اِفِسوسلولارا 3
3
پولوس، قیری-یهودئلرئن واعئظی
1بو سببدن من پولوس، سئز قیری‌‌یهودئلر اوچون مسئح عئسانین زئندانئسی، 2اگر حقئقتن تارینین سئزئن اوچون منه امانت ورئلدئیی فیضئنی اشئتمئش اولاسینیز. 3کی، وحی واسئطهسیائله سئرّ اولان منه بئلدئرئلدی، نجه کی، بوندان قاباق قیساجا یازدیم. 4اونا گؤره ده، بونو اوخویاندا منئم مسئحئن سئرّئنده اولان بصئرتئمی آنلایا بئلئرسئنئز. 5بو سئرّ اؤزگه نسئل‌لرده ائنسان اوغوللاری اوچون آشکار اولمامیشدی، نجه کی، ائندی موقدّس روحدا اؤز موقدّس حوارئلر و نبئلرئنه آشکار ادئب. 6کی، قیری‌‌یهودئلر ده ائنجئلئن واسئطهسیائله مسئح عئسادا همن مئراثین وارئثی، همن بدنئن عوضوو، و همن وعده‌نئن شرئکی‌دئرلر. 7من ده تارینین قودرتئنئن ائشئنه گؤره، منه باغیشلانمیش تارینین فیض عطاسینا اساسن اونون خئدمتچئسی اولدوم. 8و منه، بوتون موقدّسلرئن لاپ کئچئیئنه، بو فیض عطا اولوندو کی، مسئحئن قئیاسا گلمه‌ین دؤولتلرئنی قیری‌‌یهودئلره وعظ ادئم. 9و آیدینلاشدیریم کی، هر شیی یارادان تاریدا ازلدن گئزلنمئش سئرّئن ترتئبی نه‌دئر. 10اِله کی، تارینین قات-قات حئکمتی کئلئسانین واسئطهسیائله سماوی یرلرده اولان ریئسلر و ائقتئدار صاحئبلرئنه بئلدئرئلسئن. 11بو ابدی مقصده گؤره ائدی کی، تاری اونو ربّئمئز مسئح عئسادا انجامینا یتئردی. 12مسئحده اونا اولان ائمان واسئطهسیائله یاخینلاشماغا جورعت و یقئنئمئز وار. 13بونا گؤره سئزدن خاهئش ادئرم کی، سئزئن یولونوزدا چکدئیئم زحمتلره گؤره، اوره‌یئنئزی اوزولتمیه‌سئنئز. چونکی اونلار سئزئن عئزّتئنئزدئر.
14بو سببدن آتانین حوضوروندا دئز چؤکورم کی، 15گؤیده و یرده هر عایئله اوندان آدلانیر. 16اِله کی، اؤز عئزّتئنئن دؤولتئنه گؤره سئزه عطا اتسئن کی، باطئنی ائنساندا اونون اؤز روحونون واسئطهسیائله قودرتله‌نئب، قووّت آلاسینیز. 17و بله‌جه مسئح، ائمان واسئطهسیائله، سئزئن اورَکلرئنئزده ساکئن اولسون و سئز محبّتده کؤک آتیب، بونؤوره قویولاسینیز 18بله کی، بوتون موقدّسلر‌له بئرلئکده مسئحئن محبّتئنئن نه قدر گنئش، اوزون، اوجا و درئن اولدوغونو باشا دوشه بئله‌سئنئز 19و معرئفتدن چوخ اوستون اولان مسئحئن محبّتئنی بئله‌سئنئز کی، سئز تارینین بوتون دولولوغو ائله دولاسینیز.
20ائندی اونا کی، بئزده، بئزئم ائچئمئزده ائشله‌ین قودرته گؤره، تؤکَنمَز بوللوقدا بوتون ائسته‌دئیئمئز و یا گومان اتدئیئمئزدن داها اوستون اتمه‌یه قادئردئر. 21اونا کئلئسادا و مسئح عئسادا بوتون نسئل‌لر بویونجا شؤوکت اولسون. آمئن.
Currently Selected:
اِفِسوسلولارا 3: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
