Zĩn 28

Pɔlu kua Malita gũgũnaa

1Kɛ́ wa baa lè aafia, wá mà gũgũnapi tɔ́n Malita. 2Beleɔ wá kṹ ɔplapla ń yenzio. Aa gbãakpàwázi, aa tɛsa kàwɛ̃ɛ, asa lou lɛ́ ma mɛ́ ĩana bɔ̀lɛ. 3Pɔlu yaakele nàaa à mɔ̀, àlɛ katɛu, piligona ku a guu. Kɛ́ tɛ́ pusu mlɛpi pà, ɔ̃ à bɔ̀ à Pɔlu kũ̀ a ɔwa. 4Kɛ́ beleɔ mlɛpi è dɔ aà ɔwa, aa òkɔ̃ɛ: Gbɛ̃́ beeá gbɛ̃́dɛnaɛ sĩana. Baa kɛ́ à bùa íwa aafia, sĩana i weiɛ̀ aàɔ kuo. 5Ɔ̃ Pɔlu mlɛpi gbã̀ɛ a dà tɛ́u, i yãe kɛɛ̀o. 6Gbɛ̃́ɔ wɛ́ dɔi aà ɔ a ka à lɛlɛ gɛ ũ wegɔ̃ɔɛ. Kɛ́ à gɛ̃̀gɛ̃, aa è pɔe i aà leo, ɔ̃ aa lɛlìlɛ aa mɛ̀ gbɛ̃́piá luaeɛ.

7Gupi saɛ gũgũna gbɛ̃zɔ̃ɔ pɔ wì mɛɛ̀ Publiu bɛ kuu. À wá dilɛ gɔɔ aaɔ̃, à nibɔkɛ̀ maamaa. 8Publiu mae wulɛa ń mɛwãao, àlɛ bãnubãnukɛ. Ɔ̃ Pɔlu gɛ̃̀ aà kĩi, à wabikɛ̀ɛ̀, à ɔnàwà, à aà gbã̀gbã. 9Kɛ́ à gbã̀gbã màa, gũgũnapi gyãe kĩniɔ mɔ̀ aà kĩi, ɔ̃ aa gbã̀gbã sɔ̃. 10Aa wá kpɛlà maamaaɛ. Kɛ́ wálɛ tá, aa kũsũakɛ̀wɛ̃ɛ lɔ.

Pɔlu kaa Loma

11Wá kua gũgũnapiu mɔ aaɔ̃ gbɛa wa gɛ̃ go'ilɛna pɔ buziɛ blè weu, wa da zɛ́u. Gópi bɔ̀ Alɛsãndi, wà tãasiaɔ seela kɛ̀wà. 12Kɛ́ wa ka Silakusa, wa gɔɔ aaɔ̃ kɛ̀ we. 13Bɔa we wa dɔ gɔ̃sɔ̃lɛi e wa gɛ wa kaò Lɛgio. Kɛ́ a gu dɔ̀ ĩana bɔ̀ gɛɔmidɔkĩi oi, a gɔɔ plaade wa ka Puzɔli. 14Wɛ̃lɛpiu wa Yesudeɔ lèu. Aa mɛ̀ wà suuukɛ wà ãsɔ̃a do kɛńnɔ. Wá kɛ̀ màa, ɔ̃ wa da Loma zɛ́u. 15Loma Yesudeɔ wá baomà, ɔ̃ aa mɔ̀ daiwálɛ. Gbɛ̃eɔ wá lé Apiu'ɛlɛu, gbɛ̃eɔ sɔ̃ gu pɔ wì mɛ Pilakĩi'aaɔ̃u. Kɛ́ Pɔlu ń é, à Lua saaukpà, aà sɔ̃ nìni. 16Kɛ́ wa ka Loma, wà Pɔlu gbà zɛ́ aàɔ ku adoa ń sosa pɔ ìɔ aà dɔ̃́ao.

17Gɔɔ aaɔ̃ gbɛa Pɔlu Yuda gbɛ̃zɔ̃ɔɔ sìsi. Kɛ́ aa kã̀aa, a ònɛ́: Ma gbɛ̃́ɔ, mi zã Yudaɔnɛ yãewao. Mi bɔ wá deziɔ fɛlɛkaayãe kpɛo, ɔ̃ wà ma kũ Yelusalɛũ wà ma kpa Lomadeɔwa. 18Aa yãlàlaa, aai yãe e ma musu à kà wà ma dɛo, ɔ̃ aa ye wà ma gbaɛ. 19Ɔ̃ Yudaɔ bɔ̀ ma kpɛ. Teasi ma zɛ̀ò mà gɛ́ Sezaa kĩi,#Zĩn 25.11 i kɛ má yã vĩ ń ma busu gbɛ̃́ɔ no. 20Ayãmɛto ma á gbɛa wà kɔ̃'e mà oánɔ, asa gbɛ̃́ pɔ Isailiɔ wɛ́ dɔi yãi wà mɔɛ bee kàia.

21Ɔ̃ aa òɛ̀: Wi taalae e à bɔ̀ Yude busuu n yãmusuo. Wá gbɛ̃e sɔ̃ i bɔ we à sùwá ń n bao vãioo. 22Wá è a maa wà yã pɔ ń vĩ ma n lɛ́u, asa wá mà wì luasisizɛpi bɛ̃ɛbo gupiiuɛ.

23Aa gɔɔdìlɛkɔ̃ɛ ń Pɔluo, ɔ̃ aa mɔ̀ aà kĩi ua pɔ à pìlau dasidasi. A ye aa a yãzɛ dɔ̃ Yesu yãmusu, ɔ̃ a dàalɛ Mɔizi ikoyãlawa ń ãnabiɔ yãɔ, à kia pɔ Lua kpà yã'ònɛ́, à a bɔɔlɛkɛ̀nɛ́ za kɔɔkɔɔ e oosi. 24Gbɛ̃eɔ yã pɔ àlɛ oɔ zɛ'è, ãma gbɛ̃eɔ gìi. 25Kɛ́ aalɛ kɛ̃aa ń lɛkpaao, Pɔlu yã mɛndo kã̀fĩnɛ́ à mɛ̀: Yã pɔ Lua Nisĩna dà ãnabi Isaiaɛ a ò á deziɔnɛá sĩanaɛ à mɛ̀:

26Gɛ ǹ o gbɛ̃́piɔnɛ,

aa swãkpa aa yãemao,

aa wɛbiibii aa pɔe'eo.

27An nɔ̀sɛ paaao,

kɛ́ aasu ɔ̃nɔkũo yãi,

an swã gbãa, kɛ́ aasu yãmao yãi,

an wɛ́ kũaaa, kɛ́ asu kɛ̃o yãi,

asa aa ye wà ɛa sua

mà ń gbãgbão.#Isa 6.9-10

28-29Ayãmɛto, àɔ dɔ̃ kɛ́ Lua gbɛ̃́ɔ zĩ̀ ń suabayão buipãleɔwa. Aamɛ aa sí.

30Pɔlu kɛ̀ kpɛ́ pɔ àlɛ a fĩabo guu wɛ̃̀ bṹu plaɛ. Ì gbɛ̃́ pɔ aaì mɔ faaiboianɔɔ kũ ɔplapla pii. 31À kia pɔ Lua kpà yã waasokɛ̀nɛ́, à Dii Yesu Kilisi yãdànɛ́ ń laaio kpalɛa, gbɛ̃e i kpaɛ̀o.

Currently Selected:

Zĩn 28: Boo2024

Highlight

Copy