونیانی یاراتدی. 3و او، تارینین شؤوکتئنئن شفقی و اونون ذاتینین تامام صورتی‌دئر و هر شیی اؤز قودرتئنئن کلامی ائله ساخلاییر. او، گوناهلارین تمئزلمک ائشئنی باشا چاتدیراندان سونرا، اوجالاردا عظمتلی اولانین صاغیندا اوتوردو. 4و ملکلردن داها اعلا بئر آدی مئراث آلدیغی اوچون، اونلاردان داها دا افضل اولوبدور. 5چونکی تاری ملکلرئن هانسی بئرئنه اولوب کی، دسئن:
«سن منئم اوغلومسان،
من سنه بو گون آتا اولدوم.»#1:5 مزمور ۲:۷
و یا
«من اونا بئر آتا اولاجاغام،
او دا منه بئر اوغول اولاجاقدیر؟»#1:5 ۲سمویئل ۷:۱۴ و ۱سایلار ۱۷:۱۳
6آمّا ائلک دوغولانی گئنه بو دونیایا گتئردئیی زامان دیئر:
«قوی تارینین بوتون ملکلری اونا سجده اتسئنلر.»#1:6 تثنئیه ۳۲:۴۳ (سِپتواَجِنت ترجومه‌سی)
7و ملکلر باره‌سئنده دیئر:
«او، اؤز ملکلرئنی یله دؤندَ‌رئر،
اؤز خئدمتچئلرئنی اود آلووسونا.»#1:7 مزمور ۱۰۴:۴
8لاکئن اوغول حاقّیندا دیئر:
«سنئن تختئن، ای تاری، ابددن ابده کئمی‌دئر،
و صالح عصا، سنئن پادشاهلیغینین عصاسی‌دیر.
9سن صالحلئیی سِوئب شرئعتسئزلئکدن نئفرت اتدئن.
بونا گؤره تاری، سنئن تارین، سنی شادلیق یاغی ائله
یولداشلاریندان داها اوستون تعیئن اتدی.»#1:9 مزمور ۴۵:۶ و ۷
10و
«باشلانیشدا، سن یارب، یرئن بونؤوره‌سئنی قویدون،
و گؤیلر سنئن اللرئنئن ائشی‌دئر.
11اونلار محو اولاجاقلار، لاکئن سن قالیرسان.
اونلارین هامیسی پالتار کئمی کؤهنه‌لنه‌جکلر،
12شئنل کئمی اونلاری بوکه‌جکسن؛
پالتار کئمی اونلار دا دیئشئله‌جکلر.
لاکئن سن همئشه هَمَنسن،
و سنئن ائللرئن باشا چاتمایاجاق.»#1:12 مزمور ۱۰۲:۲۵-۲۷
13آمّا ملکلرئن هانسی بئرئنه اولوب کی، دسئن:
«منئم صاغیمدا اوتور، او زاماناجاق کی،
من سنئن دوشمنلرئنی آیاقلارینا کتئل ادئم؟»#1:13 مزمور ۱۱۰:۱
14مگر اونلارین هامیسی خئدمت ادن روحلار دیئللر کی، نئجاتی مئراث آلانلارین خاطئری اوچون، خئدمت اتمه‌یه گؤندَ‌رئلئرلر؟!
Currently Selected:
عئبرانئلره 1: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
