Zĩn 22

1Ma gbɛ̃́ɔ ń ma maeɔ, à swãkpa à ma gia ń mazĩao yãma sa. 2Kɛ́ aa mà àlɛ yã'onɛ́ ń hɛbɛluyão, aa kɛ̀ kílikili. Ɔ̃ Pɔlu mɛ̀: 3Yudan ma ũ, wà ma i Taasu, Silisi busuuɛ, ɔ̃ ma nɛblè wɛ̃lɛu la. Gamaliɛli kĩi ma ikoyã pɔ wá deziɔ kũa dàdau a zɛ́wa. Má ãia vĩ Luaɛ lá á ku gbã ápiiwa. 4Ma ĩadà zɛ́pideɔwa e an gbɛ̃eɔ gà, ma gɔ̃ɛɔ ń nɔɛɔ kũ̀kũ ma ń ká kpɛ́u.#Zĩn 8.3 5Sa'onkia ń gbɛ̃zɔ̃ɔɔ mɛ́ ma seeladeɔ ũ mpii. Ma lá pɔ aa kɛ̃̀ Damasi Yudaɔnɛ sì ń ɔzĩ, malɛ gɛ́ we mà zɛ́pideɔ kũkũ mà suńnɔ Yelusalɛũ wà ń wɛtã.#Zĩn 9.1-2

6Kɛ́ má bɛ zɛ́u, ma kãikũ̀ ń Damasio ĩatɛ̃ minanguo taawa, ɔ̃ kãndo gupua zɔ̃ɔ bɔ̀ luabɛ à kùlɛa. 7Ma bɔ ma lɛlɛ tɔɔlɛ, ɔ̃ ma yã'o mà, wa òmɛɛ: Sɔlu, Sɔlu, akɛa nlɛ ĩadaai? 8Ɔ̃ ma mɛ̀: Mmɛ ń déi Dii? Ɔ̃ a òmɛɛ: Mamɛ má Yesu Nazalɛti. Mamɛ nlɛ ĩadaa. 9Gbɛ̃́ pɔ kumanɔɔ gupuapi è, ãma aai gbɛ̃́ pɔ lɛ́ yã'omɛɛ yã'opi mao. 10Ɔ̃ ma aà là, kpelewa má kɛi, Dii? Ɔ̃ a òmɛɛ mà fɛlɛ gɛ̃ Damasi, we wa yã pɔ a dìlɛmɛɛ mà kɛ oumɛɛ pii. 11Gupuapi í gbãa tò ma wɛ́ lɛ́ gu'e lɔo, ɔ̃ ma gbɛ̃́ɔ ma kũ ma ɔwa, aa gɛ̃̀manɔ Damasi.

12Luayãdanae ku we wì mɛɛ̀ Anania. Ì misiilɛ Lua ikoyãɛ mɛ́ Damasi Yudaɔ pii ì aà tɔnasi. 13À mɔ̀ ma kĩi à zɛ̀ ma saɛ, ɔ̃ a òmɛɛ: Sɔlu ma gbɛ̃́, ɛa ǹ gu'e. Wegɔ̃ɔ ma wɛ́ wɛ̃̀, ɔ̃ ma aà è. 14À mɛ̀ wá deziɔ Lua mɛ́ ma sɛ, kɛ́ mà wɛsi Gbɛ̃maalɛ, mà yãma aà lɛ́u, mí aà pɔeã dɔ̃. 15À mɛ̀ máɔ dɛ aà seelade ũ, míɔ yã pɔ má è ń yã pɔ má mào o gbɛ̃piiɛ. 16Ɔ̃ à mɛ̀, bɔ́ malɛ dã lɔi? Mà fɛlɛ mà da'ilɛkɛ, ma duuna i woloa ń a sisiao.

17Kɛ́ ma ɛa Yelusalɛũ, malɛ wabikɛ Lua ua, ɔ̃ ma wɛpungu è. 18Ma Dii è, a òmɛɛ mà kɛ kpakpa mà bɔ Yelusalɛũ, asa wa yã pɔ malɛ o a musu sio. 19Ɔ̃ má ò Diiɛ, aa dɔ̃ sãasã kɛ́ miɔ gɛ̃ luasisikpɛ ń luasisikpɛo màɔ aà naaikɛnaɔ ká kpɛ́u wàɔ ń gbɛ̃ɛ. 20Kɛ́ wàlɛ aà seelade Ɛtiɛ̃ dɛ sɔ̃, mapi má ku weɛ, ma zɛ ń aà dɛnaɔ, má ń ulaɔ kũanɛ́.#Zĩn 7.58 21Ɔ̃ Dii òmɛɛ mà gɛ, a ma zĩ e buipãleɔ kĩi zã̀zãɛ.

22Aa swãkpà aà yãi e à gɛ̀ kà buipãleɔ yãpiwa, ɔ̃ aa nà wiiwa aalɛ mɛ: À aà dɛ! Gbɛ̃́ɛ bee taa kua zɛ́ vĩo! 23Aalɛ wiilɛ, aalɛ ń ulaɔ gbãɛ, aalɛ busuti zu musu. 24Ɔ̃ Loma sosaɔ gbɛ̃zɔ̃ɔ mɛ̀ wà gɛ̃ ń Pɔluo ń bɛ, wà aà gbɛ̃ ń flaalao e aà sĩana'o, wi e yã pɔ wàlɛ wiidɔwà a yãi ma. 25Kɛ́ wàlɛ Pɔlu ɔɔ poo wà aà ye, a ò sosa bade pɔ ku weɛ: Á a zɛ́ vĩ à Loma gbɛ̃́ gbɛ̃ yãkpalɛkɛsaia?

26Kɛ́ sosapi yãpi mà, à gɛ̀, a ò ń gbɛ̃zɔ̃ɔɛ à mɛ̀: Nlɛ kɛ kpelewa ni? Gbɛ̃́piá Loma gbɛ̃́ɛ. 27Ɔ̃ gbɛ̃zɔ̃ɔpi mɔ̀ Pɔlu là à mɛ̀: Omɛɛ, Loma gbɛ̃́n n ũa? A wèwà à mɛ̀: Ao. 28Ɔ̃ gbɛ̃zɔ̃ɔpi òɛ̀: Ma ɔ zɔ̃ɔ kpàɛ, ɔ̃ ma gbasa ma gɔ̃ Loma gbɛ̃́ ũ. Ɔ̃ Pɔlu òɛ̀: Mapi, wà ma i a ũɛ. 29Ɔ̃ gbɛ̃́ pɔ aa ye wà yãlalawà yãaɔ bɔ̀zã gɔ̃̀ɔ. Kɛ́ gbɛ̃zɔ̃ɔpi dɔ̃̀ Pɔluá Loma gbɛ̃́ɛ, vĩa aà kũ̀, kɛ́ a tò wà mɔkàwà yãi. 30A gu dɔ̀, kɛ́ gbɛ̃zɔ̃ɔpi ye à yã pɔ Yudaɔ mɔ̀ò sãasã ma, à mɔpòlowà, ɔ̃ à sa'onkiaɔ ń Yuda gbãadeɔ kã̀aa, à mɔ̀ ń Pɔluo an aɛ.

Currently Selected:

Zĩn 22: Boo2024

Highlight

Copy