اِفِسوسلولارا 2
2
مسئحده دئری
1و سئز خاطالار و گوناهلارینیز ائچنده اؤلموشدونوز. 2بئر زامانلار اونلاردا بو دونیانین گدئشئنه گؤره رفتار اتدئنئز؛ هاوا ریئسئنئن قودرتئنه گؤره، یعنی او روحا گؤره کی، ائندی ائطاعتسئزلئیئن اوغوللاریندا عمل ادئر. 3اونلارین آراسیندا بئر زامانلار بئز هامیمیز دا جئسمئن شهوتلرئنده یاشایاراق، جئسمئن و فئکرئن هاوا-هوسلرئنی یرئنه یتئرئب، اؤزگه‌لر کئمی بئز ده طبئعتن قضبئن اؤولادلاری ائدئک. 4لاکئن مرحمتی بول اولان تاری، بئزی سودئیی بؤیوک محبّتئندن اؤتری، 5حتّا خاطالاریمیز اوزوندن اؤلو اولدوغوموز حالدا دا، بئزه مسئحله برابر حیات وردی. سئز فیضله نئجات تاپیبسینیز. 6و اونونلا بئزی دئرئلدئب، مسئح عئسادا اونونلا بئزی سماوی یرلرده اوتورتدو. 7اِله کی، گله‌جک عصرلرده اؤز فیضئنئن حدسئز دؤولتلئیئنی مسئح عئسادا بئزه شفقتله گؤرسدسئن. 8چونکی سئز فیض واسئطه‌سی‌ائله ائمان یولو ائله نئجات تاپیبسینیز و بو سئزدن دیئل، تارینین عطاسی‌دیر. 9عمل‌لردن دیئل کی، هچ کئم فخر اتمه‌سئن. 10چونکی بئز اونون صَنَتئیئک و مسئح عئسادا یاخشی عمل‌لر اوچون یاراندیق. بو عمل‌لری تاری قاباقجادان حاضیرلادی کی، بئز اونلاردا رفتار ادک.
11بونا گؤره سئز جئسمن قیری‌‌یهودی اولانلار کی، ائنسان اَلی ائله «ختنه اولموشلار» طرفئندن، «ختنه‌سئزلر» چاغیریلیرسینیز، خاطیرلایین کی، 12بئر زامانلار مسئحدن آیری، ائسرایئل هموطنلئیئندن اشئک و وعده‌نئن عهدلرئنه قرئب ائدئنئز. هچ بئر اومئدئنئز یوخ ائدی و دونیادا تاریسیز ائدئنئز. 13آمّا ائندی مسئح عئسادا، سئز کی، بئر زامانلار اوزاق ائدئنئز، مسئحئن قانی سببی ائله یاخین اولدونوز. 14چونکی او اؤزو بئزئم باریشیمیزدیر کی، هر ائکئسئنی بئر ادئب آیریلیق دووارینی آرالیقدان ییخدی. 15یعنی اؤز جئسمئنده عداوتی، قایدالاردا احکاملارین شرئعتئنی باطئل اتدی کی، باریش قوروب اؤزونده او ائکئدن تزه بئر ائنسان یاراتسین. 16و چارمیخ واسئطه‌سی‌ائله هر ائکئسئنی تک بئر بدنده تاری ائله باریشدیرسین و اونونلا عداوتی اؤلدورسون. 17او گلدی و هم اوزاقدا اولان سئزلره، هم ده یاخیندا اولانلارا باریشی وعظ اتدی. 18چونکی اونون واسئطه‌سی‌ائله ائکئمئزین ده بئر روحدا آتانین حوضورونا یولوموز آچیقدیر. 19دمه‌لی بوندان بله، سئز، نه یادسینیز، نه ده اجنبی. لاکئن موقدّسلرله برابر هموطن و تارینین عایئله‌سئندنسئنئز. 20و حوارئلر و نبئلرئن بونؤوره‌سی اوستونده بئنا اولوبسونوز کی، اونون بوجاق داشی مسئح عئسا اؤزودور. 21اوندا بوتون عئمارت هماهنگ دوزولوب، ربّه عایید موقدّس بئر معبد اولماق اوچون بئنا اولور. 22و اوندا سئز ده بئرلئکده تئکئلئرسئنئز کی، تارینین روحن ساکئن اولدوغو بئر یر اولاسینیز.
Currently Selected:
اِفِسوسلولارا 2: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
