Sekaria 7
7
Baah lulni bumɔb pu na aabɔr
1Ubɔr Darius aah nan ye ubɔrkpaan pu na aabinanar ponn ni aaŋmawae, uŋmal u bi yin u ke Kislef#7.1: Kislef ye Hiibru yaab aaŋmawae le libiln ni. U piini timi aaŋmapiik ni ubaa aakaasisik ni, le ki ti doo ŋmapiik ni nlee aakaasisik ni. na aawinaa daal, le Uwumbɔr nan di tibɔr tibaa tuk mi.
2Betel aatiŋ aanib nan tun Sareser, ni Regem‑Melek, ni baajab ke bi buen Uwumbɔr Mpɔɔnsakpiindaan Aadichal ni, ki ti mee uma Uwumbɔr aanyoor, 3ki baa waabɔnabtiib ni bitotoorb mbaan mumina ke: “Ti li beenin wii Uwumbɔr Aadichal aah bii pu na, ki lulni bumɔb ŋmaŋmu ni ke taah puen ŋa ŋibin ŋi jer pam na ni pu na aa?”
4Uwumbɔr aah di tibɔr ti tii ni mi na sɔ. 5U nan bui ke, “Bui kitiŋ ngbaan aanib ni bitotoorb ngbaan ke baah nan lulni bumɔb ki wii ikpowiil ŋmaŋmu ni ŋmalole ni ŋibin imonko itaa ni kipiik ŋi jer na, naa nan ye maanyuŋ pu le bi nan ŋani kina. 6Baah nan ti ki ji ki nyu buyoonn na, ni nan ye bibaa aapuujiir pu le bi ŋani kina.”
7Buyoonn Jerusalem aatiŋ nan kpa liwangol ni binib na, kina le Uwumbɔr nan cha n‑yaayoonn na aabɔnabr nan len. N‑yoonn ngbaan, binib pam nan koo ntim mu mann goln Jerusalem na ni, ni ŋŋangii wɔb aapepel ni, ni liwilir wɔb aataataab aagongon na mu ni.
Baah nan yii Uwumbɔr aamɔb ki buen tinaagbiir ni pu na
8Uwumbɔr nan di tibɔr timina tuk Sekaria: 9“N‑yaayoonn na le m nan di ikaal imina tii maanib. Ima le ye ke: ‘Ni cha ibamɔn li bi, ki li gee tɔb ki san tɔb kinimbaak. 10Ni taa li muk bikpopiib, ni nkpobim, ni biwɔwɔm bi koo ni chee na, bee bifalaadam, ki taa ban isan ke ni tun niŋeen aatɔ taani.’
11“Le maanib di tafalaaŋun yii, kaa ŋun tii mi. Bi nan kpaa bitafal, 12ki cha bisui pɔɔ ke litakpal na. Baah kaa ŋun tii maah nan di ikaal i tii ni n‑yaayoonn na aabɔnabtiib na, le maaŋuul nan fii bi pu sakpen. 13Baah nan yii kaa pel buyoonn m nan len bi chee tibɔr na, le m yii kaa pel baah mee mi pu na. 14M nan ŋar bi ŋŋaan ke kitaabuŋ na ke bi ti li koo ntiyayam ni. Kitinyaan kimina nan kpaln nkuun, le ubaa aa ki bi ki pu.”
Currently Selected:
Sekaria 7: xonB
Highlight
Copy
Compare
Share
Want to have your highlights saved across all your devices? Sign up or sign in
©1998, 2014 Wycliffe Bible Translators, Inc. All rights reserved.
